Sereńko 51:4 - সান্তালী বাইবেল

⁴ Am upạrte, hẽ eken am upạrtegeń kại akada ar am mẽtʼãhã samaṅre okaṭakʼ bạṛicʼakʼkan onageń kạmi akada. Onatege amakʼ roṛ do dhoromgea ar amakʼ bicạr hõ nikhutgea.

Sereńko 51:4 Iomraidhean Croise

Genesis 20:6

Isor do kukmũ talate uniye metadea, “Hẽ, ińiń baḍaegea sojhe montege noam kạmiakada. Ar ona iạtege uni do bạń joṭetʼ ocoakatʼmea ar iń upạrte kại khoniń aṭkao akatʼmea.

Genesis 38:7

Menkhan Jihudạren nui hopon do Probhu Isor nońjorre bạṛicʼgeye tahẽkante jiwetʼ bae doholedea.

Genesis 39:9

Noa oṛakʼre iń cetante ar celege bạnukʼkoa. Ar am do uniren bạhu kanam, onate eken am chaḍa ar sanamkoge iń tabereye dohoakatʼkoa. Ar iń do cekate nonkan bạṛicʼ kạmiń kạmite Isor upạrteń kại daṛekea?”

Genesis 9:6

Isor do manwa acʼlekageye sirjạu akadea; onate jãhãn manwa jodi jãhãeye khũne enḍekhan eṭakʼ armitʼ hoṛ do uni khũniạhi hoṛakʼ jiwiye hataotaea.

2 Rapajko 17:17

Onko do Apnarren gidrạko seṅgelreko khadleyetʼko tahẽkana. Arko janokʼkan tahẽkana ar cinhạko ńelte tayom daram reakʼ katha lại reakʼko hewakʼkan tahẽkana ar Probhu Isorakʼ mẽtʼre oka bạṛicʼakʼ kan ona kạmi lạgitʼko ạkhrińokʼkan tahẽkante Probhu Isorko khĩs ocoyede tahẽkana.

2 Rapajko 21:6

Uni do acʼren hopon seṅgelreye samaṅkedea. Uni do maya-biddạkoe beoharetʼ tahẽkana ar cinhạko ńelte tayom daram reakʼ kathakoe guniyetʼ tahẽkana ar okoe do bhutko ar bạṛicʼ jiuko sãote jopoṛaoko dohoyetʼ tahẽkan onko tulucʼe solhayetʼ tahẽkana. Uni do Probhu Isorakʼ mẽtʼre ḍher bạṛicʼakʼ kạmikate uniye khĩs ocoyede tahẽkana.

Sereńko 50:4

Acʼren hoṛkoakʼ bicạr reakʼ hĩs hatao lạgitʼ uni do coṭ reakʼ rimile hohowae kana, ar dhạrti hõe hohoae kana;

Sereńko 50:6

Rimil do acʼakʼ dhorom bicạr reakʼ kathakoe lại saḍeakada, ente Isor doe bikʼcạricʼ kana.

Jesaea 43:25

“Ińge amakʼ ghạṭkoń meṭao akada; iń do amakʼ kạiko bạń disạ dohoytama.

Levitikus 5:19

Noa do kại ńutumte mitʼṭen samaṅokʼakʼ kana, ente uni do Probhu Isor samaṅreye dusigea.”

Luk 15:21

Unre hopon doe menkeda, ‘E baba, iń do Isor ar am samaṅreń kại akada. Amren hopon ńumogokʼ lek geń baṅkana.’

Luk 7:29

Arko ańjomketʼ sanam hoṛko ar mạsul uṭhạuko do Johanakʼ porcarte Isor do dhorom menteko aṅgockedete bạptismako ataṅkeda.

Aposkạmi 17:31

ente uni do nonkan mitʼṭecʼ dine nenḍa akada one ona dinre acʼe bahal akade mitʼṭen hoṛ hotete manwako dhoromteye bicạrko. Uni do gocʼko khone jiwetʼ beretʼ akadete sanam manwako ṭhen noae sạbud akada.”

Romiko lạgitʼ Pạul Apostolakʼ ciṭhi 2:5

Menkhan amakʼ mon do keṭecʼgea; am do kại khon mon ạcur bam khojkana. Onate Isorakʼ edre tis sodorokʼ, enhilokʼ lạgitʼ amakʼ bakhra sạjạyem sõcjoṅ kana. Ar unrege Isorakʼ dhorom bicạr do sodorokʼa.

Romiko lạgitʼ Pạul Apostolakʼ ciṭhi 3:4

Khạṭige baṅa. Sanam manwako eṛegere hõ Isor do jao okteye sạrigea. Sonot sostorre ol menakʼa, jemon amakʼ kathakore dhoromem ṭarhaokʼ arem bicạrokʼre dom jitạukʼ.

Jakob 2:11

Okoeye menakatʼ, “Alom loṭghuṭiya,” Unige arhõe meneda, “Alom khũna.” Enḍekhan ape do loṭghuṭi baṅkatepe khũn khan enḍekhan ạn bebataoko do cetʼ bape hoyokʼkana?

Jakob 2:9

Menkhan jotoko somante bape beṅgetʼakokan khan enḍekhanpe kạiyeda. Ar noa ạnge unre ạn bebataoko menteye dusipea.

Johan sodor 16:5

Ar dakʼ cetanre okoeṭakʼ serma goḍetakʼ ektiạri tahẽkantae uni do noa katha roroṛiń ańjomkedea: “E sonoticʼ, am do menamgea arem tahẽkana. Am dom dhoromgea, ente am do noako sạjạiyem emakana.

Johan sodor 19:11

Tayomte iń do serma jhicʼ akan, ar onḍe mitʼṭen ponḍ sadomiń ńelkedea. Ar okoe uni sadomreye decʼakan tahẽkan uniyakʼ ńutum do pạtiạr ar sạriyicʼ. Uni do dhoromteye bicạreda are lạṛhại kana.