Biblia Todo Logo
Bìoball air-loidhne

- Sanasan -




Sereńko 16:4 - সান্তালী বাইবেল

4 Okoe do debotakoko sewawako kan onkoakʼ duk do ḍherokʼtakoa. Ar onko oka mãyãmko coḍor ona do bạń onkaea; ar debotakoakʼ ńutum do luṭite hõ bạń ńuma.

Faic an caibideil Dèan lethbhreac




Sereńko 16:4
15 Iomraidhean Croise  

Ar Jakob do ṭhik ona jaegare dhiri reakʼ cinhạ khunṭiye teṅgokeda ar ona cetanre coḍor samaṅokʼakʼe samaṅkeda. Ar ona tayom do ona cetanre sunume dulada.


Bedhoromicʼ do ạḍi jala hoyaea, menkhan okoe Probhu Isorre hirlạ akane tahen uni do Probhu Isorakʼ dayageye esetʼ ạcurea.


Okoe murhutʼko sewawako kan ar Deb debota iạteko bạḍạiyokʼ kan onko sanamkoge lajaoreko paṛaokʼma; Probhu Isor samaṅre debotako do bohokʼko kuḍbur takoma.


“Iń okakoń hukumatʼpe ona reakʼ mitʼke mitʼ manaope. Ar jãhãe debotawakʼ ńutumko alope ńuma, ar apeakʼ mocare hõ alo ańjomokʼ ma.


“E Israel, am do buru nala reakʼ cĩkạ̃ṛ dhirikom sewawakʼ kana; ar onakoge, hẽ onakoge amakʼ sompottikana. Am do onako ṭhengem coḍoreda ar anajkom samaṅeda. Iń do cetʼ niạko ńelte hape akangeń tahena?


Menkhan ape okoe do Probhu Isorpe bạgi akawadea ar ińakʼ sonot burupe hiṛiń akatʼ, ar okoe do bhạg lạgitʼ mejpe sajaoetʼ ar likhạ lạgitʼ bubulakʼkote bạṭikope perecʼetʼ,


Menkhan okoe mitʼṭen ḍaṅgrae samaṅede uni do manwa khũnicʼ kanae, okoe mitʼṭen bhiḍi hopone samaṅede uni do setawakʼ hoṭokʼ rạputʼicʼ kanae, ar okoe anaje samaṅetʼkan uni do sukrikoakʼ mãyãm samaṅicʼ kanae, ar iń ńutumte dhupe jeretʼetʼkạnicʼ do boṅgako sewayicʼ kanae. Onko do apan ạpin horko bachao akawana; ar hirkhạwakʼ jinisteko tirpitokʼkana.


Gidrạko do sahanko halaṅeda, apatko do seṅgelko joleda ar maejiuko do holoṅko sipiyeda ar sermaren rạni ńutumte piṭhạko benaoeda. Ar iń duk ocoyiń lạgitʼ onko do debotako ńutumte coḍor samaṅokʼakʼko samaṅeda.


Ona sãote jomakʼ samaṅokʼakʼ lekate sunum mesalakatʼ pe keji turui sae gram holoṅ hõ samaṅ hoyokʼtaea. Noa do Probhu Isor ńutumte seṅgelteakʼ jomakʼ samaṅokʼakʼ kana one ona reakʼ jut so Probhu Isore kusiyakʼkan. Ar inạ sãote coḍor samaṅokʼakʼ lekate mitʼ liṭar darkha rasa hõ emokʼ hoyokʼtaea.


Okoe ạuṛiyakʼren boṅgako sewawako kan onko do amakʼ okaṭakʼ dayako ńamke ona do bako moneyakʼkana,


Okoe jạtrenko ape talare menakʼko onko tulucʼ do alope sulukokʼa; onkoren debotakoakʼ ńutum hõ alope ńuma se onko ńutumte hõ alope kiriạkʼa. Onko alope ḍobokʼakoa se onko samaṅre bohokʼ alope kuḍburtapea.


Lean sinn:

Sanasan


Sanasan