Sereńko 39:5 - সান্তালী বাইবেল

⁵ Am do ińakʼ dinko bar muṭ ganem doho akatʼtińạ. Amakʼ mẽtʼre ińakʼ jion do cetʼhõ baṅkana. Sạrige michạgeako mitʼke mitʼ manwa do jãhãtinạkʼgeye teṅgo uricʼ akanre hõ. (Sela)

Sereńko 39:5 Iomraidhean Croise

Genesis 47:9

Jakobe menkeda, “Noa dhạrtire thoṛa dinren hoṛ lekate ińakʼ umer do mitʼ sae pegel bochor paromena. Menkhan onako din reakʼ lekha do ḍher din baṅkana, ona do duktege parom akana. Tobe thoṛa dinren hoṛ lekate ińren hapṛamko tinạkʼ dinko khemao akatʼ unạkʼ din iń do bạń khemao akada.”

2 Samuel 19:34

Menkhan Barsilae do raje roṛ ruạṛadea, “Ar tinạkʼ bochor baṅ jiwetʼ iń tahen, onate raj tulucʼ Jerusalemteń calakʼa?

Jobakʼ 7:6

Ińakʼ dinko do kicricʼ teteńakʼ mạku khon hõ usạrakʼkana; ar jãhãnakʼ begor astege ses godokʼkana.

Sereńko 144:4

Manwa ma eken sahẽtʼ leka ar uniyakʼ dinko do umul leka parom calakʼkana.

Sereńko 39:11

Kại iạte tinre manwako keṭecʼ kathatem ḍanṭaoetʼkoa, unre jạrdi leka onkoakʼ saj dom nosṭoyetʼtakoa; ente manwa do ekenko michạgea. (Sela)

Sereńko 62:9

Somajren huḍińko do bhap leka, ar napṛakʼko do eṛeakʼge; tulạre onko do jotoge hoe khon hõko rawalokʼa.

Sereńko 89:47

Hudisme ińakʼ jion do tinạkʼ huḍińgea; ar cetʼ ạuṛiyakʼ lạgitʼ manwa dom benao akatʼkoa?

Sereńko 90:12

Enḍekhan bujhạu ocoleme, aleakʼ bahaokʼ din do thoṛa getalea mente, jemon aleakʼ ontor do akelte perejokʼtale.

Sosolhayic̕ 1:2

Uni doe meneda, “Ạuṛiyakʼgea, ạuṛiyakʼgea! Okaṭakʼge tahẽ utạrokʼ lạgitʼ do baṅkana. Jotowakʼge ạuṛiyakʼgea!”

Sosolhayic̕ 2:11

Enhõ okakoń ceka akatʼ ar oka ńam lạgitʼ iń khaṭaolen ona secʼ tinreń ạribạndhikeda unreń ńelkeda jotowakʼge ạuṛiyakʼ kana. Noako sanamakʼ do eken hoe tayomte ńir calakʼkan chaḍa ar cetʼge baṅkana. Siń cando latarre okaṭakʼge porhowanakʼ do baṅkana.

Jesaea 40:17

Jạt jạtrenko do uni samaṅre cele hõko baṅkana; onko do celege bae moneyetʼkoa; uni ṭhen do ạuṛiyakʼgeko lekhakʼ kana.

Jakob 4:14

Menkhan gapa cetʼ hoyokʼa ona do bape baḍaea. Apeakʼ jionge baṅ cetʼ kan? Kuṛhạkan cope, one oka do thoṛa ghạṛicʼ ńelokʼkan ar ona tayom do chanokʼkan.

2 Patras 3:8

Menkhan E dulạṛiạ boehako, noa katha do alope hiṛińa, Probhu Isor ṭhen mitʼ din do hajar bochor soman kana ar hajar bochor do mitʼdin soman kana mente.