Sereńko 20:8 - সান্তালী বাইবেল

⁸ Onko doko copotʼ akana, arko sombotʼ bhindạṛ akana menkhan abo do bohokʼ sojhekate bon teṅgo ṭak akana.

Sereńko 20:8 Iomraidhean Croise

2 Rapajko 19:23

Amren golamko hotete Probhu Isor dom landa-dhutʼae kana, amakʼ sanam rãt gạḍikoante bururem decʼakana, Lebanon reakʼ usul utạrakʼ cuṛạrem rakapʼ akana, ar ona reakʼ usul usul debdạru ar bhage bhage saro darekom makʼ giḍiakada, ar ona reakʼ bir bhitrikorem boloakana,

2 Bõsbudạ 14:10

Unre Asa hõ uni upạrteye oḍok calaoena ar banar dolge Maresa ṭhenakʼ Sephata reakʼ buru lodamre lạṛhại lạgitʼko sapṛaoena.

2 Bõsbudạ 14:11

Unre Asa do uniren Probhu Isor hohowadeteye metadea, “E Probhu Isor, cetʼleka daṛeankom goṛowako onkage am do nijorko hõm goṛo daṛeakoa. Ona iạte E aleren Probhu Isor, ale goṛowaleme baṛe, ente ale do am cetanrele bhorsakʼkana ar amakʼ ńutumtege noko maraṅ dolrenko upạrtele oḍok hecʼakana. E Probhu Isor, am kangeam aleren Isor do; manwa do am upạrte alom jitạu ocokoa.”

Esra 8:22

Horre aleren bạirikoakʼ ti khon ale rukhiyạle lạgitʼ raj ṭhen lạṛhại phạdko ar aswariko koeye doń lajaoena, ente ale do rajle metade tahẽkana, “Okoe do Isorakʼ sana lekako calakʼ onko mimitʼko cetanre uniyakʼ bhạlạiyanakʼ ti menakʼa, menkhan okoe uniko bạgiyae onko sanamko cetanre uniyakʼ edre do paṛaokʼa.”

Sereńko 124:8

Probhu Isor, okoe do ot ar sermae sirjạu akatʼ uni ṭhen khonge aboakʼ goṛo do hijukʼa.

Sereńko 125:1

Probhu Isorre bhorsakʼkanko do Sion buru leka jaejug hạbicʼko ṭarhao tahena.

Sereńko 33:16

Maraṅ palṭon phạdko tahenre hõ raj do bae rukhiyạ daṛeakʼa; ar maraṅ daṛe tahentaere hõ bir banṭa hoṛ do bae rukhiyạ daṛeakʼa.

Sereńko 33:17

Rukhiyạ ńam lạgitʼ sadom cetan reakʼ hirlạ hõ ạuṛiyakʼgea; maraṅ daṛe tahẽlen khan hõ sadom do bae rukhiyạ daṛeaea.

Kạhtukko 21:31

Lạṛhại hilokʼ lạgitʼ sadom do sajao doho akadere hõ, jitạukʼ do Probhu Isorrege ṭehãḍokʼ kana.

Hosea 14:4

Probhu Isore meneda, “Ińge onko do bạṛicʼ hor khoniń ruạṛ ạgukoa ar jãhãn gokʼakʼ chaḍageń dulạṛkoa, ente ińakʼ edre do onko cetan khon ocokʼ akana.

Mikạ 7:8

E aleren bạiriko, aleakʼ gurokʼ ńelte alope rạskạkʼa. Alele ńurlenre hõ ale do arhõle beretʼ daṛeakʼgea. Ńutrele duṛupʼ tahẽlenre hõ Probhu Isor do aleren marsale hoyokʼa.

Josuạ 11:4

Onko rajko do akoren sanam lạṛhại phạdko sãoteko oḍok hecʼena. Onko do doreão reakʼ gitil leka ạḍi utạrko hoyena. Onko sãote do sadom ar rãt-gạḍiko hõ tahẽkana.

Bikʼcạrko 5:31

E Probhu Isor, amren bạiriko nonkageko marao cabakʼma; menkhan okoe amko dulạṛme Onko do siń cando leka daṛeanko hoyokʼma. Inạ tayom disạmre pongel bochor hạbicʼ suluk tahẽkana.

1 Samuel 17:45

Unre Dạud do uni Philisṭiye metadea, “Am do tarwaṛe, borlom ar chorawante iń ṭhenem hijukʼkana, menkhan iń do phạdkoren Probhu Isor ńutumte am ṭheniń hijukʼ kana, one okoe dom henosta akawade.