Sereńko 45:3 - সান্তালী বাইবেল

³ E birbanṭa, amakʼ ḍanḍare tarwaṛe toltam; ṭhonok ar mante sajaokʼme.

Sereńko 45:3 Iomraidhean Croise

Jobakʼ 1:16

Uni hoṛ do unhõ kathae roroṛkan tahẽkanrege ar mitʼ hoṛ do hecʼkateye menkeda, “Serma khon Isorakʼ seṅgel ńurente amren bhiḍiko ar gutikoe maraoketʼkoa. Ar am khoboram lạgitʼ iń eskargeń sarecʼ akana.”

Sereńko 104:1

E ińakʼ jiwi, Probhu Isor sarhao sereńaeme; E Probhu, ińren Isor, am dom dayawạnicʼ kana! Am do ṭhonok ar mantem sajao akana.

Sereńko 145:12

Jemon sanam manwa do amakʼ daṛete perecʼ kạmi reakʼ kathako baḍae daṛeakʼ, ar amakʼ rajosṭi reakʼ ṭhonokte perecʼ mạhima hõ.

Sereńko 145:5

Amakʼ man reakʼ mạhimawanakʼ ṭhonok kạnạń iń do amakʼ hahaṛawakʼko reaṅiń ganḍon joṅa.

Sereńko 21:5

Amem jitạu ocokedete uniyakʼ manot do ḍheretaea; am do man ar ṭhonokem emakawadea.

Sereńko 21:7

Probhu Isor cetanrege raj doe bhorsakʼ kana; ar maraṅ Isorakʼ khạndri dulạṛ do uniye ṭarhao ocoyea.

Sereńko 96:6

Man ar mạhima do uni samaṅre; uniyakʼ oṛakʼre do daṛe ar ṭhonokge menakʼa.

Soros sereń 2:3

Bir dareko talare apel dare cetʼleka, onkage juạnko talare ińren dulạṛiạ hõ. Uniyakʼ umulre duṛupʼkateń rạskạkʼ kana, ar uniyakʼ jo do heṛemgea ińakʼ mocare.

Soros sereń 5:13

Uniyakʼ johakin do jut so mosola reakʼ baṛge leka, one onḍe khon jut so mahkao oḍokokʼ kan. Uniyakʼ luṭikin do gondhoros joro pheḍokʼkan sikiyạm baha leka.

Jesaea 49:2

Ińakʼ moca do laser tarwaṛe lekae hoyoco akatʼtińạ. Uni do acʼakʼ ti reakʼ umulreye danaṅ akadińạ. Uni do jhak jhak ạ̃pạ̃ṛi lekae benao akadińạ ar acʼakʼ sar ṭhoṅgareye doho akadińạ.

Aposkạmi 10:36

Isor do Israelko ṭhen noa bhage sombate kolletʼ tahẽkana je, Jisu Mạsi, one okoe do sanamkoren Probhu Isorkan, uni hotetege suluk do ńamokʼa mente.

Romiko lạgitʼ Pạul Apostolakʼ ciṭhi 14:9

Mạsi doe gocʼlena are jiwetʼ beretʼena jemon uni do jiwetʼko ar gocʼkoren Probhui hoydaṛeakʼ.

Ibriko 1:3

Isorakʼ sanam gun do uni Hopontetʼrege menakʼa; ar Hopontetʼ kangeae Isorren purạ nạmuna do. Hopon do acʼakʼ ektiạranakʼ kathate jotowakʼe calaoetʼ kana. Manwakoakʼ kại reakʼ puruchun meṭaokate Hopon do coṭ utạricʼren Isorakʼ jojomsa aṛereye duṛupʼena.

Ibriko 4:12

Isorakʼ katha do jiwetʼgea ar jojaoakʼ kangea ar dene banar dharanakʼ tarwaṛe khon hõ bạ̃ṛti lasergea. Noa katha do manwa jiwi ar jiu, uṭi ar tumul hạṭiń begar hạbicʼ hõ sobokʼakʼ kana ar manwa ontor reakʼ sanam monejoṅakʼ ar hudisko biḍạu aṭkarakʼ kana.

Ibriko 8:1

Abo oka bon menetʼkan ona reakʼ asol katha do noa kana je, aboren do nonkan mitʼṭen maraṅ naeke menaea one uni do sermare maraṅ Isorakʼ siṅghạson reakʼ jojomsa aṛereye duṛupʼakan.

Johan sodor 1:16

Uni do acʼakʼ jojom tite eae goṭecʼ ipile sapʼ akatʼko tahẽkana ar moca khon do banarsa dharanakʼ mitʼṭecʼ laser tarwaṛe oḍokokʼkantae tahẽkana. Uniyakʼ mẽtãhã do tạpiste jolokʼkan siń cando leka jhak jhakaokʼkan tahẽkana.

Johan sodor 19:15

Sanam jạtrenko jemone ḍanṭao daṛeako ona lạgitʼ uniyakʼ moca khon mitʼṭecʼ laser tarwaṛe do oḍokokʼ kan tahẽkana. Uni do mẽṛhẽtʼ reakʼ ṭheṅgate sanam jạtrenkoe ḍanṭaokoa ar darkha jo do lelen kunḍre jaṅgateye lena. Noa darkha lelen kunḍ do hoyokʼ kana sanam daṛeyicʼ Isorakʼ botoranakʼ edre.

Johan sodor 19:21

Ar okoe uni ponḍ sadomreye decʼakan tahẽkan, ar uniyakʼ moca khon okaṭakʼ tarwaṛe oḍokokʼkan tahẽkan onate unkinren eṭakʼ sanam soṅgetenkoko gocʼ ocoyena. Onate cẽṛẽko do onkoakʼ jel jomteko biyena.

Bikʼcạrko 3:16

Uni do banar secʼ dharanakʼ mitʼ moka jeleń mitʼṭecʼ chorae benao ocokeda ar acʼakʼ kicricʼ latarre jojomsa bulureye bedhaoana.