Sereńko 146:4 - সান্তালী বাইবেল

⁴ Onkoakʼ jiwi oḍoklen tako khan onko do hasareko mesaokʼa, ar enhilokʼge onkoakʼ joto lekan goṭawakʼ do cabakʼtakoa.

Sereńko 146:4 Iomraidhean Croise

Genesis 2:7

Unre Probhu Isor do hasaren mitʼṭen herel manwae benaokedea ar mũreye oṅadete jiwiye aderadea. Onate manwa do jiwiyanicʼe hoyena.

Genesis 3:19

Ar okaṭakʼ hasatem benao ocoakan ona hasate ạurim ruạṛ calakʼ hạbicʼ bohokʼ reakʼ balbal dakʼ do jaṅgare ńurokʼtama arem joma. Amakʼ noa dhuṛi reakʼ hoṛmo do dhuṛitege ruạṛ calakʼtama.”

Genesis 6:17

Iń do dhạrtire mitʼṭecʼ ḍubạ dakʼ iń ạguya jemon serma latarre tinạkʼ do sahẽtʼetʼkan jiwiyanko menakʼko onko joto doń ḍahao maraokoa. Onate dhạrtiren sanam manwako doko marao utạrokʼa.

Jobakʼ 14:10

Menkhan manwae gocʼlen khan uni doe caba utạrokʼa; ar sahẽtʼ oḍokokʼ tayom do okateye calakʼ kana?

Jobakʼ 14:21

Hoponko manot ocokʼ kantaere hõ uni do bae baḍae daṛeakʼkana; arko bemanot ocolenre hõ uni do ona bae ńel joṅkana.

Jobakʼ 17:1

“Ińakʼ mon do rạputʼ akantińạ, ar bahaokʼ dinko hõ mucạtʼ hijukʼkana, ar kobor hõ iń lạgitʼe ńel horetʼkana.

Jobakʼ 17:11

Ińakʼ bahaokʼ din do caba hijukʼkantińạ, ińakʼ sanam goṭawakʼ do ạuṛiyakʼena, ińakʼ mon reakʼ sana hõ cewecʼentińạ.

Jobakʼ 27:3

tinạkʼ din ińre jiwi menakʼ, tinạkʼ din Isorakʼ sahẽtʼ ińakʼ mũre tahen,

Sereńko 104:29

Mẽtʼãhãm danaṅetʼtam khan onko doko keklesedokʼ kana; ar onkoakʼ sahetʼem hatao ruạrletako khan onko doko gujukʼa,

Sereńko 33:10

Sanam jạtrenkoakʼ goṭawakʼge Probhu Isor doe ạuṛiyakʼ ocoytakoa; ar onkoakʼ hudisko hõ bae jo baha ocoytakoa.

Sereńko 90:3

Manwa do dhuṛitem ruạr idiyede kana; amem meneda, “E manwa hoponko, ape do arhõ dhuṛite ruạṛokʼpe.”

Sosolhayic̕ 12:7

Hasa do hasarege ruạṛ calakʼa. Isor okoe jiue emakade uni jiu do acʼ ṭhengeye ruạṛ calakʼa.

Sosolhayic̕ 9:6

Onkoakʼ dulạṛ, kurud ar hiskạ do laharege caba akana; siń cando latarre jãhãnakʼge hoyokʼ onare onkoakʼ do jãhãn bakhrage bạnukʼtakoa.

Jesaea 2:22

Manwako cetanre do alope bhorsakʼa. Uniyakʼ jiwi ma uniyakʼ mũ reakʼ sahẽtʼ chaḍa ar cetʼge baṅkan; uniyakʼ do cetʼ damge bạnukʼtaea.

Rak̕joṅ 4:20

Aboakʼ mũ reakʼ sahẽtʼ Probhuren ojokʼicʼ do, onkoakʼ khạnreye sapʼ ocolena; menkhan abo dobon hudisokʼkan tahẽkana uniyakʼ umulre jạt jạtrenko talare bon girobasokʼa.

Daniel 5:23

Menkhan ona bodolte amge sermaren Probhu Isor upạrtem teṅgon akana. Am do uniyakʼ oṛakʼ khon ạguwakʼ bạṭikom oḍok ạgu ocoakada, ar onakore am ar amren mukhiyạko, amren bạhuko ar chuṭki erako ape do darkha rasape ńũ akada. Ar am do sonaren, rupạren, pitạlren, mẽṛhẽtʼren, kaṭren ar dhiriren benao akatʼko debotako okoe do ńeńelhõ bako ńeńel ar ańjom hõ bako ańjom ar bujhạu hõ bako bujhạu onkom sarhaoetʼkoa. Menkhan Isor do bam sarhaoede kana, one uniyakʼ tire amakʼ jiwi ar amakʼ goṭa horge menakʼtam.

1 Korinthiko 2:6

Okoeko Mạsiyakʼ Jionreko hara sạbit akan onko ṭhen do akel reakʼ kathagele roṛeda; menkhan ona akel do noa dhạrti reakʼ baṅkana, se noa jugren mukhiyạkoakʼ hõ baṅkana one okoe doko parom calakʼko kan;