Sereńko 16:5 - সান্তালী বাইবেল

⁵ E Probhu Isor, am kangeam ińakʼ dhon do; ar am kangeam tetaṅedeń kan dakʼ do. Ar amge ińakʼ gulibãṭteakʼ bakhram jogaoetʼtińạ,

Sereńko 16:5 Iomraidhean Croise

Sereńko 11:6

Uni do bedhoromko cetanre muskilakʼkoe kola; ar onkoakʼ bhạgre jolokʼkan gondhok ar seṅgel hoegeye kola.

Sereńko 116:13

Uni do muhin khone bańcaokedińa, onate bańcaokʼ reakʼ bạṭi doń tul rakaba ar ona reakʼ ṭhonokiń lại sodora.

Sereńko 119:57

E Probhu Isor, am kangeam ińakʼ dhon do; iń do amakʼ katha leka calakʼ reakʼ iń kiriạkʼ kana.

Sereńko 125:3

Isor botorae hoṛ do bạṛicʼ kạmire ti jemon aloko lagaokʼ onate Isor emakʼ onkoakʼ disạmre bạṛicʼ hoṛ do bako raj daṛeakʼa.

Sereńko 132:11

Probhu Isor do Dạud ṭhen noageye kiriạlena one okaṭakʼ do tisge bae rạpud, “Amren mitʼṭen hopon do amakʼ siṅghạsonreń duṛubea.

Sereńko 142:5

E Probhu Isor, iń do am ṭhengeń rakʼleda; iń doń menleda, “Amge ińren hirlạ do, ar jiwetʼkoakʼ disạmre ińakʼ bakhra hõ amge.”

Sereńko 2:6

Probhu Isore meneda, “Okoe rajiń ojokʼ akade uni do ińakʼ sonot buru Sionreń duṛupʼ akadea.”

Sereńko 23:5

Bạiriko samaṅrege am do jomakʼ ar ńũiyakʼkom juṛạuạń kana, ar bohokʼre sunumem ojokʼạń kana; ar ińakʼ bạṭi do sareṛokʼ kan tińạ.

Sereńko 73:26

Ińakʼ hoṛmo ar mon do sesokʼa, menkhan Isorge ińakʼ ontor reakʼ daṛe do, ar unige ińakʼ jaejugren bakhra kanae.

Sereńko 89:4

‘amakʼ bõs do jaejug hạbicʼ iń teṅgo keṭeja; ar piṛhike piṛhi amakʼ siṅghạsoniń ṭarhao dohoya.’ ” (Sela)

Sereńko 9:4

ente am do ińakʼ mambla dom bicạr chinḍạu akatʼtińạ; ar amakʼ siṅghạsonre duṛupʼkate dhoromtem bicạr akada.

Jesaea 42:1

Probhu Isore meneda, “Ńelpe, ińren guti, one uniń goṛowae kan; ariń bachao akade ar one unireń kusi akan. Ińren Jiu do unireń dohoyea ar uni do boṅgan hoṛ jạtrenko ṭhen hok reakʼ bicạre lại jạhira.

Jesaea 53:12

Ona iạte iń do napṛakʼko talareń bakhrawaea ar uni do daṛeanko tulucʼ luṭakʼkoe bakhra joṅa, ente uni do gujukʼ hạbicʼ jiwiye alaeketʼtaea. Uni do kạiyanko tulucʼe lekha mitʼena; uni do ḍher hoṛkoakʼ kạiye gokʼ idikeda ar ghạghạṭko ńutumteye arojkeda.

Jirimiạ 10:16

Jakob reakʼ bakhra do noako leka do baṅkana, ente unige sanamakʼ jinisko reakʼ sisirjạuicʼ kanae ar Israel do uniyakʼ sompotti kana. Uniyakʼ ńutum do phạdkoren Probhu Isorge.

Rak̕joṅ 3:24

Mon monteń mena, “Probhu Isor kangeae ińren sompotti, onate unirege asiń dohoytińa. ”

Aposkạmi 2:32

Uni Jisuge Isor doe jiwetʼ beretʼkedea, ar ale do sanamkoge uniren gohako kanale.

Aposkạmi 5:31

Isor do unige raj ar babańcaoicʼ menkate acʼakʼ jojomsa aṛere duṛube lạgitʼ ṭhonoke dan akawadea, jemon Israelkoakʼ mon ạcurtako lạgitʼ ạte emakote kại reakʼ ikại emako.

1 Korinthiko 15:25

Isor do tin hạbicʼ Mạsiren sanam bạiriko uniyakʼ jaṅga latarre bae dohoko un hạbicʼ Mạsi doe rajokʼa.

Ephesiko lạgitʼ Pạul Apostolakʼ ciṭhi 5:18

Alope ńũ bulokʼa, onate do bin sambṛaokʼkope hoyokʼa. Ona khon bickom sonot Jiu tabere tahenpe,

Dosar Biboron 18:2

Israel boehako talare sompotti mente onko do cetʼge baṅ tahentakoa. Probhu Isorakʼ gokʼakʼ lekate Isorge onkoren sompotti doe hoyokʼa.

Dosar Biboron 32:9

Probhu Isorakʼ bakhra do acʼren hoṛkoge; ar Jakob doe Israel jạtena acʼakʼ ạidạri bakhra.

Josuạ 22:25

Probhu Isor do Rubenrenko, Gadrenko, apeko ar ale talare jordan gaḍa do simạna lekateye dohoakada. Onate Probhu Isor cetanre apeakʼ do jãhãn bakhra bạnukʼtapea.’ Ar hoedaṛeakʼa aperen hoponko do aleren hoponko Probhu Isor sewawae khonko bạgi ocokoa.

Josuạ 22:27

Ona do ape ar ale talare ar aboren hoponko talare niạ gohae ema, abon do Probhu Isor samaṅrege aboren jeredokʼ samaṅokʼakʼ ar eṭakʼ janwar samaṅokʼakʼ ar sulukren samaṅokʼakʼko bon samaṅa. Enḍekhan tayom daram dinkore aperen hoponko do aleren hoponko niạ katha bako men daṛeakoa, ‘Probhu Isor cetanre apeakʼ do jãhãn bakhra bạnukʼtapea.’