Sereńko 30:1 - সান্তালী বাইবেল

¹ E Probhu Isor, amiń sarhaomea, ente amgem rakapʼ ạgu akadińạ; ińren bạiriko do iń upạrte bam rạskạ oco akatʼkoa.

Sereńko 30:1 Iomraidhean Croise

2 Samuel 20:3

Dạud Jerusalemre acʼakʼ oṛakʼteye ruạṛ hecʼen khan okoe gel goṭen chuṭki era oṛakʼ horhoe lạgitʼe doho oṭoletʼko onko do mitʼṭecʼ oṛakʼreye dohokatʼkoa ar oṛakʼ horhoe lạgitʼe bebostakeda. Uni do onko jom-ńũ ar kicricʼ khạnḍwạkʼkoe ematʼkoa menkhan onko ṭhen do ar bae bolo baṛalena. Ar onko do onḍe rạnḍi maejiu lekako tahẽyena ạuriko gujukʼ hạbicʼ.

2 Samuel 24:25

Ona tayom do Probhu Isor ńutumte onḍe mitʼṭecʼ pinḍe benaokeda ar jeredokʼ samaṅokʼakʼ ar sulukren dãṛẽkoe samaṅketʼkoa. Nonkate disạm lạgitʼ koejoṅ hoyen khan Probhu Isor doe ańjomketʼtakoa ar Israel disạmre mahamạri hõ thirena.

2 Samuel 5:11

Turren raj Hiram do Dạud ṭhen adom hoṛe kolketʼkoa ar onko sãote debdạru kaṭko, chutạr mistriko ar raj mistriko hõe kolketʼkoa. Onko do Dạud lạgitʼ mitʼṭen raj oṛakʼko benaokeda.

2 Samuel 6:20

Inạ tayom Dạud do acʼakʼ gharońjren hoṛko ạsirbad ako lạgitʼ tinreye ruạṛ hecʼena unre Sạulren hoponera Mikal do uni daram ạguye lạgitʼe oḍok hecʼena are menkeda, “Israelkoren raj teheń do cetʼlekae manotena! Uni do kharap hoṛko leka acʼren kạ̃ṛmĩko samaṅre hoṛmo reakʼ kicricʼkoe totʼ giḍiketʼtaea.”

2 Samuel 7:2

Mitʼ do raj do Nathan nạbiye metadea, “Ńelme, iń do debdạru kaṭ reakʼ oṛakʼreń girobasokʼ kana menkhan Isorakʼ sinduk do tạmbure menakʼa.”

1 Rapajko 8:63

Solomon raj do bargel bar hajar ḍaṅgra ar mitʼ lakh bargel hajar bheḍate sulukren samaṅokʼakʼ porobe porobena. Nonkate raj ar sanam Israelko do Probhu Isorakʼ oṛakʼko uḍhạukeda.

1 Bõsbudạ 21:6

Joab do menkhan ona lekhare Liwi ar Benjạmin gusṭiren hoṛko do bae doholetʼkoa, ente rajakʼ niạ hukum uni do bhage bae metatʼa.

Sereńko 13:4

Unre ińren bạirikoko mena, “Iń do uniń bhagao akadea.” Ar nirạite bạń tahẽlen khan ińren bạiri doko hulạsokʼa.

Sereńko 140:8

E Probhu Isor, bạṛicʼkoakʼ monsubạ do alom purạu ocoytakoa; onkoakʼ soṛojontro hõ alom jo baha ocoytakoa, jemon bạḍạite aloko phulạukʼ. (Sela)

Sereńko 145:1

E ińren Isor, E raj, iń do amiń sereńama; iń do jaejugiń sarhaomea.

Sereńko 25:2

E ińren Isor, am cetanregeń bhorsa akana, am do lajaore alom paṛao ocoyińạ; ińren bạiriko jemon iń upạrte hulạsokʼ reakʼ ạt aloko ńam.

Sereńko 27:6

Okoeko bạiriko esetʼ ạcur akadiń unre onko khon ińakʼ manot do arhõ ḍherokʼtińạ; iń do uniyakʼ oṛakʼre ãṭ aṛaṅate aema lekan dãṛẽkoń samaṅa; ar Probhu Isor lạgitʼ iń õṛhẽ sereńa ariń sarhaoea.

Sereńko 28:9

E Probhu Isor, amren hoṛko rukhiyạkom, ar amren ạidạriko bhorakome; am do onkoren gupiyicʼ hoyokʼme ar jaejug hạbicʼ saṅgha akae dohokom.

Sereńko 35:19

Eṛe iạte okoe do ińren bạiriko hoyakan onko ṭhen do alom landa dhutʼ ocoyińạ; ar khanakhate okoeko kurudạń kan iń upạrte mẽtʼ do alom ripitʼ ocoakoa.

Sereńko 41:11

Ińiń baḍaea am do ińre dhirpur akae menama, ente bạiri do iń cetanre bae jitạu daṛeada.

Sereńko 66:17

Iń do ińakʼ mocateń hohoade tahẽkana; ińakʼ mocare do uniyakʼ sarhao tahẽkana.

Sereńko 79:10

Eṭakʼ jạtrenko do cedakʼko mena, “Okateye calaoena onkoren Isor do?” Onko do ale samaṅrege baḍae ocokom, amren golamkoakʼ mãyãm reakʼ dom hala ruạṛgea mente.

Sereńko 79:4

Ale do aḍepase jạtrenko ṭhen lelhagele hoyakana, ar ale beṛhaeten hoṛko ṭhen do landa dhutʼren hoṛle hoyakana.

Rak̕joṅ 2:15

Am aṛeteko parom calakʼ hoṛ do am ńelteko thayoya; onko do Jerusalem hoponera ńelteko landa dhudhutʼa ar bohokʼ ruku rukuteko mena, “Noa do cetʼ ona mońj utạrakʼ nagraha do baṅkana, one uni iạte goṭa dhạrtirenko rạskạkʼkan tahẽkan?”

Daniel 4:37

Ńitokʼ iń Nebukadnesar do uni sermaren raj sarhao, manot ar ṭhonokiń emaekana, ente uni okaṭakʼe cekae ona do ṭhikakʼgeye onkayeda, ar uniyakʼ jotowakʼ horge dhoromte perecʼgetaea. Ar okoe bạḍạiteko perecʼge uni do onkoe copotʼkoa.

Dosar Biboron 20:5

“Ona tayom onkoren mukhiyạko mena, ‘ape talare jãhãe nãwãte oṛakʼ benaokate ona bae uḍhạu akatʼ khan uni do oṛakʼteye ruạṛ calakʼma; ar baṅkhan lạṛhạire uniye gocʼlen khan eṭakʼko do ona oṛakʼko uḍhạu joṅa.