Sereńko 40:9 - সান্তালী বাইবেল

⁹ E Probhu Isor, maraṅ bạisire iń do amakʼ dhorom kạmi reaṅ iń lại jạhira; ar am dom baḍaege, iń do luṭikin bạń sikupʼetʼtińạ mente.

Sereńko 40:9 Iomraidhean Croise

Sereńko 119:13

Amakʼ moca khon okako ạn oḍokokʼkan ona do ińakʼ mocageye sodortama.

Sereńko 139:2

Jãhãnakʼgeń cekayetʼ am do jotogem baḍaekana; am do sạṅgiń khonge ińakʼ mon reakʼ hudis bundiskom baḍae daṛeakʼkana.

Sereńko 22:22

Ińren boehako ṭhen do am reaṅgeń lại jạhira, ar kạlisiạ talare amiń gun manao joharama.

Sereńko 22:25

Maraṅ sabhare ińakʼ oka sarhaoteakʼ menakʼ ona do am ṭhen khonge hijukʼkana ar amre okoekoakʼ botor menakʼ onko samaṅre iń do ińakʼ manotakʼ koń purạutińạ.

Sereńko 35:18

Maraṅ bạisire iń doń sarhaomea ar aema hoṛko talare amiń õṛhẽ sereńa ma.

Sereńko 37:31

Onkoren Isorakʼ hukum do onkoakʼ ontorre menakʼa; onkoakʼ jaṅga do baṅ leńjedokʼtakoa.

Jirimiạ 31:33

Israelko lạgitʼ okaṭakʼ bondobos iń bandhaoa ona do hoyokʼ kana, ińakʼ ạn-ạriko onkoakʼ monreń rebetʼakoa ar onkoakʼ ontorre hõń ol dohoya. Iń do onkoren Isoriń hoyokʼa ar onko do ińren hoṛgeko hoyokʼa.

Johan 21:17

Uni do tesar dhao Simon Patrase metadea, “Jona hopon Simon, sạrigem dulạṛ edeńkana?” Patras doe mon dukena, ente Jisu do tesar dhao uniye kulikedea, “Sạrigem dulạṛedeń kana?” Onate Patras do Jisui metadea, “E Probhu am do jotowakʼgem baḍaea, ar noa hõm baḍaegea amiń dulạṛetʼme kana.” Jisu do uniye metadea, “Ińren bhiḍiko gupikom.

Ibriko 2:12

Sonot sostorre uni do Isore metaekana, “Boehako ṭhen iń do am reaṅgeń lại jạhira, ar kạlisiạre amiń gun manao joharama.”

Josuạ 22:22

“Sanam daṛeanicʼ Probhu Isor! Sanam daṛeanicʼ Probhu Isor! Uni mae baḍaege ar Israelko hõko baḍaema. Probhu Isor upạrte jãhãn hul se bebatao reakʼ kạmi hoyakan khan enḍekhan teheń alope rehaelea.