Sereńko 18:8 - সান্তালী বাইবেল

⁸ Uniyakʼ mũ khon dhũạ do coṭte rakapʼena, ar moca khon ḍahao maraoakʼ seṅgelge oḍokena. Uniyakʼ moca reakʼ seṅgelte koelako jolena.

Sereńko 18:8 Iomraidhean Croise

Genesis 19:28

Uni do Sodom, Gomora ar bilạn ṭạnḍi secʼe beṅgetʼketʼ khan maraṅ okocʼ culhạre cetʼleka dhũạ rakabokʼ onkageye ńelkeda.

Jobakʼ 41:19

Uniyakʼ moca khon seṅgel reakʼ dhũạ oḍokokʼ kana; ar ona khon do oṭecʼ seṅgelkoge phurkạu oḍok hijukʼ kana.

Sereńko 104:32

Uni do dhạrti secʼe beṅgetʼ lekhan ona do thar tharaokʼa; uniyakʼ joṭetʼte buru boṭkocʼ khon dhũạ oḍokokʼa.

Sereńko 11:6

Uni do bedhoromko cetanre muskilakʼkoe kola; ar onkoakʼ bhạgre jolokʼkan gondhok ar seṅgel hoegeye kola.

Sereńko 21:9

Amem sodorokʼre onko do culhạ reakʼ jolokʼkan koela lekam hoyocokoa. Probhu Isor do edreteye utʼgotʼkakoa, ar uniyakʼ seṅgelte onko doe atar giḍikoa.

Sereńko 50:3

Aboren Isor doe daraekana, uni do mocae jhijtaea; ar seṅgel do uni laha lahate sanamakʼe atar giḍiya; ar uni beṛhaete ạḍi botorgeye hoe bharḍoea.

Sereńko 74:1

E Isor, jaejug lạgitʼ cedakʼem bạgi giḍi akatʼlea? Amakʼ ạtiń ṭạnḍiren bhiḍiko upạrte cedakʼ amakʼ edre reakʼ seṅgel do sarsaokʼ kana?

Jesaea 24:18

Okoe hoṛ botoranakʼ saḍe ańjomkateye ńirjoṅ uni do ghaḍlakʼreye khańjokʼa, ar okoe ghaḍlakʼ khone rakabokʼ uni do pạsireye sapʼ ocokʼa. Serma reakʼ khiṛkiko jhijokʼa ar dhạrti reakʼ rehetʼ do dal dalaokʼa.

Daniel 7:10

Uni samaṅ khon mitʼṭecʼ seṅgel reakʼ gaḍa do ạtu oḍokena. Ar hajar hajar hoṛ do uniko sewawae kan tahẽkana; ar lakh lakh hoṛ do uni samaṅre teṅgo akaeko tahẽkana. Ado bicạr ehopʼena ar puthiko hõ oṭakʼ hoyena.

Levitikus 10:2

Onate Probhu Isor ṭhen khon seṅgel oḍok hecʼente unkine atarketʼkinạ, ar unkin do Probhu Isor samaṅrekin gocʼena.

Amos 4:11

Ińge aperen Isor do cetʼleka Sodom ar Gomorań maraoletʼ onkage aperen ḍherkogeń maraoketʼkoa. Ape do seṅgel khon halaṅ rakapʼ akatʼ jolokʼkan ṭhuṭkutʼ leka kanape, enhõ ape do iń ṭhen bape ruạṛ hecʼlena.

Numeri 11:1

Israelko talare oka duk ar kosṭo hoyokʼkan tahẽkan onate onko do Probhu Isor samaṅreko karacʼ kurujokʼkan tahẽkana. Ona ańjomte Probhu Isor doe edreyena. Uniyakʼ seṅgel do onko talare jolokʼ ehopʼena ar ḍeraren thoṛa hoṛ doko lo gocʼena.

Numeri 16:35

Ar barsae mõṛẽgel hoṛ okoe do dhupko samaṅetʼ tahẽkan onko do Probhu ṭhen khon seṅgel oḍokente sanamkoe atar cabaketʼkoa.

Dosar Biboron 29:20

Probhu Isor do tishõ uni ikạkae do bae rạjikʼa. Ar uniyakʼ raṅgao ar ãṭ do uni hoṛ upạrte dhũạkʼa. Noa puthire oka sarap reakʼ kathako roṛakan ona sanamakʼ do uni cetanre paṛaokʼa. Ar Probhu Isor do dhạrti khon uniyakʼ ńutumme meṭao utạrtaea.

Johan sodor 11:5

Jãhãe unkin hạ̃nkinko menkhan, enḍekhan unkinakʼ moca khon seṅgel oḍokokʼte bạirikin atar giḍikoa. Okoe unkin hạ̃nekin menjoṅ uni do onkage gujukʼ hoyokʼtaea.