Sereńko 54:3 - সান্তালী বাইবেল

³ Eṭakʼ jạtren hoṛko do iń upạrteko teṅgo akana; Sasantaoko do ińakʼ jiwi marao lạgitʼko kurumuṭu kana; noko hoṛ do Isor bako botoraea. (Sela)

Sereńko 54:3 Iomraidhean Croise

Sereńko 86:14

E Isor, bạḍạiko do iń upạrteko teṅgo akana; ar sasantaoko do ińakʼ jiwi hatao lạgitʼko kurumuṭu kana. Am lạgitʼ onko hoṛ do jãhãn bhoktige bạnukʼtakoa.

Sereńko 36:1

Bạṛicʼkoakʼ ghạṭ reaṅ ińakʼ ontor do Isorakʼ noa kathae ńam akada, “Bạṛicʼko do Isor bako botoraea.”

Johan 16:3

Onko do noa iạtegeko onkaea ente Baba hõ bako baḍaeakadea ar iń hõ bako baḍae akadińạ.

Sereńko 53:4

Bạṛicʼakʼ kạmikanko do cetʼ nunạkʼgeko bebujgea? Hoṛko cetʼleka jomakʼko jometʼkan onkage onko do ińren hoṛko jometʼkoa; onko do Isor hõ bako hohoaea.

Sereńko 40:14

Okoe do iń gojeń reakʼ kurumuṭure menakʼko onko jotoge lajao arko opomanokʼma; okoe ińakʼ sorbonasko khojkan onko do bohokʼ tumbutʼkateko ruạṛ calakʼma.

Sereńko 22:16

Iń beṛhaete bạṛicʼakʼko kạmikan phạdko do seta lekako esetʼ ạcur akadińạ; onko do ińakʼ ti jaṅgako pạṭi tapʼ akatʼtińạ.

Sereńko 16:8

Probhu Isor do jaoge iń samaṅreń ńelekana; uni do ińakʼ jojomsa aṛere menaete iń doń ṭarhao akana.

Sereńko 69:8

Ińren boehako ṭhen iń do bin opromicʼ iń hoyakana, ar eṅgat lacʼren boehako ṭhen do porjạt lekań hoyakana.

Sereńko 20:2

Acʼakʼ sonot ṭhạ̃i khon uni do ame goṛowam ma ar Sion buru khon daṛeye emam ma.

Sereńko 43:1

E Isor, dhorom reakʼ baṛe bicạrtińme, ar bedhorom jạtrenko upạrte iń secʼ katha roṛme; ar phạsiara ar bạṛicʼ hoṛkoakʼ ti khon hõ rukhiyạyińme.