Sereńko 17:3 - সান্তালী বাইবেল

³ Am do ińakʼ ontorrem bolo akana ar ńindạ dom biḍạu akadińạ; arem biḍạu aṭkar edeńkana menkhan cetʼge bam ńam akada. Ińiń ṭhik akada jãhãn kại reakʼ kathare ińakʼ moca do ar bạń beohara.

Sereńko 17:3 Iomraidhean Croise

1 Bõsbudạ 28:9

“Ar ińren hopon Solomon, am do am apatren Isor samaṅrem taṛam ar amakʼ mon ar ontorte unim sewawaea, ente Probhu Isor do sanamkoakʼ ontore baḍaekana ar ganḍonjoṅakʼ hõe baḍaegea. Uniyakʼ monsubạ baḍae reakʼem kurumuṭule khanem baḍae daṛeakʼ, menkhan unim bạgiye enḍekhan uni hõ jaejug lạgitʼe nihạ̃tmea.

1 Bõsbudạ 29:17

E ińren Isor, ińiń baḍaea, am do ontorem biḍạu aṭkaretʼkana ar dhorom iạtem kusikʼkana. Noako jinis do mon ar ontor khon kusiteń em akatʼmea. Ar ńitokʼ do ona ńelteń rạskạkʼ kana, amren hoṛko okoe do nonḍe menakʼko onko hõko kusikʼkana.

Jobakʼ 23:10

Menkhan iń oka horteń calakʼkan ona doe baḍaekana; are biḍạu aṭkarliń khan iń do khạṭi sona lekageń hoykokʼa.

Jobakʼ 24:14

Khuniạhi do ńut tahenrege beretʼkate reṅgecʼ orecʼkoe gocʼetʼkoa, ar ńindạ jokhecʼ doe kombṛoyeda.

Sereńko 11:5

Probhu Isor do acʼ botoraekan koe biḍạu aṭkaretʼkoa, menkhan okoe bedhorom ar jor julumgeko dulạṛetʼ onko do bae moneyako kana.

Sereńko 119:106

Iń do amakʼ dhoromte perecʼ ạn ạri manaokate calakʼ reakʼ iń kiriạ akana, ar ona do kajaktegeń kiriạ akana.

Sereńko 139:1

E Probhu Isor, am dom biḍạu aṭkar akadińạ arem baḍae akadińạ.

Sereńko 139:23

E Isor, bhagete biḍạu aṭkarińme, ar ińakʼ ontor reakʼ dosa baḍaeme; ar biḍạu aṭkarińme, ińakʼ bạṛicʼ hudis reakʼ katha baḍaeme.

Sereńko 16:7

Iń do Probhu Isoriń sarhaoea uni do bhage solhae imạńkana; ar ńindạ jokhecʼ ińakʼ ontor hõe sikhạuedeń kana.

Sereńko 26:2

E Probhu Isor, iń do khạṭi mente sạbud ocoyińme; ar biḍạu aṭkarińme, ińakʼ mon ar ontor baṛe biḍạutińme;

Sereńko 39:1

Ińiń menkeda, “Iń calakʼ hor reaṅ iń do sontor akae iń tahena, jemon alaṅte aloń kại; ar tin hạbicʼ iń samaṅre bạṛicʼ hoṛko tahena un hạbicʼ ińakʼ moca doń gumạikakʼa.”

Sereńko 66:10

E Isor, am dom bachao akatʼlea; rupạ reakʼ mạilạ oḍok giḍikakʼ leka am do alem sapha akatʼlea.

Sereńko 7:4

ar ińren gateakʼ iń bạṛicʼ akatʼ khan, okoe do ạuṛiyakʼte ińren bạiriye hoylen iń do uni hõń bańcao akadea.

Kạhtukko 13:3

Okoe acʼakʼ mocae sontortae uni do acʼakʼ jiwiye rukhiyạitaea, menkhan okoe begor sontorte kathae roṛ uni doe jarkharokʼa.

Jirimiạ 12:3

E Probhu Isor, am dom baḍae akadińạ; arem tunkhi talaseyedeń kana ar tinạkʼ iń botoramkan ona hõm biḍạu aṭkar edeńkana. Onko do bhiḍiko leka gurko lạgitʼem tiyạkʼ idiyetʼkoa; ar gurko hilokʼ lạgitʼem begar dohoyetʼkoa.

Jirimiạ 50:20

Onako dinre ar onako oktere Israel reakʼ ghạṭko ńam baṛakʼa menkhan mitʼṭecʼ hõ baṅ ńamokʼa, ar Jihudạ reakʼ kạiko hõ ńam baṛakʼa menkhan mitʼṭecʼ hõ baṅ ńamokʼa, ente jiwetʼ okoyiń dohoko onko doń ikạkoa.

Hosea 7:6

Menkhan onko do tinreko phor phundikeda unre onkoakʼ ontor do culhạ leka dugur dugur jollentakoa. Onkoren piṭhạ bekʼnaoko do goṭa ńindạko jạpitʼkeda ar setakʼ jokhecʼ ona phor phundi do bhaṭa seṅgel leka jolentakoa.

