Sereńko 6:6 - সান্তালী বাইবেল

⁶ Iń do kuhrạu kuhrạuteń laṅga caba akana; goṭa ńindạ rakʼ rakʼte aṭetʼiń lohotʼetʼtińạ, ar mẽtʼ dakʼte ińakʼ parkomiń ḍiń ḍạbureda.

Sereńko 6:6 Iomraidhean Croise

Jobakʼ 10:1

“Ińakʼ jiwi do iń bhitrire laṅgayentińạ, ińakʼ duk reakʼ katha do khulạsateń roṛa ar ińakʼ jiwi reakʼ hewer haṛhatʼrege kathań roṛa.

Jobakʼ 16:20

Okoe iń secʼ menae uni do ińren gate kanae, ar Isor ṭhen iń do mẽtʼ dakʼ iń joroyetʼtińạ.

Jobakʼ 23:2

“Teheń hõ ińakʼ hae haeyokʼ do hewer haṛhatʼgetińạ; ińiń kuhrạukʼ kanrehõ, enhõ Isorakʼ hamal ti do iń cetanre menakʼa.

Jobakʼ 7:3

onkage candoke cando ińre bin jo bahakʼ do paṛao akana; iń do ńindạke ńindạ eken dukiń ńameda.

Sereńko 115:17

Gocʼko do Probhu Isor bako gun manao joharaea; ar okoe patal puriteko pheḍokʼ onko hõ bako gun manao joharaea;

Sereńko 30:10

E Probhu Isor, ańjomtińme, ar ińre dayakʼme; E Probhu Isor, amge goṛowạńme.”

Sereńko 38:9

E Probhu Isor, ińakʼ sanam khojogokʼakʼ dom baḍaegea; ińakʼ lolo sahẽtʼ hõ am ṭhen oko bạnukʼ anaṅ.

Sereńko 39:12

E Probhu Isor, ińakʼ koejoṅ ańjomtińme; ar goṛowạń lạgitʼ ińakʼ rakʼ joṅ ańjomtińme; ińakʼ mẽtʼ dakʼ ńelte am do alom thir hapekokʼa; ente ińren sanam hapṛamko cetʼlekako tahẽkan onkage ińhõ dhạrtire upriạ hoṛko leka minạńa.

Sereńko 42:3

Ińakʼ mẽtʼ dakʼ do ińakʼ din hilokʼ reakʼ jomakʼ hoyakantińạ; ar hoṛ hõko mitạń kana, “Okayenae amren Isor do?”

Sereńko 69:3

Hoho hohote iń doń laṅga cabayena, ar ińakʼ nạnḍri hõ rohoṛena; ińren Isor lạgitʼ koyokʼ horte ińakʼ mẽtʼ hõ dhund cabayentińạ.

Sereńko 88:11

Topare amakʼ asambheṛ dulạṛ ar norokre pạtiạr reakʼ katha do cetʼ porcarokʼ tama?

Sereńko 88:9

Duk ar kosṭote ińakʼ mẽtʼ do dhund caba akantińạ. E Probhu Isor, dinạm hilokʼ amiń hohowam kana; iń do am secʼ tiyiń tiyạr akatʼtińạ.

Jesaea 38:18

Ente Sheol do bae sarhao daṛeama ar gujukʼ hõ bae õṛhẽ daṛeama. Ar okoe niạ khorloṅteko pheḍ calakʼ onko do amakʼ gokʼakʼ reakʼ pạtiạrtetʼ bako ńel daṛeakʼa.

Jirimiạ 14:17

“Am do hoṛko noa katham metakoa, ‘siń ńindạ ińakʼ mẽtʼ khon mẽtʼ dakʼ jorokʼma, ente iń jạtren kũạri kuṛiko do ạḍiko ghạl akana.

Rak̕joṅ 1:16

Onatege iń doń rakʼeda, ińakʼ mẽtʼdakʼ do jorokʼ kantińạ. Jiwi raṛejtiń lạgitʼ do celege bạnukʼkoa, ar jiwi cerṭha ocoytiń lạgitʼ hõ bạnukʼkoa. Ińren gidrạko do ujạṛgeko hoyakana, ente bạiriko doko jitạuena. ”

Rak̕joṅ 1:2

Uni do ạyupʼ jokhecʼ ạḍiye rakʼetʼ kana, mẽtʼ dakʼte johakine lohotʼetʼtaea. Acʼren dulạṛiạko modren uniyakʼ jiwi raṛejtae lạgitʼ do okoehõ bạnukʼkoa. Uniren gateko do jotoge uniko eṛeakadea; onko jotoge uniren bạiriko hoyakana.

Rak̕joṅ 2:11

Rakʼ rakʼte ińakʼ mẽtʼ do dhundentińạ, ińakʼ jiwi do ṭolmolaokʼ kantińạ; iń jạtren hoponerae nosṭoyen iạte nagraha reakʼ kulhikore ńir keṭecʼ gidrạ ar nunukoko loraokʼkan iạte ińakʼ ontor do bhabnate suḍrạu oḍokentińạ.

Luk 7:38

Ar Jisu tayom secʼre uniyakʼ jaṅga ṭhen senkate teṅgoyente rakʼ rakʼte acʼakʼ mẽtʼ dakʼte uniyakʼ jaṅgakine lohotʼketʼtaea. Ar inạ tayom uni do acʼakʼ upʼte jaṅgae jotʼketʼtaea ar jaṅgareye cokʼadete ona mahkaokʼ sunume duladea.