Sereńko 39:6 - সান্তালী বাইবেল

⁶ Manwa do umul lekae hijukʼa, ar calakʼ hõ umul lekage; uni do ạuṛiyakʼgeye kạumạu baṛaea; uni do dhone sońj joṅa menkhan ona okoeye joma ona do bae baḍaea.

Sereńko 39:6 Iomraidhean Croise

Jobakʼ 14:1

Maejiuakʼ kukhireye janam akan manwa do thoṛa din lạgitʼ kanae, uni do jalateye perecʼgea.

Jobakʼ 7:16

Ińakʼ jiwi doń hirkhạwakʼ kana; jaejug hạbicʼ jiwetʼ tahen do bạń khojkana. Iń do aṛakʼkạńme; Ińakʼ bahaokʼ din do thoṛagetińa.

Jobakʼ 7:7

“E Isor, ińakʼ jiwi baṛe disạitiń me noa do mitʼṭecʼ sahẽtʼ chaḍa ar cetʼge baṅkana; iń do suk reakʼ ar bạń ńel ńama.

Sereńko 127:2

Ape do ạuṛiyakʼge jomakʼ jogaṛ lạgitʼ ạḍirepe beretʼkana ar ạḍi anecʼpe giticʼkana; menkhan Probhu Isor okoeye dulạṛetʼko onko tinreko jạpitʼjoṅa unre uni do onkoakʼ jạruṛokʼkoe emako kana.

Sereńko 144:4

Manwa ma eken sahẽtʼ leka ar uniyakʼ dinko do umul leka parom calakʼkana.

Sereńko 89:48

Okoe kanae uni daṛean hoṛ do, okoe do jiwetʼge menae ar bae gujukʼ? Nonkan okoe menakʼkoa, okoe do patal puri khon apnarteye rukhiyạ daṛekokʼ? (Sela)

Kạhtukko 13:22

Bhage hoṛ do acʼren goṛom gidrạko lạgitʼ ạidạriye doho oṭokakʼa, menkhan kạiyankoakʼ dhon do Isor botoraeko lạgitʼge doho akan tahena.

Kạhtukko 23:5

Dhon secʼ amakʼ mẽtʼ calaolen khange ona do cabakʼa, ente ona reakʼ phạ̃kṛạ̃kʼko do janamokʼa ar pajhaṛ leka coṭ secʼe uḍạukʼa.

Kạhtukko 27:24

ente dhon do jaejug baṅ tahena, raj mukuṭ hõ piṛhike piṛhi do baṅ tahena.

Sosolhayic̕ 1:14

Siń cando latarre jãhãnakʼge cekae hoyokʼ ona jotogeń ńelkeda; ariń ńelkeda jotowakʼge ạuṛiyakʼgea, eken hoe tayomte ńir calakʼkan chaḍa ar cetʼge baṅkana.

Sosolhayic̕ 11:10

Amakʼ mon khon bhabna do sahaṛkakʼme, ar amakʼ hoṛmo do alom kosṭo ocowakʼa, ente juạn okte ar koṛa pạṛiạ do ạuṛiyakʼgea.

Sosolhayic̕ 12:13

Kathako reakʼ mucạtʼ do nokʼõe; tobe ses katha do hoyokʼkana, Isor botoraeme ar uniyakʼ hukumko dohoyme; ente noa kangea manwakoakʼ dạyik do.

Sosolhayic̕ 12:8

Sosolhayicʼe meneda, “Ạuṛiyakʼgea, ạuṛiyakʼgea, jotoge ạuṛiyakʼgea!”

Sosolhayic̕ 2:26

Okoe Isore kusi ocoye uni do bud, ạkil ar rạskại danaea, menkhan kại hoṛ do dhon-durib jogaṛ lạgitʼ ar ona jogao reakʼ kạmiye emaea, jemon ona do uni hoṛe emawae one okoe do Isore kusi ocoyedekan. Noa hõ ạuṛiyakʼgea, hoe tayomte ńir calakʼkan chaḍa ar cetʼge baṅkana.

Sosolhayic̕ 2:8

Iń do ạḍi utạr sona-rupạ ar judạ judạ rapajkoakʼ ar eṭakʼ eṭakʼ disạm reakʼ dhonko ạgukate apnar lạgitʼ iń jogao dohoan tahẽkana. Iń do ạḍi utạr sekʼreńko ar herel rạskạ ocoko lạgitʼ chuṭki erakoń ńamketʼkoa.

Sosolhayic̕ 5:14

Jãhãnakʼ ghoṭonare paṛaokate ona do caba utạrokʼa. Onate uniren hopon lạgitʼ do ar cetʼge baṅ tahena.

Jesaea 55:2

Okaṭakʼ jomakʼ baṅkan ona lạgitʼ ṭaka poesa do cedakʼpe khoroca? Okaṭakʼte baṅ tirpit ona lạgitʼ do cedakʼpe khaṭaokʼ kana? Ańjompe, ińakʼ katha ańjompe, oka bhageakʼkan ona jompe; ar itilanakʼre rạskạjoṅpe.

Luk 12:26

Ar niạ huḍiń utạrakʼ kạmi hõ bape daṛeakʼ khan enḍekhan eṭakʼakʼko lạgitʼ do cedakʼpe dandokʼ kana?

Luk 12:29

Cetʼpe joma ar cetʼpe ńũiya mente hudiskate alope uduṛ dhupuṛ baṛaea.

1 Korinthiko 7:31

okoe dhạrti reakʼakʼko laṛcaṛetʼkan, onko do purạpuri aloko laṛcaṛma; ente noa dhạrti reakʼ rup do pheraokʼ kana.

Jakob 4:14

Menkhan gapa cetʼ hoyokʼa ona do bape baḍaea. Apeakʼ jionge baṅ cetʼ kan? Kuṛhạkan cope, one oka do thoṛa ghạṛicʼ ńelokʼkan ar ona tayom do chanokʼkan.

Jakob 5:3

Apeakʼ sona ar rupạre joṅ dhorao akana, ar ona joṅ dhoraoge ape upạrte gohae ema ar seṅgel leka apeakʼ jele jomtapea. Ape do sesa sisi dinkore dhon-duribpe sońj akawana.

1 Patras 1:24

Sonot sostorre ol menakʼa, manwako do ghãs leka kanako, ar ghãs reakʼ bahako lekage onkoakʼ sanam ṭhonoktetʼ hõ; ente ghãs do rohoṛokʼa, ar baha do ńurokʼa,

1 Patras 5:7

Apeakʼ sanam dạndiko unire lade giḍikakʼpe, ente uni do ape reaṅe dạndikʼ kana.