Mikạ 2:1

Hae onko do, one okoe do behok lạgitʼko goṭayetʼkan, one okoe do apnarakʼ aṭetʼre bạṛicʼakʼ reakʼ phundiko aṭaoetʼkan. Ar setakʼlen khan do onka lekako kạmikana, ente ona onkae reakʼ daṛe do akoakʼ tire menakʼa.

Sakariạ 13:9

Niạ tesar hạṭińrenko do seṅgel talateń idikoa; rupạ cetʼlekako khạṭi ocoy onkage onko doń khạṭikoa ar sona cetʼlekako biḍạu aṭkar onkage onkoń biḍạu aṭkarkoa. Onko do ińko hohowạńạ ariń roṛ ruạṛakoa; ińiń metakoa, ‘noko do ińren hoṛ kanako,’ ar onkoko mena, ‘Probhu Isor do aleren Isor kanae.’ ”

Malaki 3:2

Menkhan uniyakʼ hijukʼ din do okoehõ bako sahao daṛeakʼa; uniye sodorlenre celege bako teṅgo ṭarhao daṛeakʼa; ente uni do rupạ biḍạu aṭkaricʼ seṅgelgeye hoyokʼa ar dhubiyakʼ sạbun leka hõ.

Aposkạmi 11:23

Ar Antiokiạren hoṛko Isorakʼ dayako ńamakada menteye ńelketʼ khan Barnabas do ạḍiye rạskạyena. Onko jemon goṭa ontorte Probhu Isorre biswạsko tahen onate uni do sanamkoe sikhạu paṛhaoketʼkoa.

Aposkạmi 16:9

Ar Pạul do ńindạ mitʼṭecʼ dorsone ńelkeda, Makedoniạ disạmren mitʼṭen hoṛ do teṅgokate nehõr salakʼe meneda, “Makedoniạte parom hijukʼte dela goṛowaleme.”

1 Korinthiko 4:4

Ińakʼ bibek do saphagea, menkhan onate noa do baṅ sạbudokʼ kana, iń doń dhoromgea. Probhu Isorge ińakʼe bicạrtińạ.

2 Korinthiko 1:12

Ale oka lạgitʼle sarhaokʼkan ona do noage, aleakʼ bibek do noa gohae emeda je, Isor reakʼ sonot ar soṛatetʼ iạte ale do sanam manwako talare, bạ̃ṛtikaete ape talare jionle khemao akada. Ar ona jion do jel reakʼ akelte do baṅ bickom Isorakʼ daya reakʼ ạyurtele khemao akada.

Jakob 3:2

Abo do sanamkoge ạḍi lekate bon behokeda. Jãhãe katha hotete bae behoketʼ khan enḍekhan uni doe dhoromgea; ar uni do goṭa hoṛmoe sambṛao daṛeakʼ kana.

1 Patras 1:7

Noako biḍạu do hijukʼgea jemon apeakʼ biswạs khạṭi mente sạbudokʼtape, ar onate Jisu Mạsiye sodorokʼre ape do sarhao, ṭhonok ar manotpe ńama. Okaṭakʼ sona do heṛ idikʼ ona hõ seṅgelre khạṭi ocoy hoyokʼa; menkhan apeakʼ biswạs reakʼ dam do ona sona khon hõ artetʼ sorosgea.

1 Samuel 24:10

Teheń abenakʼ mẽtʼtege coṅ ben ńelketʼ, Probhu Isor do cetʼleka niạ danderre ạlińakʼ tireye soprotletʼ bena. Ar adomko do aben gocʼben lạgitʼko metatʼ liń tahẽkana, menkhan aben cetanre mãyã hecʼatʼ lińạ. Onate liń metatʼkoa ińren mạlik cetanre ti do ohoń rakapʼ daṛelea, ente uni do Probhu Isorren ojokʼicʼ kanae.

1 Samuel 24:12

Probhu Isorge aben ar ạliń reakʼ baṛeye bicạrma ar ạliń upạrte okaben behok akatʼ ona reakʼ kuṛạiye emaben ma; enhõ aben upạrte ti do bạliń rakab tạlińa.

1 Samuel 26:11

Menkhan Probhu Isorren ojokʼicʼ hoṛ cetanre hat lagao do tishõ Probhu Isor do bae aṛakʼ akawạdińa. Dela, ńitokʼ do uniyakʼ bohokʼ ṭhen khon borlom ar dakʼ bhajan laṅ hataoa ar laṅ ruạṛ calakʼa.”

1 Samuel 26:23

Probhu Isor do mitʼke mitʼ hoṛ acʼakʼ pạtiạr ar dhorom reakʼ kuṛạiye emaea. Probhu Isor do teheń ạlińakʼ tireye soprotletʼ bena, menkhan ạliń do Probhu Isorren ojokʼicʼ cetanre ti rakab do bạliń khojkana.