Sereńko 43:2 - সান্তালী বাইবেল

² Ińren aotan gaṛren Isor dom amkangea; cedakʼ iń dom bạgi giḍiyedeń kana? cedakʼ bạirikoakʼ santao iạte monre duk doń asen baṛayeda?

Sereńko 43:2 Iomraidhean Croise

Sereńko 42:9

Ińren Isor ṭhen, ińakʼ aotan buru ṭhen, iń do noa kathań roṛa, “Cedakʼ am dom hiṛińkedińa? Ar cedakʼ iń do bạirikoakʼ santao iạte monre duk seletʼiń dãṛãnkana?”

Sereńko 28:7

Probhu Isorge ińakʼ daṛe ar ḍhal do; ińakʼ ontor do unirege hirlạ akana, ar onatege iń do goṛoń ńam akada; iń do õṛhẽ sereńateń sarhaoea.

Ephesiko lạgitʼ Pạul Apostolakʼ ciṭhi 6:10

Sarecʼ katha do nõkʼõe, Probhu Isor sãote mitʼakae tahẽkate uni emakʼ maraṅ daṛete daṛeanko hoyokʼpe.

Jesaea 40:31

menkhan Probhu Isorre okoe asko dohoyetʼ onko do nãwã daṛeko ńama. Pajhaṛ cẽṛẽ leka onko do phạ̃kṛạ̃kʼ hotete coṭteko uḍạukʼa; onko doko dạṛ idiya ar bako laṅgakʼa, taṛamako ar bako nijorokʼa.

Sereńko 94:14

Probhu Isor do tishõ acʼren hoṛko bae bạgi giḍiakoa; okoe doko acʼren bachaoko kan onko do bae giḍi sạṅgińkoa.

Sereńko 44:9

Menkhan ńitokʼ am dom bạgi giḍiakatʼlea ar lajaorem paṛao ocoakatʼlea; lạṛhạire aleren palṭonko sãote am do ar bam tahẽnkana.

Sakariạ 10:12

Ińakʼ daṛete onko do daṛeankoń hoyocokoa ar ińakʼ sana lekageko calakʼa. Iń Probhu Isorge noa katha doń meneda.”

Jesaea 45:24

Onko do iń reaṅko roṛa, ‘eken Probhu Isorrege dhorom ar daṛe do menakʼa.’ Hoṛko do iń ṭhenko hijukʼa ar okoe ińko edreạń onko doko lajao ocokʼa.

Sereńko 140:7

E Probhu Isor, ińakʼ bańcao reakʼ daṛe, lạṛhạire amge ińakʼ bohokʼ aḍtińme.

Sereńko 77:7

Probhu Isor do cetʼ jaejug hạbicʼgeye bạgi giḍiyatʼbona? Uni do cetʼ ar tisge bae daya abona?

Sereńko 71:9

Haṛam umerre alom giḍikạńa; ińakʼ daṛe do caba utạrentińạ, ar alom bạgi giḍikạńạ.

1 Bõsbudạ 28:9

“Ar ińren hopon Solomon, am do am apatren Isor samaṅrem taṛam ar amakʼ mon ar ontorte unim sewawaea, ente Probhu Isor do sanamkoakʼ ontore baḍaekana ar ganḍonjoṅakʼ hõe baḍaegea. Uniyakʼ monsubạ baḍae reakʼem kurumuṭule khanem baḍae daṛeakʼ, menkhan unim bạgiye enḍekhan uni hõ jaejug lạgitʼe nihạ̃tmea.

Exodus 15:2

Probhu Isorge ińakʼ daṛe, unige ińakʼ sereń do; ińakʼ bańcao do unirege menakʼa. Probhuge ińren Isor do; uniyakʼgeń sarhao sereńa. Uni do iń ạpuńren Isor kanae; uniyakʼ ṭhonok reakʼ iń sereńa.

Philipiko lạgitʼ Pạul apostolakʼ ciṭhi 4:13

Ar okoe daṛeye imạńkan uni hotetege iń do jotowakʼiń kạmi daṛeakʼ kana.

Sereńko 31:4

Iń lạgitʼ danaṅre oḍao akatʼ jhạli khon am do rukhiyạyińme, ente am kangeam ińren aotan gaṛ do.

Sereńko 42:10

Ińren bạiriko landa dhutʼạńte tinreko mitạńa, “Okayenae amren Isor do?” Unre ińakʼ dosa do jaṅko gejerokʼ leka hoyokʼ kantińạ.

Sereńko 88:15

Gidrạ khonge iń do dukreń tahenkana ar gujukʼ dạkhilreń paṛao akana. Amakʼ botoranakʼ sạjại do iń cetanre pheḍ hecʼakana; iń do ạḍitetʼgeń aschuṭạukʼ kana.