Biblia Todo Logo
Bìoball air-loidhne

- Sanasan -




Sereńko 24:7 - সান্তালী বাইবেল

7 E nagraha reakʼ phaṭok duạrko, apeakʼ bohokʼ do arhõ rakabtape; E jaejug reakʼ duạrko, apeakʼ silpiń do jhijokʼtapema; ente ṭhonokren raj do bhitriteye bolo lạgidokʼ kana.

Faic an caibideil Dèan lethbhreac




Sereńko 24:7
23 Iomraidhean Croise  

Probhu Isorakʼ sinduk ạgukate onko do Dạude beretʼakatʼ tạmbureko dohokeda. Ar Dạud do unre Probhu Isor ńutumte jeredokʼ samaṅokʼakʼ ar sulukren samaṅokʼakʼe samaṅkeda.


Ar ona rimil iạte naekeko do sewa kạmi bako kạmi daṛeada, ente Probhu Isorakʼ ṭhonokte oṛakʼ do perecʼ akan tahẽkana.


Ona tayom naekeko do Probhu Isorakʼ bondobos sinduk niṭ akatʼ ṭhạ̃ire, mundil oṛakʼ reakʼ bhitri kandhare, metakʼme sonot utạrakʼ ṭhạ̃ire Kerubkinakʼ phạ̃kṛạ̃kʼ latarreko dohokada.


E Probhu Isor, ma beretʼme, amakʼ jirạukʼ ṭhạ̃ite hijukʼme; dela hijukʼme, ar amakʼ daṛeanakʼ sinduk hijukʼma.


E Probhu Isor, amakʼ daṛe ńelte raj doe rạskạkʼ kana; arem jitạu ocolere uni do ạḍiye kusikʼkana.


Amem jitạu ocokedete uniyakʼ manot do ḍheretaea; am do man ar ṭhonokem emakawadea.


Serma do acʼakʼ hok reakʼ kathae lại sodoreda, ar sanam jạtrenko do uniyakʼ ṭhonokko ńeleda.


Ape do phaṭok-duạrko jhijpe jemon dhorom ar pạtiạrko dohoyetʼ jạtrenkoko bolo daṛeakʼ.


Ape do lahakʼpe, ar phaṭok duạr secʼ sen idikʼpe, ar hoṛko lạgitʼ hor sạriạupe. Apeakʼ ḍaharko benaope, ar tearpe. Joto dhiriko ocokʼ giḍikakʼpe; ar jạtrenko lạgitʼ mitʼṭecʼ nisạn rakabtape.


E bhiḍi gukʼpikoakʼ pahra oṛakʼ, E Sion kuṛi reakʼ gaṛ, lahateakʼ rajosṭige am ṭhen do ruạṛ ocokʼa; raj do arhõ Jerusalemreye rajokʼa.”


Ar sanam jạtrenkoń thar tharao ocokoa ar onate onko do akoakʼ dhon nonḍeko ạguiytakoa. Ar unre noa oṛakʼ do ṭhonokteń pereja.


Lahateakʼ oṛakʼ reakʼ ṭhonok khon ńitokʼakʼ oṛakʼ reakʼ ṭhonok do arhõ bạ̃ṛti jak jomok hoyokʼa. Noa ṭhạ̃ire iń do bhạlạiyiń ạguiya. Phạdkoren Probhu Isorge noa katha doń meneda.’ ”


Phạdkoren Probhu Isore meneda, “Ńelpe, ińren goḍetiń kolekana; uni do iń lahate senkate hore teara. Ona tayom okoe Probhu Isor lạgitʼ koyokʼ hor akae menakʼpe uni do ackage uniyakʼ oṛakʼteye hijukʼa; bondobos kạmi pukʼrạuicʼ uni goḍetge, one okoepe koyokʼ hore kan uni doe hijukʼkana.”


Ado joto kathae galmaraoatʼko tayom, Probhu Jisu do sermateye rakapʼ ocoyena. Ar uni do onḍe Isorakʼ jojomsa aṛereye duṛupʼena.


Menkhan niạ jugren cakʼlaoko modre okoe hõ ona do bako baḍaeleda; enteko baḍaele khan ṭhonokren Probhu Isor do ohogeko kuruslea.


E ińren boehako, aboren ṭhonokte perecʼ Probhu Jisu Mạsirepe pạtiạu akan khan sanamko somante beṅgetʼ akope.


Jisu do sermateye calao akana ar ńitokʼ Isorakʼ jojomsa aṛere menaea, ar sermaren goḍetko, ar ektiạrianko ar daṛeanko do uniyakʼ gobolre menakʼkoa.


Ape do aboren Probhu Isor ar babańcaoicʼ Jisu Mạsiyakʼ daya ar uni reaṅ akelte hara rakabokʼpe. Ńit ar jaejug hạbicʼ uniyakʼge ṭhonok hoyokʼtae ma. Amen.


“E aleren Probhu Isor, amge man ar ṭhonok ar daṛe ńam lek kanam, ente amge jotowakʼem sirjạu akada; ar amakʼ monejoṅakʼ lekage onako do sirjạu akana ar ṭikạu menakʼa.”


Lean sinn:

Sanasan


Sanasan