Sereńko 48:2 - সান্তালী বাইবেল

² Isorakʼ tahen jaega do ona Sion burure, ar coṭre benaoakʼ maraṅ rajakʼ nagraha do ńelokʼte ạḍi mońjgea; ona do goṭa dhạrtiye rạskạ ocoyeda.

Sereńko 48:2 Iomraidhean Croise

Sereńko 135:21

E Probhu Isor, okoe do Jerusalemreye tahenkan, uniyakʼ sarhao do Sion khon hoyokʼma. Probhu Isorakʼge sarhao hoyokʼtae ma.

Sereńko 50:2

Sion khon, mońj utạrakʼ ṭhạ̃i khon, Isorakʼ marsal do pasnao akana.

Sereńko 76:2

Salemre uniyakʼ tạmbu menakʼtaea ar Sionre hõ uniyakʼ tahen oṛakʼ menakʼa.

Sereńko 87:3

E Isorakʼ nagraha, am reaṅ do ạḍi ṭhonok reakʼ katha lạiyogokʼ kana. (Sela)

Sereńko 99:9

Ona iạte aboren Probhu Isor baṛe sarhaoepe; uniyakʼ sonot buru samaṅre ḍobokʼaepe, ente aboren Probhu Isor doe sonotgea.

Jesaea 14:13

Am do mone monetem meneda, ‘ińge sermateń rakapʼa, Isorren ipilko cetanre ińakʼ siṅghạson iń rakabtińạ; okare debotako jarwa midokʼ ona utạr senakʼ buru coṭre siṅghạsonreń duṛupʼa.

Jesaea 2:2

Mucạtʼ dinre sanam buruko modre ona buruge joto khon usulteye rakapʼ ocokʼa one okare Probhu Isorakʼ oṛakʼ menakʼ. Huḍiń buru boṭkocʼko khon uni do usulteye rakapʼ ocokʼa, ar sanam jạtrenko do ạtukʼ dakʼ leka uni secʼko ạtu calakʼa.

Jesaea 60:14

Okoe amko santaoetʼme tahẽkan onkoren hoponko do am ṭhen tumbutʼkateko hijukʼa; ar okoeko nihạ̃tetʼme tahẽkan onko jotoge amko ḍobokʼama ar Probhu Isorakʼ nagraha, Israelren uni sonoticʼakʼ Sion menteko bikạumea.

Jesaea 66:10

Ape okoe Jerusalempe dulạṛetʼ ape do uni tulucʼ rạskạkʼpe, ar uni iạte hulạsokʼpe; ape okoe uni iạtepe dukokʼkan ape do uni tulucʼ rạskạkʼpe.

Jirimiạ 3:19

“Ińgeń menleda, ‘ińge hoponko menkateń ataṅpea ar mitʼṭecʼ hạ̃sanakʼ disạmre, jạt jạtrenko talare mońj utạr ạidạriankoń hoyocopea.’ Iń doń hudisleda baba mentepe hohowạńạ ar iń tayom khon do bape ruạṛa.

Rak̕joṅ 2:15

Am aṛeteko parom calakʼ hoṛ do am ńelteko thayoya; onko do Jerusalem hoponera ńelteko landa dhudhutʼa ar bohokʼ ruku rukuteko mena, “Noa do cetʼ ona mońj utạrakʼ nagraha do baṅkana, one uni iạte goṭa dhạrtirenko rạskạkʼkan tahẽkan?”

Jeheskel 20:6

Enhilokʼ onko ṭhen arhoń kiriạlena, Misor disạm khon onkoń oḍok ạgukoa ar onko lạgitʼ okaṭakʼ disạmiń ṭhik dohoakatʼ ona disạmteń idikoa. Onḍe do toa ar dumur rasa ar jãhãnakʼ reakʼ okulạnge bạnukʼa; ona do sanam disạmko khon sorosgea.

Daniel 11:16

Unre jhãp emokʼko do akoakʼ kusi lekako kạmiya; onko upạrte celege bako teṅgo daṛeakʼa. Uni do ṭhonok disạm upạrteye teṅgona ar ona do ekalte uni gobolokʼa.

Daniel 11:45

Doreão ar mońj sonot buruko talare uni do acʼakʼ raj tạmbui bereda. Menkhan uni do acʼakʼ mucạtʼ secʼgeye mohnḍakʼa ar celege uni do bako goṛowaea.

Daniel 8:9

Ar onako dereń reakʼ mitʼṭecʼ khon ar mitʼṭecʼ dereń janamena; ona do pạhilre huḍińge tahẽkana menkhan tayomte do dạkhin, purub ar ṭhonok disạm secʼ hara idiyena.

Malaki 1:14

Jãhãege palre menakʼkotae lek lekan janwarko khon emokʼ lạgitʼe manot akatʼ khan ar hoṛmore dusiyicʼ mitʼṭen janwar Probhu Isor ńutumteye samaṅakade khan, uni doe ṭhokgea. Uni cetanre do sarap paṛaokʼma. Iń kangeạń maraṅ raj do ar sanam jạtrenko do ińgeko botorạńạ. Ar iń phạdkoren Probhu Isorge noa katha doń meneda.”

Malaki 3:12

Unre sanam jạtren hoṛ do bhạganko metapea, ente apeakʼ disạm do hulạste perejokʼa. Iń phạdkoren Probhu Isorge noa katha doń meneda.”

Mathae 5:35

Dhạrti ńutumte hõ alo ente ona do uniyakʼ jaṅga lebedokʼ jaega kana. Jerusalem ńutumte hõ alo, ente ona do maraṅ rajakʼ nagraha kana.

Ibriko 12:22

Ape do Sion buru ar jiwetʼ Isorakʼ nagraha ṭhenpe hecʼakana. Ona nagraha do hoyokʼ kana serma reakʼ Jerusalem. Ar hajar hajar serma goḍetkoakʼ rạskạ porob ṭhenpe hecʼakana;