Sereńko 20:7 - সান্তালী বাইবেল

⁷ Ḍher hoṛge akoakʼ rãt gạḍi iạteko bạḍạiyokʼa ar adomko do akoren sadomko iạte, menkhan abo do aboren Probhu Isor iạtege.

Sereńko 20:7 Iomraidhean Croise

Jirimiạ 17:5

Probhu Isore meneda, “Okoe hoṛ manwa cetanreye bhorsakʼkan ar acʼakʼ daṛere pạtiạue dohoyetʼte ińre mon bạnukʼtae uni doe sarapanicʼ kana.

Jesaea 31:1

Hae onko do one okoe goṛo ńam lạgitʼ Misorteko calakʼkan! Onko do sadom ar rãt gạḍireko bhorsakʼ kana ar aswarikoakʼ maraṅ daṛe cetanre pạtiạuko dohoyeda, menkhan onko do Israelren uni sonoticʼ secʼ bako beṅgetʼeda ar Probhu Isor ṭhen goṛo bako khojkana.

Kạhtukko 21:31

Lạṛhại hilokʼ lạgitʼ sadom do sajao doho akadere hõ, jitạukʼ do Probhu Isorrege ṭehãḍokʼ kana.

2 Bõsbudạ 32:8

Uni sãote do eken manwakoakʼ daṛe menakʼa, menkhan abo goṛowabon lạgitʼ ar abo secʼte lạṛhại lạgitʼ do aboren Probhu Isor menaea.” Hoṛko do Jihudạren Hiskiạ rajakʼ katha ańjomkate uniyakʼ kathareko ṭehãḍena.

2 Bõsbudạ 14:11

Unre Asa do uniren Probhu Isor hohowadeteye metadea, “E Probhu Isor, cetʼleka daṛeankom goṛowako onkage am do nijorko hõm goṛo daṛeakoa. Ona iạte E aleren Probhu Isor, ale goṛowaleme baṛe, ente ale do am cetanrele bhorsakʼkana ar amakʼ ńutumtege noko maraṅ dolrenko upạrtele oḍok hecʼakana. E Probhu Isor, am kangeam aleren Isor do; manwa do am upạrte alom jitạu ocokoa.”

Sereńko 45:17

Ar jạt jạtrenko ṭhen iń do amakʼ ńutumiń disạ ocomea; onate eṭakʼ eṭakʼ jạtrenko do jaejug hạbicʼ amko sarhaomea.

Jesaea 30:16

Apepe menkeda, “Baṅ, ale do sadomre decʼkatele dạṛa.” Onate ale do dạdạṛ hoyokʼtalea. Apepe menkeda, “Khacaṛ sadomre decʼkatele calao joṅa. Onate okoe apeko khudạupe onko do coṭkargeko hoyokʼa.

2 Bõsbudạ 13:16

Jihudạ samaṅ khon Israelko doko dạṛkeda ar Isor do Jihudikoakʼ tireye jimạkatʼkoa.

1 Samuel 13:5

Unre Philisṭiko do Israelko sãote lạṛhại lạgitʼ mitʼ ṭhenko jarwayena. Ar onko sãote pegel hajar rãt gạḍiko, turui hajar aswariko ar jalapuri reakʼ gitil leka alekha lạṛhại phạdko tahẽkana.

2 Samuel 10:18

menkhan onko do Israelko samaṅ khonko dạṛkeda. Unre Dạud do onkoren eae sae rãt gạḍi cakʼlaoko ar pongel hajar aswarikoe gocʼketʼkoa. Uni do onkoren subedar Subak hõe ńẽtʼkedea; onate Subak do onḍeye gocʼena.

2 Samuel 8:4

Dạud do acʼren mitʼ hajar eae sae aswariko ar bargel hajar otten lạṛhại phạdkoe hatketʼkoa. Onkoren mitʼsae rãt gạḍiren sadomko dohokate sarecʼ sanam sadomkoakʼ do jaṅga sire samakʼketʼtakoa.

1 Samuel 2:10

Probhu Isorren bạiriko doko chaka chunokʼa, uni do sermare onko upạrteye huḍura; ar dhạrti reakʼ mucạtʼ hạbicʼ uni do hoṛkoe bicạrkoa. Uni do acʼren raje daṛe ocoyea ar acʼren ojokʼ bahalicʼ hoṛ doe jitạu ocoyea.”

Jobakʼ 39:11

Uniyakʼ asambheṛ daṛe iạte uni cetanrem bhorsakʼa? Amakʼ hamal kạmi do cetʼ unim kạmi ocoaea?

Sereńko 28:8

Probhu Isorge, acʼren hoṛkoakʼ daṛe; unige acʼren ojokʼ akatʼkoren rukhiyạyicʼ gaṛ do.