Sereńko 53:4 - সান্তালী বাইবেল

⁴ Bạṛicʼakʼ kạmikanko do cetʼ nunạkʼgeko bebujgea? Hoṛko cetʼleka jomakʼko jometʼkan onkage onko do ińren hoṛko jometʼkoa; onko do Isor hõ bako hohoaea.

Sereńko 53:4 Iomraidhean Croise

Sereńko 27:2

Bạṛicʼ hoṛ do ińakʼ jelko joma mente tinreko hecʼ sorokʼa unre iń upạrtenko ar ińren bạiriko doko tohotʼ gurokʼa.

Sereńko 94:8

Orlo hoṛko, ape do luturakʼpe; E bebujko, ape do tispe ạkilokʼa?

Jesaea 27:11

Ona reakʼ ḍạrko rohoṛlen khan ona do rạputʼ giḍikʼa ar maejiuko do hecʼkate seṅgelre onako khadlea. Noko do mitʼṭen lelha jạtren kanako, onate okoe onkoe benao akatʼko onko cetanre uni do jãhãnakʼ bae mãyãkʼa; onkoren sisirjạuicʼ hõ onkore bae dayakʼa.

Jirimiạ 10:25

Okoe jạtrenko bako aṅgocme, ar okoe bako hohowam, onko cetanre amakʼ edre baṛe dulme. Onko do Jakobko jom akadea, ar uniyakʼ disạmko marao giḍiakada,

Jirimiạ 4:22

Probhu Isore meneda, ‘Ińren hoṛko doko lelhagea; onko do bako baḍae akadińạ. Onko do bebuj hopon ar hoponera kanako; onko do bujhạu reakʼ daṛege bạnukʼtakoa. Bạṛicʼakʼ kạmiren guruko kanako, menkhan bogeakʼ kạmi do bako baḍaea.”

Johan sodor 17:16

Ar oka gel goṭecʼ dereńem ńelketʼ onako ar uni janwar do uni kusmbiko hirkhạwaea. Onko do uniko maraoe giḍiyea arko uluṅea ar uniyakʼ jelko joma; ona tayom uni do seṅgelreko atar giḍikaea.