Sereńko 42:2 - সান্তালী বাইবেল

² Isor lạgitʼ, jiwetʼ Isor lạgitʼge ińakʼ jiwire tetaṅedeń kana; tinre iń do uni samaṅre senkateń teṅgona?

Sereńko 42:2 Iomraidhean Croise

Jobakʼ 23:3

Ekeniń baḍae khan okare uniye ńamokʼa, ar uniyakʼ tahen ṭhạ̃iteń sen daṛeakʼ khan,

Sereńko 27:4

Probhu Isor ṭhen mitʼṭecʼ iń nehõrokʼ kana; ar okaṭakʼ iń khojokʼ kan ona do niạge ińakʼ goṭa jionre jemon Probhu Isorakʼ oṛakʼreń tahẽdaṛeakʼ, ar uniyakʼ ṭhonokiń ńel daṛeakʼte ona mundilre uni reaṅiń dhen daṛeakʼ;

Sereńko 43:4

jemon iń do Isorakʼ pinḍ ṭheniń sor daṛeakʼ. Unige ińren rạskạ ar suk do. E Isor, E ińren Isor, Iń do taranakʼ banamte amiń õṛhẽ sereńama.

Sereńko 63:1

E Isor, am do ińren Isorge. Iń do amiń ńam baṛayetʼmea; noa khaṅgoṭ ar dakʼ bạnukʼ disạmre, one uni do phosol hoeocoy reakʼ daṛege caba akantae, onḍe do am lạgitʼ ińakʼ jiwi tetaṅokʼ kantińạ, ar am lạgitʼ ińakʼ hoṛmo do ahkaokʼ kana.

Sereńko 63:3

Amakʼ asambheṛ dulạṛ ńam joṅ do bańcao tahen khon hõ bogegea; ińakʼ moca do ame sarhaomea.

Sereńko 84:10

Eṭakʼ jaegare hajar din khemao khon amakʼ oṛakʼ reakʼ racare mitʼṭecʼ din khemaoge ḍher bhagea; bạṛicʼ hoṛkoakʼ tạmbure ḍerakʼ khon bickom ińren Isorakʼ duạr ṭhen teṅgo tahenge ḍher bhagea.

Sereńko 84:2

Ińakʼ jiwi do Probhu Isorakʼ oṛakʼ reakʼ raca ńel lạgitʼe chaṭ pahṭaokʼ kana, ar ona iạte ińakʼ jiwi do oḍokokʼ kana; jiwetʼ Isor lạgitʼ ińakʼ hoṛmo ar mon do rạskạteye andoṛeda.

Sereńko 84:4

Bhạgangeako onko do, one okoe do amakʼ oṛakʼreko tahẽnkan; onko do sanam ghạṛicʼ amgeko sarhaomea. (Sela)

Sereńko 84:7

Calakʼ horre onko do daṛe cetan daṛeko ńameda; onko do Sionre Isor samaṅreko ńel ocokʼkana.

Exodus 23:17

Bochorre pe dhaokate aperen sanam herel hopon do Probhu Isor samaṅreko hạjirokʼma.

Jesaea 26:8

Hẽ, Probhu Isor, ale do amakʼ dhorom hortele taṛametʼkante am koyokʼ horre menakʼlea; aleakʼ khojokʼakʼ do amakʼ kạmi hotete sodorokʼme baṛe.

Jirimiạ 10:10

Menkhan Probhuge sạriyakʼren Isor kanae; uni doe jiwetʼgea ar jaejugren raj kanae. Uniyakʼ edrete dhạrti do thar tharaokʼa; jạt jạtrenko uniyakʼ edre do bako sahao daṛeakʼa.

Jirimiạ 2:13

Ente ińren hoṛ do bareako ghạṭ akada. Jion dakʼ reakʼ bhumbuk doń ińkangea, onko do ińgeko bạgi giḍi akadińạ, ar apnar lạgitʼ nonkan dakʼ ḍạḍiko benao akada one onakore do dakʼge baṅ tahenkan.

Daniel 6:26

Ińiń hukumetʼ kana, ińakʼ rajosṭiren sanam hoṛ do jemon Danielren Isorko botorae arko ḍobokʼaema, ente uni kangeae jiwetʼ ar jaejugicʼ Isor do. Uniyakʼ rajosṭi do tishõ baṅ maraokʼtaea, ar uniyakʼ ạidạri do tishõ baṅ mucạdokʼtaea.

Johan 5:26

Ente, Baba do cetʼleka acʼre jion menakʼtae onkage uni do Hopon hõ jion tahentae lạgitʼe emakawadea.

Johan 7:37

Ado porob reakʼ mucạtʼ din do mitʼṭecʼ asol din tahẽkana. Enhilokʼ Jisu doe teṅgoyente ãṭ aṛaṅteye menkeda, “Jãhãe hoṛ tetaṅede khan uni do iń ṭhene hijukʼma ar dakʼe ńũ idijoṅma.

1 Thessalonikikko 1:9

ente cetʼ lekape ataṅ daram akatʼle ona do hoṛkoko baḍae ocoyetʼlea. Onko do arhõko baḍae ocoakatʼlea je, ape do boṅga buruko ṭhen khon ruạṛkate cetʼleka jiwetʼ ar sạri Isor ṭhenpe hecʼakana jemon unipe sewawaete,

Josuạ 3:10

Aperen jiwetʼ Probhu Isor do ape sãore menae ar uni do Kananrenko, Hittirenko, Hiwiko, Pherisiko, Gergasiko, Amorirenko ar Jebusiko khạṭige ape samaṅ khone laga ńirkoa ar ona do nonkatepe bujhạu daṛeakʼa.

Johan sodor 22:1

Ona tayom uni serma goḍet do jion dakʼ reakʼ gaḍae udukʼạdińạ. Ona do dhiri hisir leka rilạmala tahẽkana ar Isor ar Bheḍa Hoponakʼ siṅghạson ṭhen khon ạtu oḍokkate nagraha reakʼ kulhi talate ạtukʼkan tahẽkana.