Sereńko 51:1 - সান্তালী বাইবেল

¹ E Isor, amakʼ asambheṛ dulạṛ iạte ińre dayakʼme; amakʼ asambheṛ mãyãte ińakʼ sanam dusṭạmiko ikạ kạtińme.

Sereńko 51:1 Iomraidhean Croise

2 Samuel 11:2

Mitʼdin maraṅ dakʼ lo ber Dạud do acʼakʼ aṭetʼ khon beretʼkate raj oṛakʼ reakʼ chatreye dãṛã baṛaekan tahẽkana. Unre uni do chat cetan khon mitʼṭen maejiu ḍạbrạkʼ kane ńelkedea. Maejiu do ńelokʼte ạḍi napaeye tahẽkana.

Nehemiạ 4:5

Onkoakʼ behokakʼ do alom ikại takoa se amakʼ mẽtʼ samaṅ khon onkoakʼ kại do alom meṭaotakoa, ente okoe pạcriko benaoetʼ onko samaṅrege onko do amko henosta akatʼmea.”

Sereńko 106:45

Onko lạgitʼ acʼe dohoakatʼ bondobos reakʼ kathae disạkeda; ar acʼakʼ asambheṛ dulạṛ lekate onkoreye mãyãyena.

Sereńko 106:7

Misorre tahen jokhecʼ aleren hapṛamko do amakʼ hahaṛa kạmi ńelte cetʼge bako bujhạuleda; onko do amakʼ asambheṛ dulạṛ reakʼ katha hõ bako disạ doholeda; onko do jalapuri aṛere, arakʼ jalapuri ṭhenko ṭhokkeda.

Sereńko 109:21

Menkhan am do, E Probhu ińren Isor, amakʼ ńutum khạtirte iń baṛe dayawạńme; ar amakʼ dulạṛ do bhagege iạte iń bańcaoińme.

Sereńko 119:124

Amren golam sãote amakʼ asambheṛ dulạṛ lekate beoharińme baṛe, ar amakʼ ạnko hõ cetʼạńme.

Sereńko 145:9

Probhu Isor do sanamko lạgitʼe bhạlạiyạnicʼ kana; uniyakʼ sirjạu reakʼ jotowakʼ cetanre mãyã menakʼtaea.

Sereńko 4:1

E ińren Isor, amakʼ sana lekań calakʼkan ona dom udukʼ akawạdińa; ar amiń hohowamre roṛ ruạṛạńme baṛe. Iń do muhinteń esetʼ akana, menkhan am do sahẽtʼ reakʼ bhạgem emakawạdińạ. Dayawạńme, ar ińakʼ koejoṅ baṛe ańjomtińme.

Sereńko 40:11

E Probhu Isor, amakʼ mãyã iń khon alom sapʼ dohoytama; amakʼ asambheṛ dulạṛ ar pạtiạr do jao ghuṛige jemone rukhiyạyiń ma;

Sereńko 5:7

Menkhan iń do amakʼ asambheṛ dayateń bolokʼa, ar amakʼ sonot oṛakʼ secʼ samaṅkate botoram tulucʼ iń ombagokʼa.

Sereńko 51:9

Ińakʼ kại secʼ do alom beṅgetʼakʼa; ińakʼ sanam ghạṭ baṛe ikạitińme.

Sereńko 69:13

Menkhan E Probhu Isor, amakʼ daya tinre ńamokʼkan tahẽkana unrege iń do am ṭheniń koejoṅkan tahẽkana; E Isor, amakʼ asambheṛ dulạṛte amakʼ babańcao reakʼ pạtiạrtetʼ ńelte roṛ ruạṛạńme.

Sereńko 69:16

E Probhu Isor, amakʼ daya reakʼ asambheṛ dulạṛte roṛ ruạṛạńme baṛe; ar amakʼ asambheṛ dayate iń secʼ ạcurokʼme.

Sereńko 77:9

Isor do cetʼ dayakʼe hiṛińkeda? Uni do cetʼ edre iạte acʼakʼ dayaye bond dohoakada?

Jesaea 43:25

“Ińge amakʼ ghạṭkoń meṭao akada; iń do amakʼ kạiko bạń disạ dohoytama.

Jesaea 44:22

Amakʼ ghạṭko do rimil lekań oṭaṅ giḍikakʼa ar amakʼ sanam kạiko do setakʼ reakʼ kuṛhạ lekań sạṅgiń akada. Iń ṭhen ruạṛ hijukʼme, ente ińge am doń chaḍao akatʼmea.”

Jesaea 63:15

E Probhu Isor, serma khon, amakʼ sonot ar ṭhonokanakʼ tahen oṛakʼ khon beṅgetʼkate ńelme. Amakʼ ãṭ ar daṛe kạmiko do okayentama? Amakʼ mạ̃hir ar mãyã do ale ṭhen khonem ocokʼakada.

Jesaea 63:7

Iń do Probhu Isorakʼ dayań lại jạhira ar uniyakʼ sanamakʼ kạmi reakʼ iń sarhaotaea. Acʼakʼ daya ar asambheṛ dulạṛ iạte uni do Israel jạtrenko lạgitʼ ḍher bhạlại reakʼe kạmi akatʼte uni doń sarhaoea.

Jirimiạ 18:23

Menkhan E Probhu Isor, iń gojeń lạgitʼ noako soṛojontro reakʼ katha dom baḍaegea. Onkoakʼ noa behok do alom ikạitakoa se amakʼ mẽtʼãhã samaṅ khon onkoakʼ kại do alom meṭaotakoa. Onko do samaṅregeko tohotʼ gurokʼma; ar amem edrekokʼ jokhecʼge halawakome.

Rak̕joṅ 3:32

Uni do duke emokʼrehõ enhõ uniyakʼ asambheṛ daya iạteye mãyãkʼgea,

Daniel 9:18

E ińren Isor, luturakʼme baṛe; ar ańjomme; amakʼ mẽtʼ jhijme ar okaṭakʼ nagraha do amakʼ ńutumte bikạuakan ona reakʼ ujạṛakʼ mitʼ dhao beṅgetʼakʼme. Aleakʼ gunte do baṅ bickom amakʼ maraṅ dayate am ṭhenle nehõrokʼ kana.

Daniel 9:9

Aleren Probhu Isor do dayakʼicʼ ar ikʼkạyicʼ Isor kanae, enhõ ale do am upạrtele hul akada.

Aposkạmi 3:19

Onate kại khon mon ạcurtape ar Isor secʼ ruạṛokʼpe jemon apeakʼ kạiko meṭaokʼtape;

Kolossiko lạgitʼ Pạul Apostolakʼ ciṭhi 2:14

ar abo upạrte oka dolel olakan tahẽkan ona reakʼ jotowakʼe meṭaokeda. Ona dolel do kurusre khil jalatʼketʼteye bạtil giḍikada.