Sereńko 146:8 - সান্তালী বাইবেল

⁸ Probhu Isor do kãṛãko ńeńel reakʼ daṛeye emako kana; ar kuḍbur akanko doe sojheyetʼkoa; Probhu Isor do dhorom hoṛkoe dulạṛetʼkoa.

Sereńko 146:8 Iomraidhean Croise

Sereńko 11:7

Probhu Isor doe dhoromgete dhorom reakʼ kạmikoe dulạṛetʼkana; ar okoeko khạṭige onko do uniko ńelea.

Sereńko 145:14

Okoeko ńurokʼkan Probhu Isor do onkoe sapʼ sambṛaoetʼkoa; ar okoeko laḍe akan onko doe sojheyetʼkoa.

Sereńko 147:6

Probhu Isor do mạ̃hirkoe diṛhoyetʼkoa, menkhan bạṛicʼ hoṛko do otreye giḍikako kana.

Jesaea 35:5

Unre kãṛãkoakʼ mẽtʼ do saṛokʼtakoa, ar kala hoṛkoakʼ lutur do jhijokʼtakoa.

Jesaea 42:16

Kãṛãkoń ạyurkoa, ar bako baḍaekan ar ona suṛucʼ horteń idikoa. Ar ńut do onko laha lahateń marsal ocoya ar harcatʼ hurcutʼ hor doń mitʼsão utạra. Iń do niạkoń nonkaea, ar khạṭigeń nonkaea.

Jesaea 42:18

“Ańjompe, E kalako, ar E kãṛãko, ape do beṅgetʼ rakabpe.

Mathae 11:5

Kãṛã hoṛko ńeńelkana, leḍha hoṛko taṛameda, murhucʼ jom hoṛko bogekʼ kana ar kala hoṛko ańjomeda; gocʼkoko jiwetʼ beredokʼ kana ar reṅgecʼ orecʼko ṭhen do bhage sombat reakʼ katha lạiyạgokʼ kana.

Mathae 9:30

Unre unkinakʼ mẽtʼ do beṅgetʼen tạkina. Ar Jisu do sontorketʼ kinteye metatʼkinạ,

Johan 16:27

Baba ma coṅ acʼgeye dulạṛetʼpe, ente ape do ińpe dulạṛakadińạ arpe pạtiạu akana, iń do Baba Isor ṭhen khoniń hecʼakana.

2 Korinthiko 7:6

Menkhan Isor, one okoe do dukokʼkanko jiwi raṛecʼe emakokan, uni do Titusakʼ hijukʼ hotete jiwi raṛecʼe ematʼlea.

Ephesiko lạgitʼ Pạul Apostolakʼ ciṭhi 1:18

Iń do arhõń koeyeda apeakʼ ontor reakʼ mẽtʼ baṛe jhijokʼtape, jemon uniye hohowapere apeakʼ ontorre okape as akan onape bujhạu daṛeakʼ; ar ona sãote noa hõ jemonpe bujhạu daṛeakʼ je, uni ṭhen uniren hoṛko do tinạkʼ maraṅ dhon kanako ar okoeko bon pạtiạu akan aboakʼ ontorre uniyakʼ tinạkʼ maraṅ daṛe kạmiye kạmikana mente. Noa do inạ mitʼ maraṅ daṛege,

Dosar Biboron 33:3

“Sạrige uni do acʼren hoṛkoe dulạṛetʼkoa. Sonot goḍetko do acʼakʼ tire menakʼkoa, sanamkoge uniyakʼ umulreko taṛameda; ar uniyakʼ hukumko senakʼkana.

1 Patras 2:9

Menkhan ape do “Bachao akan bõsko kanpe; ape hotete naekekoakʼ rajosṭi do benao akana; ape do Isorakʼ monsubạ lạgitʼ begar dohoakan jạtrenko kanape ar uniren hoṛpe hoyakana,” Ńut khon acʼakʼ hahaṛa marsalte okoeye hoho ạguketʼpe unige sarhao sereńaepe.