Sereńko 61:2 - সান্তালী বাইবেল

² Ińakʼ mon loraolen tińre hõ ar dhạrti reakʼ mucạtʼ simạkoreń tahenre hõ iń do onḍe khon hõ amiń hohowama. Ar nonkan usul aotan burure ạyur rakabińme okaṭakʼ do iń khon ḍher pharakre menakʼ.

Sereńko 61:2 Iomraidhean Croise

Sereńko 142:3

Ińre ińakʼ jiwi loraokʼkanre amge ińakʼ jion reakʼ horem baḍayetʼtińạ; ar ińakʼ calakʼ horre hoṛko do hape hapete pạsiko oḍaoeda.

Sereńko 143:4

Onate iń doń lorao akana; ińre ińakʼ ontor do keklesetʼ akantińạ.

Sereńko 17:1

E Probhu Isor, dhorom reakʼ katha ańjomme, ar ińakʼ rakʼjoṅ luturakʼme; ińakʼ bin phạsiara moca reakʼ koejoṅ baṛe ańjomtińme;

Sereńko 18:2

Probhu Isorge ińren usul buru, unige ińakʼ aotan gaṛ ar ińren babańcaoicʼ; ar ińren Isorge ińren usul buru, unirege iń do asrayiń hataoeda. Uni do ińren dhal kanae, rurukhiyạicʼ dereńge, ar ińakʼ asray gaṛge.

Sereńko 18:46

Probhu Isor doe jiwetʼgea. Ińakʼ asray cạṭạini do sarhao hoyokʼtae ma, ar ińakʼ bańcaokʼren Isor doe usulokʼma.

Sereńko 27:5

Ente muhin hilokʼre uni do acʼakʼ ona gaṛre nirạiteye dohoyińạ, ar acʼakʼ ona tạmbureye oko dohokạńạ, ar ḍuṅgri cetanre uni doe rakabińạ.

Sereńko 40:2

Uni doe rakapʼ ạgukedińa sasette perecʼ khạnduṛuṅ khon dalahe losotʼ reakʼ ghaḍlakʼ khonge. Uni do dhiri cetanreye teṅgokedińa ar keṭecʼ hasa cetanreye taṛam ocokedińa.

Sereńko 42:6

E ińren Isor, ińakʼ jiwi do be as akantińạ; onate iń do Jordan gaḍa aṛereń teṅgo akana, ar Hormon buru reakʼ cuṛạre ar Mitsui burure teṅgokate amakʼ katha reakʼiń ganḍonokʼ kana.

Sereńko 43:5

E ińakʼ jiwi, cedakʼ am dom be as akana? Cedakʼ nunạkʼ dom cońcol akana? Isor cetanre bhorsa dohoyme, ente iń do arhõń sarhaoea; unige ińren babańcaoicʼ ar ińren Isor kanae.

Sereńko 55:5

Iń do botor caṛhao akadińạ ar botorteń thar tharaokʼ kana; ar botorteń ḍabao caba akana.

Sereńko 62:2

Eken unige ińren usul buru ar ińren babańcaoicʼ do; unige ińren gaṛ, iń do bạń bhagao ocokʼa.

Sereńko 62:6

Eken unige ińren usul buru ar ińren babańcaoicʼ do; unige ińren gaṛ, iń do ṭarhao akaniń tahena.

Sereńko 77:3

Iń do tinre Isorakʼ kathań hudisokʼkan tahẽkan unre dukteń khadbadaokʼkan tahẽkana; ar hudis hudiste iń doń loraokʼkan tahẽkana. (Sela)

Jesaea 32:2

Onkoren mimitʼko do birbão hoe khon okokʼ jaega ar hoe dakʼ khon danaṅokʼ jaegako hoyokʼa, ar khaṅgoṭ jaegare do ạtukʼ dakʼ lekako hoyokʼa, ar loraokʼkan disạmre do mitʼṭecʼ dhiri reakʼ umul lekankoge.

Jesaea 54:11

Probhu Isore meneda, “E birbão hoete gurlạu akanicʼ, ar jiwi raṛecʼ baṅ ńamakatʼicʼ ar nihạ̃t ocokʼicʼ nagraha, iń do nirola dhiriteń benaome lạgidokʼ kana ar amakʼ rehetʼ do nilkanto muniteń bạisạua.

Luk 22:44

Ar Jisu do ala jhalareye paṛaoente arhõ jidkateye koekeda. Uniyakʼ hoṛmo reakʼ balbal dakʼ do mãyãm leka otre ṭhopʼ ṭhopʼ jorokʼ ehopʼena.

Dosar Biboron 4:29

Menkhan ape do aperen Probhu Isor secʼ monpe ạcurtapea ar onate unipe ńamea, tobe apeakʼ goṭa mon, goṭa jiwi ar ontorte unipe sendrayea.