Sereńko 27:6 - সান্তালী বাইবেল

⁶ Okoeko bạiriko esetʼ ạcur akadiń unre onko khon ińakʼ manot do arhõ ḍherokʼtińạ; iń do uniyakʼ oṛakʼre ãṭ aṛaṅate aema lekan dãṛẽkoń samaṅa; ar Probhu Isor lạgitʼ iń õṛhẽ sereńa ariń sarhaoea.

Sereńko 27:6 Iomraidhean Croise

Genesis 40:13

Pharao do pe din khange nonḍe khone oḍokmea ar lahateakʼ kạmireye bahal ruạṛmea. Ar am do darkha rasa dudulicʼ lekate arhõ Pharaoakʼ bạṭirem dula.

Genesis 40:20

Niạ pe din hilokʼre Pharao do acʼ tabereko kạmikan hoṛko lạgitʼ mitʼṭecʼe bhojkeda. Enhilokʼ uni do acʼakʼ janam din tahẽkantaea. Pharao do acʼren darkha rasa dudulicʼ ar piṭhạ bekʼnaokoren sordare oḍokketʼkinte onko samaṅreye ạguketʼkinạ.

2 Samuel 22:1

Probhu Isor do Sạul ar eṭakʼ bạirikoakʼ ti khon tinre Dạude rukhiyạkedea unre Probhu Isor ńutumte Dạud do niạ sereńe sereńkeda:

2 Samuel 22:49

Uni do bạirikoakʼ ti khone rukhiyạ edeńkana. E Isor, am do ińren bạiriko khonem usul akadińạ, ar jor julumkan hoṛko khon amgem rukhiyạ edeńkana.

2 Samuel 7:9

Ar okako jaegatem senlen onḍege iń hõ am sãoteń senlena ar am samaṅ khon sanam bạirikoń marao caba akatʼkoa. Ar dhạrtire iń do amakʼ ńutumiń maraṅ ocoya.

2 Rapajko 25:27

Jihudạren raj Jehoyakine bondi idi ocokʼ reakʼ pegel eae bochorre Ewil Merodak do Babelren raje hoyena. Uni do inạ bochor reakʼ gelbar cando reakʼ bargel eaeyakʼ dinre Jehoyakin do hajot khone aṛakʼkedea.

1 Bõsbudạ 22:18

“Aperen Probhu Isor do cetʼ ape sãote bạnugicʼan? Uni do sanam secʼtege cetʼ sulukte bae dohoakatʼpea? Uni do niạ disạmren hoṛko ińakʼ tireye soprotketʼkote disạm do Probhu Isor ar uniren hoṛko tabere hoyakana.

Sereńko 107:22

Onko do gun manaoren dãṛẽkoko dãṛẽkoma, ar rạskạ sereńte uniyakʼ sanam kạmi reakʼ kathako lại jạhirma.

Sereńko 110:7

Uni do onkoe laga ńirkoa ar jharna reakʼ dakʼe ńũiya, ar onateye cerṭhakʼte uni doe jitạukʼa.

Sereńko 119:108

E Probhu Isor, iń do ińakʼ kusileka okaṭakʼ sarhao reakʼ dãṛẽń samaṅam ona baṛe ataṅtińme, ar amakʼ ạn ạriko cetʼạńme.

Sereńko 138:5

Onko do Probhu Isorakʼ kạmi iạteko sereńa, ente Probhu Isorakʼ ṭhonok do maraṅgea.

Sereńko 21:1

E Probhu Isor, amakʼ daṛe ńelte raj doe rạskạkʼ kana; arem jitạu ocolere uni do ạḍiye kusikʼkana.

Sereńko 21:13

E Probhu Isor, amakʼ daṛetege sodorokʼme; ale do amakʼ daṛe reakʼle sarhaotama arle sereńa.

Sereńko 3:3

Menkhan E Probhu Isor, am do beṛhaete ḍhal leka menama. Amge ińakʼ ṭhonok do ar amge ińakʼ bohokʼem rakapʼ ocoakatʼtińạ.

Sereńko 3:4

Iń do ãṭ aṛaṅte Probhu Isoriń hohowae kana. Uni do acʼakʼ sonot buru khone roṛ ruạṛạńạ. (Sela)

Sereńko 47:1

E sanam jạtrenko, ape do thayoype; ar Isor ńutumte hulạs aṛaṅpe.

Sereńko 57:8

E ińakʼ ontor, ma ebhenokʼ me; binạ banam ar peṛesaṅ, ebhenokʼben; iń do aṅga marsaliń ebhen ocoyea.

Sereńko 81:1

Isor, okoe doe aboren daṛeanicʼkan, ape do uni sarhao sereńaepe; ar Jakobren Isor lạgitʼ õṛhẽ sereńpe.

Sereńko 95:1

Dela, Probhu Isor ńutumte rạskạte bon sereńaema; aboren rurukhiyạ buru bon andoṛaema.

Jesaea 12:6

E Sionren hoṛko, ape do andoṛpe ar rạskạte sereńpe, ente Israelren uni sonoticʼ do maraṅgeae ape talare.”

Jirimiạ 31:7

Probhu Isore meneda, “Ape do Jakob lạgitʼ kusi monte sereńpe; sanamko khon soros jạtrenko lạgitʼ sarhao sereńpe. Ape do sarhao sereńate menpe, ‘E Probhu Isor, amren hoṛko, Israelren sarecʼ hoṛko baṛe bańcaokom.’

Sakariạ 9:9

“E Sion kuṛi, ma rạskạkʼme. E Jerusalem, hulạsokʼme. Ńelme amren raj do am ṭhene daraekana; uni doe dhoromgea ar uni ṭhen do bańcao menakʼa; uni doe mạ̃hirgea, ar gadha cetanre gadha hopon cetanreye decʼ hijukʼkana.

Ibriko 13:15

Onate delabon, Mạsi hotete Isor ṭhen sarhao reakʼ samaṅokʼakʼ jaoge bon samaṅma, metakʼme Isorren hoṛ mente okoe apnarteko aṅgocetʼkan onko do akoakʼ mocate Isorko gun manao joharae ma.

1 Patras 2:5

ar uni ṭhenpe hecʼakante jiwetʼ dhiri leka ape hotete Isorakʼ tahen oṛakʼ do benaokʼ kana. Onate naeke lekate Isor lạgitʼpe begar ocoakana, jemon nonkan sanam jiuanakʼ dãṛẽpe samaṅ one okaṭakʼ do Jisu Mạsi hotete Isorre kusiyakʼ leka hoyokʼ.

Johan sodor 15:3

Onko do Isorren golam Mose ar uni Bheḍa Hoponakʼ noa sereńko sereńetʼ tahẽkana: “Sanam daṛean Probhu Isor, tinạkʼ maraṅ ar hahaṛagea amakʼ kạmiko do! E sanam jạtkoren raj, tinạkʼ dhorom ar sạriyakʼgea amakʼ horko do!

Johan sodor 5:9

Onko do noa nãwã sereńko sereńetʼ tahẽkana: “Amge ona puthi hataokate mohor chapko raṛae reakʼ lek kanam, ente am dom gocʼ ocolena. Amge amakʼ mãyãmte mimitʼ bõsko, pạrsirenko, disạmrenko ar jạt jạtrenko mod khon Isor lạgitʼ hoṛkom kiriń akatʼkoa.