Sereńko 42:9 - সান্তালী বাইবেল

⁹ Ińren Isor ṭhen, ińakʼ aotan buru ṭhen, iń do noa kathań roṛa, “Cedakʼ am dom hiṛińkedińa? Ar cedakʼ iń do bạirikoakʼ santao iạte monre duk seletʼiń dãṛãnkana?”

Sereńko 42:9 Iomraidhean Croise

Sereńko 13:1

E Probhu Isor, ar tinạkʼ din? Am do cetʼ jaejug hạbicʼem hiṛińkạńạ? Iń ṭhen khon ar tinạkʼ din hạbicʼ amakʼ mẽtʼãhã dom ạcur dohokakʼa?

Sereńko 18:2

Probhu Isorge ińren usul buru, unige ińakʼ aotan gaṛ ar ińren babańcaoicʼ; ar ińren Isorge ińren usul buru, unirege iń do asrayiń hataoeda. Uni do ińren dhal kanae, rurukhiyạicʼ dereńge, ar ińakʼ asray gaṛge.

Sereńko 28:1

E Probhu Isor, ińren asray buru, iń do amgeń hohowam kana. Am do ińakʼ kathate lutur alom tubạtʼ katama, ente hape akanem tahen khan enḍekhan patal purite okoeko pheḍakan onko lekage ińakʼ dosa do hoyokʼtińạ.

Sereńko 38:6

Iń doń kubjạ akana, ar ạḍitetʼgeń kaba kubạ cabayena; goṭa din iń do monre duk dohokateń dãṛãn kana.

Sereńko 43:2

Ińren aotan gaṛren Isor dom amkangea; cedakʼ iń dom bạgi giḍiyedeń kana? cedakʼ bạirikoakʼ santao iạte monre duk doń asen baṛayeda?

Sereńko 62:2

Eken unige ińren usul buru ar ińren babańcaoicʼ do; unige ińren gaṛ, iń do bạń bhagao ocokʼa.

Sereńko 77:9

Isor do cetʼ dayakʼe hiṛińkeda? Uni do cetʼ edre iạte acʼakʼ dayaye bond dohoakada?

Sereńko 78:35

Onko doko disạkeda Isor kangeae onkoren aotan buru, ar maraṅ Isorge onkoren chakʼḍaoicʼ.

Sereńko 88:9

Duk ar kosṭote ińakʼ mẽtʼ do dhund caba akantińạ. E Probhu Isor, dinạm hilokʼ amiń hohowam kana; iń do am secʼ tiyiń tiyạr akatʼtińạ.

Sosolhayic̕ 4:1

Siń cando latarre oka santaoko hoyokʼkan ona secʼ mitʼ dhao beṅgetʼkateń ńelkeda santao ocokʼko doko rakʼeda, menkhan onko jiwi raṛecʼ emako lạgitʼ do celege bạnukʼkoa. Sasantaoko ṭhen do ektiạri menakʼa, menkhan santao ocokʼko jiwi raṛecʼ emako lạgitʼ do celege bạnukʼkoa.

Jesaea 40:27

E Jakob, cedakʼem meneda, E Israel, cedakʼem lạliseda, “Ińakʼ hor do Probhu ṭhen khon danaṅ akana ińakʼ hok reakʼ bicạr ńam lạgitʼ ińren Isor do bae moneyạń kana?”

Jesaea 49:15

Ona iạte Probhu Isore meneda, “Gogo do cetʼ acʼren nunu gidrại hiṛiń daṛekea? Gidrạ janam akadiyicʼ do cetʼ gidrạ cetanre bae mãyãkʼa? Hẽ, Eṅgat do acʼren gidrại hiṛiń daṛekea menkhan iń do tishõ bạń hiṛińmea.