Sereńko 24:1 - সান্তালী বাইবেল

¹ Dhạrti ar onare menakʼakʼ jotowakʼge Probhu Isorakʼ kana; Prithimi ar onare tahenko hõ uniren kanako;

Sereńko 24:1 Iomraidhean Croise

1 Bõsbudạ 29:11

E Probhu, ṭhonokʼ, daṛe, jakjomok, jitạu ar sarhao do amakʼge, ente serma ar dhạrti reakʼ jotowakʼge amakʼ kana. E Probhu Isor, am do sanamakʼ cetanrem rajokʼkana; amakʼ ṭhạ̃i do sanamko cetanrege.

1 Bõsbudạ 29:16

E aleren Probhu Isor, amakʼ sonot ńutumte mitʼṭecʼ oṛakʼ benao lạgitʼ nõkʼõe okako jinisle ạguakatʼ ona jotowakʼ do amakʼkangea ar am ṭhen khonge jotowakʼ hecʼakana.

2 Bõsbudạ 25:9

Unre Amasiạ do Isorren hoṛe metadea, “Noko Israelren lạṛhại phạdko lạgitʼ iń oka pe hajar are sae rupạń emakatʼ ona reakʼ do cetʼ hoyokʼa?” Isorren hoṛe roṛ ruạṛkeda, “Isor do ona khon hõ bạ̃ṛtiye em daṛeama.”

Jobakʼ 34:13

Dhạrti reakʼ bhar do cetʼ jãhãe uniye emakawadea? Goṭa pirthimi ńel todarot reakʼ kạmire cetʼ jãhãe uniye dohoakadea?

Jobakʼ 41:11

Iń upạrte do okoeyakʼ dạbiteakʼ menakʼtaea, jemoniń em ruạṛkatae? Serma latarre menakʼakʼ jotowakʼge coṅ ińakʼ kan.

Jobakʼ 41:3

Uni do cetʼ am ṭhen dayae khoj boteja? Ar am tulucʼ cetʼ luhum suhume galmaraokea?

Sereńko 50:10

ente birren sanam janwar do ińren kanako, ar buru coṭre ạcur baṛaekan janwarko hõ ińrenge.

Sereńko 50:12

Reṅgecʼlińre hõ iń do bạń metama, ente dhạrti do ińakʼ kana ar onare menakʼ sanamakʼ hõ ińakʼ kangea.

Sereńko 89:11

Serma hõ amakʼge ar dhạrti hõ amakʼge; ot ar ona reakʼ jotowakʼge amem benao akada.

Sereńko 89:12

Utạr ar dạkhin do amakʼ sirjạukangea; Tabor ar Hermon buru do am iạte rạskạte kin sereńeda.

Sereńko 98:7

Jalapuri ar onare menakʼ jotoge rạskạteko andoṛma; dhạrti ar onareko tahenkan jotoko rạskạteko andoṛma.

Exodus 19:5

Onate ińakʼ kathako dohoy ar ińakʼ bondobos lekako calakʼ enḍekhan dhạrtiren sanam jạtrenko khon onkoge ińren bises sompottiko hoyokʼa, ente dhạrtiren sanam hoṛge ińakʼ ạidạrire menakʼkoa.

Exodus 9:29

Mose do uniye metadea, “Nagraha khon oḍok katege iń do Probhu Isor ṭhen ti tulkateń koejoṅa. Onate huḍur ar arel ńurokʼ hõ thirokʼa. Ar noatem bujhạu daṛeakʼa, dhạrti do Probhu Isorakʼ kangea.

Daniel 4:25

Am do hoṛko tala khonem laga ńir ocokʼa ar janwarko sãotem tahena; am do ḍaṅgra leka ghãsem joma ar serma reakʼ sisirdakʼtem lohodokʼa. Nonkate eae bochor hạbicʼ calakʼa, one tin hạbicʼ bam aṅgocʼ manwakoakʼ rajosṭi cetanre maraṅ Isorgeye rajokʼkana mente ar onako rajosṭi do acʼ okoeye kusiyae unigeye emaekana.

Mikạ 4:13

Probhu Isore meneda, “E Sion kuṛi, ma beredokʼte phosol manḍaeme; iń do mẽṛhẽtʼ reakʼ dereń ar pitạl reakʼ khurạń emama jemon ḍher jạtrenkom gejer daṛeako. Onkoakʼ behokte hameṭakʼ jinisko ar dhon do iń ńutumte, goṭa dhạrtiren Probhu Isor ńutumte maraokʼ reakʼem sarapakoa.”

Nạhum 1:5

Maraṅ maraṅ buruko do uni samaṅre dal dalaokʼ kana ar huḍiń buruko do galaokʼkana. Uniyakʼ hạjirokʼre dhạrti ar onare tahen kan jotogeko thar tharokʼkana.

1 Korinthiko 10:26

ente sonot sostor reakʼ katha leka, “Dhạrti ar onare menakʼakʼ jotowakʼge Probhu Isorakʼ kana.”

Dosar Biboron 10:14

“Serma ar ona cetan reakʼ sanamakʼko ar ot ar ona reakʼ sanamakʼko jotoge aperen Probhu Isorakʼ kana.