Sereńko 3:7 - সান্তালী বাইবেল

⁷ E Probhu Isor, dela hijukʼme; E ińren Isor, bańcaoiń me. Am do ińren bạiriko jambereyem ghạletʼkoa ar bạṛicʼ hoṛkoakʼ ḍaṭa dom rạputʼ giḍikatako kana.

Sereńko 3:7 Iomraidhean Croise

2 Samuel 18:8

Unre lạṛhại do goṭa ṭoṭha pasnao idiyena ar lạṛhạite tinạkʼ hoṛ bako gocʼlen ona khon ḍher do bir iạteko gocʼena.

Jobakʼ 16:10

Iń landa-dhutʼạń lạgitʼ hoṛ do mocako cahapʼ akatʼtakoa; siṛogate johareko thapa edeńkana ar iń upạrte mitʼ sãoteko jarwakʼ kana.

Jobakʼ 29:17

Dusṭạmi hoṛkoakʼ jambe ḍaṭań coakʼ rạputʼetʼtako tahẽkana ar onkoakʼ moca khon do laga sapʼ akankoń chaḍaoetʼko tahẽkana.

Sereńko 10:12

E Probhu Isor, ma teṅgonme; E Isor, amakʼ ti tiạrme, ar nacarko do alom hiṛińkoa.

Sereńko 12:5

Probhu Isore meneda, “Nacarkoakʼ ujạṛokʼ ar reṅgecʼ orecʼkoakʼ rakʼjoṅte iń do ńitgeń beredokʼa, ar bańcao tahen lạgitʼ okoeyakʼ ontorre monejoṅakʼ menakʼ onko doń bańcao dohokoa.”

Sereńko 27:3

Palṭon phạdko ińko esetʼ ạcur lińre hõ, enhõ ińakʼ mon do baṅ botorokʼtińạ; ar iń upạrte lạṛhại ehopʼlenre hõ enrehõ iń do bhorsa do tahentińgea.

Sereńko 35:23

E ińren Isor, E ińren Probhu, ma beretʼme, ar iń sejokʼme, ar iń secʼ katha roṛme.

Sereńko 44:23

E Probhu Isor, ebhenokʼme, cedakʼem jạpitʼ akada? Ma beretʼme, jaejug hạbicʼ do alom bạgi giḍilea.

Sereńko 58:6

E Isor, phạsiạrakoakʼ ḍaṭa do onkoakʼ mocarege coagtakome; E Probhu Isor, onko dhạcri kulkoakʼ laser ḍaṭa do amge rạputʼ giḍikatakom.

Sereńko 59:5

E sanam daṛeanicʼ Probhu, Israelkoren Isor, am do sanam jạtrenko sạjại emako lạgitʼ ma beretʼme; ar phạsiạrako do alom daya akoa. (Sela)

Sereńko 6:4

E Probhu Isor, iń secʼ ạcurokʼme, ar rukhiyạyińme; amakʼ khạndri dulạṛ iạte, bańcaoińme.

Sereńko 7:6

E Probhu Isor, edrete ma beretʼme, ińren bạirikoakʼ raṅgao upạrte ti tiạrtam. Iń lạgitʼ ebhenokʼme, ente amakʼ dhorom bicạr reakʼ katham lại jạhir akada.

Sereńko 74:11

Cedakʼ amakʼ ti, ona amakʼ jojom ti dom okoyetʼtama? Ona do kokha khon oḍoktam ar onko caba utạrkom.

Sereńko 76:9

dhạrtiren santaokʼkan hoṛko rukhiyạko lạgitʼ; dhạrti do botorte nijhumena. (Sela)

Jesaea 51:9

E Probhu Isorakʼ daṛeanakʼ ti, ma ebhenokʼme, beredokʼme ar amakʼ daṛe baṛe sodortam. Cetʼleka sedae khonem tahẽkan, cetʼleka piṛhike piṛhim beretʼlen onkage baṛe beredokʼme. Amge cetʼ Rahab do bam chaka chunledea? Silodam danob do cetʼ amge bam sobokʼ tapʼledea?

Rak̕joṅ 3:30

Uni do thapakạnicʼ acʼakʼ johae ạcuraema ar henostateye tuhedokʼma.

Habakkuk 2:19

Jạt jạtrenko doko mena, ‘Hae uni hoṛ do, one okoe kaṭ do jiwetʼakʼe metakʼkan se jiwi bạnukʼ dhiri do beredokʼe metaekan.’ Onako do cetʼ uni sikhnạte em daṛeaea? Onako ma eken sona ar rupạte muṛạu esetʼ akan; onakore do cetʼ sahẽtʼge bạnukʼa.