Sereńko 48:1 - সান্তালী বাইবেল

¹ Aboren Isorakʼ nagrahare, ar uniyakʼ sonot burure, Probhu Isor doe maraṅgea ar joto khon bạ̃ṛti sarhao lek kanae

Sereńko 48:1 Iomraidhean Croise

Nehemiạ 9:5

Tayomte Liwiko mod khon Jesua, Kadmiyel, Bani, Hasabneya, Serebia, Hodia, Sebania, ar Petahia tekoko menkeda, “Ape do teṅgokate aboren Probhu Isor sarhaoepe, okoe do jug khon jaejug hạbicʼ menae.” Ona tayom onko do niạ menkate koejoṅko ehopʼena, “E Probhu Isor, amakʼ ńutum do sarhao ar ṭhonokte perejokʼma; ale emakʼ sanamakʼ sarhao khon hõ am dom maraṅgea.

Sereńko 145:3

Probhu Isor doe maraṅgea ar joto khon sarhaoanicʼ lek kanae; okoe hõ uniyakʼ maraṅtetʼ do bako bhujhạu daṛeakʼa.

Sereńko 147:5

Aboren Probhu Isor doe maraṅgea, ar uniyakʼ daṛe do ḍhergea; uniyakʼ bud ar akel reakʼ mucạtʼtetʼ do bạnukʼanaṅ.

Sereńko 2:6

Probhu Isore meneda, “Okoe rajiń ojokʼ akade uni do ińakʼ sonot buru Sionreń duṛupʼ akadea.”

Sereńko 30:1

E Probhu Isor, amiń sarhaomea, ente amgem rakapʼ ạgu akadińạ; ińren bạiriko do iń upạrte bam rạskạ oco akatʼkoa.

Sereńko 42:1

Jel hopon dakʼ lạgitʼ cetʼlekae ahkaokʼ kan, onkage E Isor, ińakʼ jiwi do am lạgitʼ ahkaokʼ kantińạ.

Sereńko 46:1

Isorge aboakʼ hirlạ ar daṛe; gạrre uni do gokʼṛoyicʼ kanae.

Sereńko 46:4

Mitʼṭecʼ gaḍa menakʼa ar ona reakʼ nalako do Isorakʼ nagrahakoe rạskạ ocoyeda, ona sonot ṭhạ̃ikoge okare maraṅ Isorre tahenkan.

Sereńko 47:8

Sanam jạtrenko cetanre Isor doe rajokʼ kana; uni do acʼakʼ sonot siṅghạsonreye duṛupʼ akana.

Sereńko 65:1

E Isor, Sionre amakʼ sarhao do guṛumre hoyokʼkana; aleakʼ joto manotakʼ do am lạgitʼ purunokʼa.

Sereńko 78:68

Menkhan Jihudi bõsrenkoakʼ ṭhạ̃igeye bachaoana one okaṭakʼ Sion buru uni doe dulạṛetʼ tahẽkan.

Sereńko 86:10

Am dom maraṅgea ar hahaṛawakʼkom kạmikana; eken amkagem Isor do.

Sereńko 87:1

Probhu Isor do sonot buruko cetanre acʼakʼ nagrahae tearjoṅa.

Sereńko 87:3

E Isorakʼ nagraha, am reaṅ do ạḍi ṭhonok reakʼ katha lạiyogokʼ kana. (Sela)

Sereńko 96:4

Probhu Isorgeye maraṅa ar sanamko cetanre unige sarhaoanicʼ lek kanae; sanam debotako khon uni doe botorangea.

Sereńko 99:9

Ona iạte aboren Probhu Isor baṛe sarhaoepe; uniyakʼ sonot buru samaṅre ḍobokʼaepe, ente aboren Probhu Isor doe sonotgea.

Jesaea 27:13

Enhilokʼ maraṅ mitʼṭecʼ sakwa do oroṅokʼa. Unre Ạsur disạmre okoe do atʼko tahẽkan ar Misorte okoeko laga ńir ocolen onkoko ruạṛ hijukʼa ar Jerusalem reakʼ sonot burure Probhu Isorko sewawaea.

Jirimiạ 31:23

Israelren Isor phạdkoren Probhui meneda, “Bondi dosa khon tinre hoṛkoń ruạṛ ạgukoa unre Jihudạ disạm ar ona nagraharen hoṛ do arhõko mena, ‘E dhoromte perecʼ tahen ṭhạ̃i, E sonot buru, Probhu Isor do ame bhoramma.’

Obodiạ 1:17

Menkhan Sion bururen adom hoṛko do rukhiyạko ńama; onko do Isor ńutumte begar akan hoṛ kanako. Ar Jakobakʼ bõsren hoṛ do akoakʼ sompottiko ńama.

Mikạ 4:1

Mucạtʼ dinre sanam buruko modre ona buruge joto khon usulteye rakapʼ ocokʼa one okare Probhu Isorakʼ oṛakʼ menakʼ. Huḍiń buru boṭkocʼko khon uni do usulteye rakapʼ ocokʼa, ar sanam jạtrenko do ạtukʼ dakʼ leka uni secʼko ạtu calakʼa.

Sakariạ 8:3

Iń do Sionte ruạṛ hecʼkate Jerusalemreń tahena. Unre Jerusalem do ‘sạriyakʼ reakʼ nagraha’ ar phạdkoren Probhu Isorakʼ buru do ‘sonot buru’ mente ńumogokʼa.

Mathae 24:15

“Daniel nạbi hotete ujạṛ reakʼ hirkhạwakʼ reaṅ oka roṛ akan ona sonot jaegare teṅgo akanpe ńellere (okoeye paṛhaoetʼkan uni doe bujhạuma),

Ibriko 12:22

Ape do Sion buru ar jiwetʼ Isorakʼ nagraha ṭhenpe hecʼakana. Ona nagraha do hoyokʼ kana serma reakʼ Jerusalem. Ar hajar hajar serma goḍetkoakʼ rạskạ porob ṭhenpe hecʼakana;

Johan sodor 19:5

Unre siṅghạson khon mitʼ hoṛe menkeda, “E Isorren golamko ar okoe do Isorpe sewawaekan, lạṭu ar kạṭicʼko ape jotokoge aboren Isor sarhaoepe.”

Johan sodor 21:2

Ar ona sonot nagraha, metakʼme nãwã Jerusalem do serma khon ar Isor ṭhen khon pheḍ hijukʼ kaniń ńelkeda. Cetʼleka bạhu do acʼren jãwãe lạgitʼe sajao sapṛao akan, onkage noa nagraha hõ sajao sapṛao ocoakan tahẽkana.