Sereńko 66:3 - সান্তালী বাইবেল

³ Isor metaepe, “Amakʼ kạmi ńelte monre botor ar bhokti do rakabokʼ kana. Amakʼ maraṅ daṛe samaṅre amren bạiriko do tumbutʼ hape reakʼko bhankakʼa.

Sereńko 66:3 Iomraidhean Croise

Jobakʼ 25:2

“Rajosṭi do Isorakʼ kangea, Mạliki ar toras hõ uniyakʼge; Uni do coṭ sermare acʼakʼ suluke hoeocoyeda.

Sereńko 18:44

Onko do ińakʼ katha ańjom torageko bataotińạ; ar bidisiạ hoṛ doko luhum suhumań kana.

Sereńko 18:45

Onko doko tolmojokʼa; ar thar tharaoakʼte gaṛ khonko oḍok hijukʼa.

Sereńko 47:2

Maraṅ Probhu Isor do botoranicʼ kanae; uni kangeae goṭa pirthimiren raj do.

Sereńko 65:5

E aleren babańcaoicʼ Isor, amakʼ dhorom reakʼ botoranakʼ kạmikote am do aleakʼ hohom luturakʼa. Dhạrtiren sanam manwa, ar sanam khon sạṅgińrenko ar jalapuri hanasaren hoṛko hõ amreko bhorsakʼa.

Sereńko 68:30

Onko ar onkoakʼ ạguakʼ rupạ reakʼ ṭakako baṛe lebetʼ gańjaome ar pạṭiol gaṛren bir janwar ar Misor do dhomkao emaeme; dhomkao kom bạchur ar phẽṭaṛko leka onko jạtrenkoge. Ar okoe jạtrenko do lạṛhạiko kusiyakʼkan Isor do onkoe chirchạtur cabakoa.

Sereńko 76:12

Uni do disạm calaokoakʼ bạḍạiye heseketʼtakoa; ar dhạrtiren rapajko do uniko botoraea.

Sereńko 81:15

“Bạiriko do iń samaṅre kiṛdhum akanko tahena, onko do jaejug hạbicʼko sạjạiyokʼa.

Exodus 15:21

Moseyakʼ sereń reakʼ roṛ ruạṛre Mạriạm do noa sereńe sereńkeda; “Ape do Probhu Isor ńutumte sereńpe, ente hoṛkoakʼ mẽtʼãhãre uniyakʼ ṭhonok do maraṅena. Sadomko ar aswariko do unige doreão dakʼreye khadleketʼkoa.”

Jesaea 2:19

Probhu Isor do tinre dhạrtiren hoṛko botor udukʼako lạgitʼe hijukʼa unre uniyakʼ botoranakʼ edre ar uniyakʼ ṭhonok reakʼ jhalkaokʼ khon rukhiyạ ńam lạgitʼ hoṛko do buru dander ar ot reakʼ bhugạkʼteko bolokʼa.

Jesaea 25:3

Ona iạte daṛean jạtrenko do amko sarhaomea ar kurmutạha jạtrenkoakʼ nagraha do amko botorama.

Jesaea 40:26

Coṭ secʼ beṅgetʼ rakabpe ar ńelpe; noako do okoeye sirjạu akada? Unige ipilko do mimitʼ mimitʼteye oḍoketʼkoa; unige onko mimitʼko ńutum ńumkateye hohowako kana. Uniyakʼ napṛakʼtetʼ ar maraṅ daṛete onkoren mitʼṭen hõ bako adokʼ kana.

Jesaea 64:3

Ar oka bale as akan onkan botorakʼkom kạmiletʼre am dom pheḍ hecʼena ar buruko do am samaṅre daldalaolena.

Jirimiạ 10:10

Menkhan Probhuge sạriyakʼren Isor kanae; uni doe jiwetʼgea ar jaejugren raj kanae. Uniyakʼ edrete dhạrti do thar tharaokʼa; jạt jạtrenko uniyakʼ edre do bako sahao daṛeakʼa.