Sereńko 21:3 - সান্তালী বাইবেল

³ Bhạlạiyicʼ reakʼ ạḍi utạr bhorte uni dom koyokʼ daramede kana, ar uniyakʼ bohokʼre nirạ sona reakʼ mukuṭem horokʼae kana.

Sereńko 21:3 Iomraidhean Croise

2 Samuel 12:30

Uni do onḍenicʼ rajakʼ bohokʼ khon mukuṭe bocʼketʼtaea. Ona do pegel are keji sonate benao tahẽkana ar onare damanakʼ dhiriko hõ bạisạu tahẽkana. Ona mukuṭ do Dạudko horokʼadea. Ar Dạud do ona nagraha khon ạḍi utạr luṭakʼ jiniskoe idikeda.

2 Samuel 2:4

Unre Jihudạren hoṛko do Hebronteko hecʼena ar Dạud do Jihudạ gusṭiren raj menteko ojokʼ bahalkedea. Hoṛko do Dạud niạ sombatko lạiyadea, Jabes-Gileadren hoṛge Sạul doko topa akadea.

2 Samuel 5:3

Israel disạmren sanam murubbiko do Hebronren raj Dạud ṭhenko jarwayena. Unre raj do Probhu Isorge gohayicʼe dohokedete onko sãote mitʼṭecʼ bondobose bandhaokeda. Ar onko do Israel cetanre Dạudko rajkedea.

1 Bõsbudạ 20:2

Ar Dạud do onḍenicʼ rajakʼ bohokʼ khon mukuṭe bocʼ hataokeda. Ona mukuṭ do pegel pon keji sonate benao tahẽkana, ar onare damanakʼ dhiriko hõ bạisạu tahẽkana. Ar ona mukuṭ do Dạudakʼ bohokʼreko horokʼadea. Dạud do ona nagraha khon ạḍi utạr maljalkoe luṭ idikeda.

2 Bõsbudạ 6:41

“E Probhu Isor, ńitokʼ do amakʼ jirạukʼ ṭhạ̃ite hijukʼme; dela hijukʼme ar amakʼ daṛeanakʼ sinduk hijukʼma. E Probhu Isor, amren naekeko do dhorom reakʼ kicricʼko horogma. Am okam bhạlại akatʼ ona lạgitʼ am bhuktiamko doko rạskạ joṅma.

Jobakʼ 41:11

Iń upạrte do okoeyakʼ dạbiteakʼ menakʼtaea, jemoniń em ruạṛkatae? Serma latarre menakʼakʼ jotowakʼge coṅ ińakʼ kan.

Sereńko 18:18

Muhinre onko do ińko esetʼ ạcur ledeńạ, menkhan Probhu Isorgeye sapʼ sãohakedińa.

Sereńko 20:5

Amem jitạukʼre jemonle rạskạ daṛeakʼ ar aleren Isor ńutumte jhạnḍi jemonle rakabtale. Probhu Isor do amakʼ sanam koejoṅe luturakʼtam ma.

Sereńko 31:19

Amakʼ bhạlạiyteakʼ do samani maraṅ! Am botoram kanko lạgitʼge ona dom dohoakada; amre hirlạ akanko do amgem bhạlạiyetʼkoa, ona do sanamko samaṅrege.

Sereńko 59:10

Isor do acʼakʼ asambheṛ daya iạte iń ṭhene hijukʼa, ar ińren bạirikoakʼ bhagaoe ńel ocoyińạ.

Romiko lạgitʼ Pạul Apostolakʼ ciṭhi 11:35

Isor upạrte okoeyakʼ baṅ dạbiteakʼ menakʼtae, onate uniyakʼ dạbi do manao hoyokʼtaea mente?

Romiko lạgitʼ Pạul Apostolakʼ ciṭhi 2:4

Am do Isorakʼ asambheṛ daya, sahao daṛe ar soborim neṅghaoetʼtaea. Am dom hiṛiń akada, Isorakʼ noa daya do kại khone ạcur ruạṛetʼmea mente.

Ephesiko lạgitʼ Pạul Apostolakʼ ciṭhi 1:3

Aboren Probhu Jisu Mạsiren Baba ar Isorakʼ sarhao hoyokʼtae ma. Abo do Mạsi tulucʼ bon kolom mitʼ akante Isor do serma reakʼ mitʼke mitʼ jiuanakʼ bhore dan akatʼbona.

Ibriko 2:9

menkhan abo do Jisu bon ńelńame kana. Uni do serma goḍetko khon thoṛa ghạṛicʼe huḍiń ocolena, jemon Isorakʼ dayate mimitʼ manwako lạgitʼ jiwiye em daṛeakʼ. Uni do duk sahaokateye gocʼlente man ar ṭhonok reakʼ raj mukuṭe dan akawadea.

Johan sodor 19:12

Uniyakʼ mẽtʼ do jolokʼkan seṅgel leka ar uniyakʼ bohokʼre do ạḍi utạr mukuṭ tahẽkana. Uniyakʼ hoṛmore nonkan mitʼṭecʼ ńutum ol tahẽkana, one okaṭakʼ ńutum do acʼ chaḍa ar okoe hõ bako baḍae.

1 Samuel 16:13

Unre Sạmuel do dereń reakʼ sunumante uniren boehako talareye ojokʼkedea. Ar enhilokʼ khon Probhu Isorren Jiu do Dạud cetanreye hecʼena. Inạ tayom Sạmuel do Ramoteye ruạṛ senena.