Sereńko 2:7 - সান্তালী বাইবেল

⁷ Raj doe mena, Probhu Isor okae gathao akatʼ Iń do onań lại jạhira; Uni doe metadińạ, am dom ińren hopon kana, teheńge iń do amren apatiń hoyena.

Sereńko 2:7 Iomraidhean Croise

2 Samuel 7:14

Iń do uniren apatiń hoyokʼa ar uni do ińren hopone hoyokʼa. Ar uniye behok lekhan eṭakʼ hoṛ cetʼleka sạjạiko ńam uni hõ onkageń sạjạiyea.

Jobakʼ 23:13

Menkhan jotowakʼre uni do bin bodolicʼ kanae, okoege uni do bako tạkicʼ daram daṛekea; ar uni okae kusiyakʼ onageye kạmikana.

Sereńko 148:6

Onko do jaejug lạgitʼ niṭ akatʼ jaegareko ṭarhao akana; uni do mitʼṭecʼe niạm akada, ona do okoe hõ bako rạputʼ daṛeakʼa.

Sereńko 89:27

Uni do ińren pạhilicʼ hoponiń hoeocoyea; Dhạrtiren rapajko modre uni doń maraṅea.

Jesaea 46:10

Etohopʼ khonge mucạtʼakʼ koń jạhireda, ar sedae khon oka baṅ hoyakan ona hõń lạiyeda. Ińiń men akada, ińakʼ monsubạ do ṭarhao akaege tahena; ar ińakʼ jotowakʼ monsubạń purạutińạ.

Mathae 16:16

Simon Patrase roṛ ruạṛkeda, “Am do Mạsi, jiwetʼ Isorren Hopon kanam.”

Mathae 17:5

Ado Patras kathae roroṛkan tahẽkanrege mitʼṭecʼ jhalkaokʼkan rimil do onkoe umul esetʼketʼkoa. Ar ona rimil khon mitʼṭen aṛaṅ ańjomena, “Nuige ińren dulạṛiạ Hopon, iń do unireń kusi akana. Ape do uniyakʼ ańjomtaepe.”

Mathae 3:17

Unre serma khon mitʼṭen aṛaṅ ańjomena, “Nuige ińren dulạṛiạ Hopon, one unireń kusi akan.”

Mathae 8:29

Unkin do nonkan haḍrapkin tahẽkana, ona horte okoe hõ bako parom daṛeakʼkan tahẽkana. Ado kikiạuatekin menkeda, “E Isorren Hopon, ale tulucʼ amakʼ do cetʼ? Okte ạuri hoyokʼrege sasetle lạgitʼem hecʼakana?”

Johan 1:14

Ar ona kathatetʼge manwa jạt lekateye janamena ar aboko talareye girobasena. Isor Babaren sadher Hopon lekate uniyakʼ oka ṭhonok menakʼtae ona do alele ńelakada. Uni do daya ar sạriyakʼteye perecʼgea.

Johan 1:18

Isor do okoe hõ tisge bako ńelakadea. Ar acʼ sãote menae uni sadher Hopon, one okoe do acʼtetʼgeye Isorkan, unige uni doe sodor akadea.

Johan 3:16

“Isor do dhạrtirenko nonkae dulạṛketʼkoa acʼren eskar janam Hopongeye emkedea, jemon unire pạtiạukʼ mitʼke mitʼ hoṛ aloko nosṭokʼ bickom jaejug jion tahentako.

Aposkạmi 13:33

ona do onkoren hoponko lạgitʼ, metakʼme abo lạgitʼ Jisu gocʼko khone jiwetʼ beretʼkedeteye purạu akada. Noa reaṅ do dosarakʼ sereńre olakana: Am dom ińren hopon kana, teheńge amren apatiń hoyena.

Aposkạmi 8:36

Ado hortekin calakʼkan tahẽkanre nonkan mitʼṭecʼ jaegarekin hecʼena one okare do dakʼ tahẽkan. Unre uni raj kạmiyạ hoṛ doe menkeda, “Nõkʼõe ńelme, nonḍe do dakʼ menakʼa; ar ińiń bạptis ocokʼre tạkicʼakʼ jãhãnakʼ cetʼ menakʼa?” Unre Philipe menkeda, amakʼ goṭa montem pạtiạu akan khan ma bogege. (Uni hoṛ do roṛ ruạṛketʼteye menkeda pạtiạukʼ kangeạń Jisu Mạsi do Isorren Hopon kanae mente).

Romiko lạgitʼ Pạul Apostolakʼ ciṭhi 1:4

ar acʼren sonot Jiute uni do maraṅ daṛe salakʼ gocʼko khone jiwetʼ beretʼente Isorren Hopon menteye sodorlena.

Ibriko 3:6

Menkhan Mạsi do ona gharońj reakʼ dạyike ńamakatʼ Hopon lekate pạtiạricʼe tahẽkana. Aboakʼ sạri as iạte monre oka dil ar rạskạ hijukʼ, onare mucạtʼ hạbicʼ teṅgo ṭak akae bon tahen, enḍekhan aboge Isorakʼ gharońjren hoṛ bon hoyokʼa.

Ibriko 5:5

Katha do Mạsire hõ khaṭaokʼgea. Mạsi do apnarakʼ sanate maraṅ naeke hoyokʼ lạgitʼ apnarte do bae usullena, Isorge noa mente ona manote dan akawade tahẽkana. Am do ińren Hopon kanam, teheńge amren apatiń hoyena.

Ibriko 5:8

Menkhan Isorren Hopon hoykatere hõ uni do duk saset talate batao reakʼe cetʼleda.