Sereńko 16:3 - সান্তালী বাইবেল

³ Dhạrtire okoe doko Isorren hoṛkan, onko doko maraṅgea; ar onko iạtege iń doń rạskạkʼ kana.

Sereńko 16:3 Iomraidhean Croise

2 Bõsbudạ 6:41

“E Probhu Isor, ńitokʼ do amakʼ jirạukʼ ṭhạ̃ite hijukʼme; dela hijukʼme ar amakʼ daṛeanakʼ sinduk hijukʼma. E Probhu Isor, amren naekeko do dhorom reakʼ kicricʼko horogma. Am okam bhạlại akatʼ ona lạgitʼ am bhuktiamko doko rạskạ joṅma.

Sereńko 101:6

Disạmren pạtiạr hoṛko secʼ ińakʼ mẽtʼ do tahena jemon onko do iń sãoteko tahẽdaṛeakʼ; ar okoeyakʼ jion khạṭigetako onkoge ińakʼko kạmiya.

Sereńko 116:15

Probhu Isor ṭhen acʼ botoraekoakʼ gujukʼ reakʼ dam do ḍhergea.

Sereńko 119:63

Okoe amko botoram ar amakʼ ạn ạriko manaoetʼ iń doń onko sãotenko kana.

Sereńko 122:8

Ińren boeha ar gatekoakʼ bhạlại lạgitʼge iń doń mena, Jerusalemre suluk tahen ma.”

Sereńko 30:4

E Probhu Isor botorae kanko, ape do uni sereńaepe; ar uni sonottetʼ reakʼ sarhaotaepe;

Kạhtukko 12:26

Dhorom hoṛ do bạṛicʼ khone sahaṛokʼ kana, menkhan bạṛicʼ hoṛ do onkoe asokʼ ṭayokʼ ocokoa.

Kạhtukko 13:20

Ạkilanko sãote okoeye senokʼ uni do ạkilane hoyokʼa, menkhan okoe bebuj hoṛkoren gateye hoyokʼ uni doe baṛijokʼa.

Kạhtukko 8:31

Uniyakʼ dhạrti iạteń rạskạkʼkan tahẽkana, ar manwa iạte rạskạte perecʼ iń tahẽkana.

Soros sereń 7:10

Iń do ińren dulạṛiạren kạnạń ar ińrege uniyakʼ gagoj do menakʼtaea.

Jesaea 62:4

Onko do “Bạgi akadeyicʼ ” ardo bako metama se amakʼ disạm reakʼ ńutum “Ujạṛakʼ do” bako metakʼa, bickom am do “Ińren dulạṛiạ” mentem hoho ocokʼa, ar amakʼ disạm do “Baplayicʼe” ńum ocokʼa, ente Probhu Isor do am iạteye kusikʼa ar amakʼ disạm reakʼ do bapla hoyokʼa.

Malaki 3:17

Onko babotre phạdkoren Probhu Isore meneda, “Ińakʼ niṭ akatʼ dinre onko do ińren sompottiko hoyokʼa; onko do ińrengeko hoyokʼa. Mitʼṭen hoṛ cetʼleka acʼren sapʼsosoricʼ hopone mãyãwaekante sạjại khone sahaṛede onkage onko hõń sahaṛkoa.

Aposkạmi 9:13

Ananiạse menkeda, “E Probhu Isor, ḍher hoṛkoakʼ moca khon nui hoṛ reaṅ iń ańjomakada, Jerusalemre amren hoṛko ạḍi bạṛicʼe khed akatʼkoa.

Galathiko lạgitʼ Pạul Apostolakʼ ciṭhi 6:10

Ạt bon ńamle khan sanamko lạgitʼ bhageakʼ bon kạmima, bạ̃ṛtikaete Isorren gharońjren hoṛko bhạlạiko lạgitʼ jemon bon kạmi.

Ephesiko lạgitʼ Pạul Apostolakʼ ciṭhi 1:1

Iń Pạul do Isorakʼ sanate Mạsi Jisuren mitʼṭen apostoliń hoyakana. Ephesus nagrahare okoe doko Isorren hoṛkan ar okoe do Jisu Mạsireko pạtiạu akan onko ṭhen noa ciṭhiń oletʼkana.

Titus lạgitʼ Pạul Apostolakʼ ciṭhi 3:8

Noa do sạri katha kangea. Ińakʼ monejoṅakʼ do noage, am do noako babotre jor emakʼme, jemon Isorre okoeko biswạs akan onko do eṭakʼko bhạlạiko reakʼ kạmire lạgiạ paṛao akanko tahen. Noako do bhagegea ar hoṛko lạgitʼ porhoanakʼ kana.

Ibriko 6:10

Isor doe hok bicạricʼ kana; onate apeakʼ kạmi ar uniren hoṛko sapʼ sohotʼakote okaṭakʼ dulạṛpe udukʼ akawade arpe udukʼetʼkan, ona do bae hiṛińa.