Sereńko 5:4 - সান্তালী বাইবেল

⁴ E Isor, am do bedhoromakʼre rạskạkʼ icʼ dom baṅkana; ente bạṛicʼ hoṛ do am samaṅre bako tahẽ daṛeakʼa.

Sereńko 5:4 Iomraidhean Croise

1 Bõsbudạ 29:17

E ińren Isor, ińiń baḍaea, am do ontorem biḍạu aṭkaretʼkana ar dhorom iạtem kusikʼkana. Noako jinis do mon ar ontor khon kusiteń em akatʼmea. Ar ńitokʼ do ona ńelteń rạskạkʼ kana, amren hoṛko okoe do nonḍe menakʼko onko hõko kusikʼkana.

Sereńko 101:7

Phạsiạrako do ińakʼ oṛakʼre bako tahẽdaṛeakʼa; ar eṛe roroṛko hõ ińakʼ mẽtʼãhã samaṅre bako tahẽ daṛeakʼa.

Sereńko 11:5

Probhu Isor do acʼ botoraekan koe biḍạu aṭkaretʼkoa, menkhan okoe bedhorom ar jor julumgeko dulạṛetʼ onko do bae moneyako kana.

Sereńko 140:13

Dhorom hoṛ do khạṭige amko sarhaomea, ar ontorre khạṭi hoṛ do am samaṅreko girobasokʼa.

Sereńko 50:21

Noako joto do amem onka akada, menkhan iń do moca bạń jhicʼ akatʼtińa; amem hudiseda am lekan mitʼ hoṛ kạnạń, menkhan iń do amakʼ doskoń udukʼama ar amakʼ sanamakʼ do am mẽtʼãhã samaṅreń uduga.

Sereńko 63:2

Nonkage ona sonot ṭhạ̃ire iń doń ńel akatʼmea, ar amakʼ daṛe ar ṭhonok hõń ńelakada.

Sereńko 88:14

E Probhu Isor, cedakʼem bạgi giḍiwạń kana? Amakʼ mẽtʼãhã do cedakʼem betʼakatʼtama?

Sereńko 92:15

Onate porcarokʼa, Probhu Isor doe dhoromgea; unige ińren daṛe do ar unire jãhãn behok do bạnukʼa.

Sereńko 94:20

Bạṛicʼ bikʼcạrko do bạṛicʼ kạmi lạgitʼ ạnko teara; onko do cetʼ am sãote jãhãn helmel tahẽ daṛekokʼtakoa?

Habakkuk 1:13

Am do nunạkʼgem khạṭigea je, am do bạṛicʼakʼ secʼ beṅgetʼ hõ bam beṅgetʼeda ar behokakʼ hõ bam sahao daṛeakʼ kana. Enḍekhan cekate onko bepạtiạr hoṛ do bhage mẽtʼtem ńeletʼkoa? Dusṭạmi hoṛ do tinre ako khon hõ bhage hoṛko tạhuṛetʼkoa unre cedakʼ am do hape akanem tahenkana?

Malaki 2:17

Ape do apeakʼ katha hotete Probhu Isorpe laṅga ocoyede kana. Enhõpe meneda, “Cekate ale do unile laṅga ocoakadea?” Ape dope nonkayeda, arpe meneda, “Okoeko behoketʼkan onko sanamkoge Probhu Isorakʼ mẽtʼreko bhagegea ar uni hõ onko cetanreye kusigea,” Sepe meneda, “Okare menaea uni Isor do one uni dhorom reakʼe bicạretʼkan?”

Johan 14:23

Jisu do uniye roṛ ruạṛadea, “Jãhãege ińe dulạṛiń uni do ińakʼ kathae dohoya. Ińren Baba do uniye dulạṛea ar uni ṭhen liń hijukʼte uni soṅgeteliń tahena.

Ibriko 12:14

Sanam hoṛko tulucʼ sulukte tahen ar sonot hoyokʼ lạgitʼ ahkaokʼpe. Sonot begor Probhu Isor do okoe hõ bako ńelńamea.

2 Patras 3:13

Menkhan abo do Isorakʼ gokʼakʼ lekate nãwã serma ar nãwã dhạrti lạgitʼ bon koyokʼ horeda. Onḍe do sanamakʼge Isorakʼ monejoṅakʼ leka hoyokʼa.

Johan sodor 21:23

Ona nagrahare marsalokʼ lạgitʼ siń cando se ńindạ cando reakʼ jạruṛ do bạnukʼa, ente Isorakʼ ṭhonokge onḍe doe marsala ar Bheḍa Hopon kangeae onḍenicʼ diuhe do;

Johan sodor 21:27

Besapha jãhãnakʼ se hirkhạwakʼ kạmiko se eṛe roroṛko nonkan cele hoṛge onḍe do bako bolo daṛeakʼa; ar okoeyakʼ ńutum Bheḍa Hoponakʼ jion reakʼ puthire ol menakʼ, eken onkoge onḍeko bolo daṛeakʼa.