Sereńko 34:3 - সান্তালী বাইবেল

³ Iń sãote Probhu Isorakʼ ṭhonok reakʼ katha roṛpe; Dela, abo do mitʼ sãote uni bon sarhaoe ma.

Sereńko 34:3 Iomraidhean Croise

1 Bõsbudạ 16:10

Uniyakʼ ṭhonoktetʼ reakʼ sarhaotaepe; okoe do Probhu Isorakʼ khạndritetʼ baḍae sanayetʼko onkoakʼ ontor do rạskạkʼtakoma.

1 Bõsbudạ 29:20

Tayomte Dạud do sanam hoṛkoe metatʼkoa, “Ape do aperen Probhu Isor sarhaoepe.” Unre onko jotoge akoren hapṛamkoren Probhu Isorko sarhaokedea ar Probhu Isor ar raj ńutumte ombakʼenteko ḍobokʼadea.

2 Bõsbudạ 29:30

Hiskiạ raj ar uniren gutiko do Dạud ar ńeńelicʼ Ashapakʼ joṛao akatʼ sereńate Probhu Isor ńutumte oṛhẽ sereń lạgitʼ Liwikoe hukumatʼkoa. Unre onko do kusite sarhao sereńko sereńkeda ar otre ombakʼkateko sewawadea.

Sereńko 35:27

Dhorom horteń calakʼkan, noa katha ańjomkate okoeko rạskạkʼkan onko do kusiteko hulạsokʼma. Ar jao ghuṛigeko men ma, “Probhu Isorakʼge sarhao hoyokʼtaema; uni do acʼren gutikoakʼ bhạlại iạteye kusikʼ kana.”

Sereńko 40:16

Menkhan amakʼ sana leka calakʼkanko do amregeko kusikʼa arko hulạsokʼa; ar okoe amakʼ bańcaoko dulạṛetʼ onko do jaogeko men ma, “Probhu Isorakʼ sarhao hoyokʼtae ma!”

Sereńko 66:8

Sanam jạtren hoṛko, aboren Isor sarhaoepe; uniyakʼ sarhao sereń jemon ańjom ńamokʼ.

Sereńko 69:30

Iń do sereńate Isoriń sarhaoea; ar gun manao joharate uniń sarhaoea.

Sereńko 69:33

Probhu Isor do nacarkoakʼ kathae ańjoma; ar uniren hoṛko, okoe do bundi dosare menakʼko, onko do nicạṛ mẽtʼte bae ńelkoa.

Jirimiạ 9:23

Probhu Isore meneda, “Ạkilan hoṛ do akoakʼ ạkil iạte aloe sarhaokʼma, ar daṛeanko hõ akoakʼ daṛe iạte aloko sarhaokʼma ar kisạ̃ṛko hõ akoakʼ dhon iạte aloko sarhaokʼma,

Jirimiạ 9:24

menkhan jãhãe sarhaokʼe menjoṅ kan khan uni do noa iạteye sarhaokʼma, uni do ińe orom akadińạ, metatʼme uni doe baḍae akadińạ, iń kangeạń Probhu Isor do; ińakʼ dulạṛ do asambheṛgea ar dhạrtire ińakʼ kạmi do dhorom ar sạriyakʼte perecʼgea. Ente iń do noakogeń bạsutakʼkana. Ar iń Probhu Isorge noa katha doń meneda.”

Luk 1:46

Unre Mạriạme menkeda, “Ińakʼ jiwi do Probhu Isore sarhaoede kana;

Aposkạmi 19:17

Ado noa khobor Ephesusre girobas akan Jihudi ar Junạnikoko baḍaeketʼ khan sanamkoge ạḍiko botorena ar Probhu Jisuakʼ ńutum do maraṅentaea.

Philipiko lạgitʼ Pạul apostolakʼ ciṭhi 1:20

Ińakʼ purạ biswạs menakʼtińạ je, okaṭakʼte hõ iń do bạń lajao ocokʼa, bickom dil menakʼtińạ, cetʼleka lahate iń hotete Mạsiyakʼ ṭhonok sodorokʼkan tahẽkan onkage ńitokʼ hõ hoyokʼa baṅ doń gujukʼ ar baṅ doń jiwedokʼ;

Johan sodor 14:7

Uni do ãṭ aṛaṅte noa kathae menetʼ tahẽkana, “Isor botoraepe ar uni sarhaoepe, ente bicạr reakʼ okte do seṭerakana. Okoe dhạrti, serma, jalapuri, doreão ar jharna dakʼkoe sirjạu akatʼ uni sewawaepe.”