Sereńko 23:5 - সান্তালী বাইবেল

⁵ Bạiriko samaṅrege am do jomakʼ ar ńũiyakʼkom juṛạuạń kana, ar bohokʼre sunumem ojokʼạń kana; ar ińakʼ bạṭi do sareṛokʼ kan tińạ.

Sereńko 23:5 Iomraidhean Croise

Jobakʼ 36:16

“Uni do kosṭo tala khon oḍok ạgumeye khojkana; ar nonkan phaelao ṭhạ̃iteye idimea okare jãhãn tạkicʼakʼge baṅ tahen. Onḍe amakʼ ṭebil do bhage bhage jomakʼte perecʼ tahena.

Sereńko 104:15

Darkha rasa do manwakoakʼ mone rạskạ ocoyeda, sunum do uniyakʼ mẽtʼãhãe malkao ocoyeda, ar piṭhạ do uniyakʼ jiwire daṛeye ạguiyeda.

Sereńko 116:13

Uni do muhin khone bańcaokedińa, onate bańcaokʼ reakʼ bạṭi doń tul rakaba ar ona reakʼ ṭhonokiń lại sodora.

Sereńko 16:5

E Probhu Isor, am kangeam ińakʼ dhon do; ar am kangeam tetaṅedeń kan dakʼ do. Ar amge ińakʼ gulibãṭteakʼ bakhram jogaoetʼtińạ,

Sereńko 22:26

Mạ̃hir hoṛ doko jom bikʼa arko tirpitokʼa; okoe Probhu Isorakʼ sana lekako calakʼ onko do uniko sarhaoea. Onko do jaejug hạbicʼ jiwetʼko tahen ma.

Sereńko 22:29

Dhạrtiren kisạ̃ṛ hoṛko hõ unre uni samaṅreko jom ńũiya, ar uniko sewawaea; apnarakʼ jiwi bańcao reakʼ dhej bạnukʼtakote okoeyakʼ mitʼ jaṅga do topare menakʼtako, onko hõ uni samaṅreko ikhṛumokʼa.

Sereńko 45:7

Am do dhoromem dulạṛeda ar bedhorom dom kurudakʼ kana; Onate Isor, amren Isor do, amren soṅgetenko khon hõ bạ̃ṛti hulạs do sunum leka am cetanreye dul akada.

Sereńko 78:19

Onko do Isor upạrte noa kathako menkeda, “Hahaṅkarre Isorakʼ do cetʼ jomakʼte ṭebile sajao daṛeakʼa?

Sereńko 92:10

Bir sanḍakʼ usul dereń leka am do ińakʼ bohokʼem usul akatʼtińạ; ar rạskạ salakʼ nãwã sunumte ińem ojokʼ akadińạ.

Sereńko 92:11

Ińren bạirikoakʼ bhagao do nij mẽtʼteń ńelakada; okoe iń upạrteko teṅgo akan onko bedhorom hoṛkoakʼ rakʼjoṅ iń do nijakʼ luturteń ańjom akada.

Jesaea 25:6

Phạdkoren Probhu Isor do niạ buru cetanre sanam jạtren hoṛko lạgitʼ bhage bhage jomakʼ ar mare darkha rasa reakʼ mitʼṭecʼ maraṅ bhoje emokʼa; onare joto khon bhageakʼ jel ar joto khon bhageakʼ darkha rasa hõ tahena.

Amos 6:6

Ape do bạṭi perecʼ darkha rasape ńũiyeda ar joto khon bhage so sunumpe ojokʼeda, menkhan Josephren, metakʼme Israelakʼ maraokʼ iạte do bape dukokʼ kana.

Mathae 6:17

Menkhan amem upạsre bohokʼre sunum ojogme ar mẽtãhã apʼ saphakʼme,

Luk 7:46

Am do bohokʼre sunum hõ bam ojokʼạdińạ, menkhan uni do ińakʼ jaṅgare mahkaokʼ sunume dulạdińa.

Johan 16:22

Onkage ape hõ ńitokʼ do haron ar kosṭope ńameda; menkhan arhõ apeko sãoteń ńapamokʼa unre apeakʼ mon do rạskạte perejokʼa ar ona rạskạ do okoe hõ bako recʼ daṛeapea.

1 Korinthiko 10:16

6 Probhu kedokʼ okte gunmanao joharate oka bhoranakʼ bạṭi khon bon ńũi, ona do cetʼ Mạsiyakʼ mãyãmre bakhra seledokʼ leka do baṅkana? Ar okaṭakʼ piṭhạ do kecakʼkate bon jometʼkan ona hõ cetʼ Mạsiyakʼ hoṛmore bakhra seledokʼ leka do baṅkana?

2 Korinthiko 1:21

Okoe do Mạsire ale ar apeye jopoṛaoketʼ bonteye teṅgo keṭecʼketʼ bon uni doe Isor kana. Unige ale doe bahal akatʼlea,

Ephesiko lạgitʼ Pạul Apostolakʼ ciṭhi 3:20

Aboakʼ ontorre Isorakʼ oka daṛeye kạmiyetʼkan ona daṛe lekate uni do aboakʼ koejoṅ ar hudis khon hõ ḍher bạ̃ṛtiye kạmiyeda.

1 Johan 2:20

Menkhan ape do uni sonoticʼ ṭhen khonpe ojokʼ ocoakana, metakʼme sonot jiupe ńam akadea ar jotoge sạriyakʼpe baḍae akada.

1 Johan 2:27

Menkhan ape do Mạsi ṭhen khonpe ojokʼ ocoakana, metakʼme sonot Jiupe ńam akadea. Uni do apeakʼ ontoreye tahena. Onate eṭakʼ okoeyakʼ hõ cecetʼakʼ do baṅ jạruṛapea. Sanamakʼ reaṅ sonot Jiugeye cetʼapea. Uni doe sạriyicʼ kana, ar bae eṛea. Onate cetʼleka Mạsire tahene cetʼape onkage Mạsire tahenpe.