Sereńko 53:1 - সান্তালী বাইবেল

¹ Bebuj hoṛ doko mena Isor do bạnuiya. onkoakʼ sobhab do bạṛicʼgetakoa, ar kạmiko hõ hirkhạgetakoa; bhage kạmikan hoṛ do okoe hõ bạnukʼkoa.

Sereńko 53:1 Iomraidhean Croise

1 Rapajko 12:26

Jerobiame hudiskeda, “Pasecʼ raj do arhõ Dạudakʼ bõsre ruạṛ calakʼa.

1 Rapajko 14:24

Onkoakʼ disạmre do herel kusumbi hõko tahẽkana. Ar okoe jạtrenko Probhu Isor do Israelko samaṅ khone sạṅgiń giḍiletʼko onkoakʼ sanam hirkhạwanakʼ kạmiko do Jihudạren hoṛko kạmikan tahẽkana.

Jobakʼ 14:4

Besaphaicʼ khon cetʼ jãhãe saphaicʼe benao daṛekea? Ona do okoehõ bae daṛeakʼa.

Jobakʼ 15:16

enḍekhan manwa, okoe do bạṛicʼ are kharapge ar ghạṭko dakʼ lekae ńũiyetʼ, uni do khạṭi bae hoedaṛeakʼa.

Sereńko 10:11

Uni do mone moneteye meneda, “Isor doe hiṛiń akada; uni doe dea giḍiakada, ar tishõ bae ńeńela.”

Sereńko 10:13

Bedhorom hoṛ do Isor cedakʼe nihạ̃t giḍikaea? Ar mone monete cedakʼe meneda, “Uni do iń ṭhen jãhãn hisạb bae hataoa mente?”

Sereńko 10:4

Bedhorom hoṛ do ṭheṭamute Probhu Isore neṅghao edeya; uniyakʼ bạṛicʼ monsubạre noa hudisge menakʼa Isor mente ar okoe hõ bạnukʼkoa.

Sereńko 10:6

Uni do mone moneteye meneda, “Nonkanakʼ cetʼge bạnukʼa one onate ińe dalhao daṛeạń; ar ińakʼ muskil do tishõ baṅ hoyokʼa.”

Sereńko 88:1

E Probhu, ińren babańcaoicʼ Isor, iń do siń sạṭupʼ am ṭheniń rakʼetʼkana.

Sereńko 92:6

Orlo hoṛ do ona bae baḍae daṛeakʼa; ar bebuj hoṛ hõ ona do bae bujhạu daṛeakʼa.

Jeheskel 16:47

Enrehõ am do unkinakʼ horkore taṛamte ar unkinakʼ hirkhạwakʼko leka kạmite do bam tirpitlena, bickom eken thoṛa ghạṛitege amakʼ sanam horkore unkin khon hõ bạ̃ṛtigem kharapena.

Jeheskel 16:51

Am okakom kại akatʼ ona reakʼ adha hõ Samariạ do bae onka akada. Am do unkin khon hõ ḍher hirkhạwakʼ kạmikom kạmi akada. Ar amem kạmikan ńelte amren boeha kuṛikin do dhoromkin hudisokʼ kana.

Mathae 5:22

Menkhan ińiń metapekana, okoe acʼren boeha cetanreye edrekʼ, uni do bicạrre dạyike hoyokʼa. Ar okoe acʼren boehae metae, ‘Eya orlo,’ uni do maraṅ bạisire dạyike hoyokʼa. Okoe acʼ boehae metae, ‘Eya dundhạ,’ uni do norok seṅgelre khadle ocokʼ leke hoyokʼa.

Luk 12:20

Menkhan Isor do uniye metadea, ‘E bebuj, teheń ńindạge am dom gujukʼa. Enḍekhan onem doho jarwa akatʼ dhon do okoeyakʼ hoyokʼa?’ ”

Romiko lạgitʼ Pạul Apostolakʼ ciṭhi 1:21

Manwa do uni reakʼakʼko baḍaekatere hõ Isor mente bako mạhimawadea, ar bako gunmanao joharadea. Onkoakʼ hudisjoṅakʼko do ạuṛiyakʼena ar onkoakʼ bebuj ontor do ńutte perecʼ akana.

Romiko lạgitʼ Pạul Apostolakʼ ciṭhi 1:28

Nonkate manwa do Isor bako manaoedete Isor hõ kại monreye soprotkatʼkoa, ar onatege manwa do be ṭhikakʼko kạmikana.

Ephesiko lạgitʼ Pạul Apostolakʼ ciṭhi 5:12

ente manwakoakʼ oko danaṅre kạmi akatʼ reakʼ noako katha roroṛ hõ lajao paṛaoakʼ kana.

Dosar Biboron 12:31

Ape do aperen Probhu Isorakʼ dekʼwa sewa do onkoakʼ sewa leka alope onkaea, ente onko do debotakoko sewawakore joto lekanakʼ hirkhạwakʼko kạmikana one okaṭakʼ do Probhu Isore hirkhạwakʼkan. Onko do debotako ńutumte seṅgelre akoren gidrạkoko khadleyetʼkoa.

1 Patras 4:3

Okoe Isor bako baḍae akade onko leka ape hõ lahate umtạ umti, bạṛicʼ sana, ńũ bhuteṛokʼ, rij roṅ, matalokʼ, ar hirkhạwakʼ boṅga sewarepe taṛametʼ tahẽkana.