Sereńko 142:4 - সান্তালী বাইবেল

⁴ Ińakʼ jojomti secʼ beṅgedme ar ńelme, ińko orom akadiń leka do celege bạnukʼkoa. Iń do dạṛ pharakokʼ lạgitʼ jaega hõ bạnukʼtińạ; ar ińakʼ jiwi lạgitʼ cintạkʼko hõ celege bạnukʼkoa.

Sereńko 142:4 Iomraidhean Croise

Jobakʼ 11:20

Menkhan bedhoromkoakʼ mẽtʼ do ạndhạukʼtakoa onko do cetʼ asrayge bako ńama; mucạtʼ sãhetʼge hoyokʼa onkoakʼ as do.

Sereńko 1:6

ente Probhu Isor do dhorom hoṛkoakʼ hore moneyakʼa, menkhan bedhoromkoakʼ hor do maraokʼtakoa.

Sereńko 140:6

E Probhu Isor, amiń metam kana, “Am kangeam ińren Isor do.” E Probhu Isor, ińakʼ nehõrjoṅ baṛe luturakʼme.

Sereńko 141:9

Onko do iń lạgitʼ okaṭakʼ jhạliko oḍao akatʼ ona khon rukhiyạyińme; ar bedhoromkoko oḍao akatʼ pạsi khon hõ bańcaoińme.

Sereńko 143:4

Onate iń doń lorao akana; ińre ińakʼ ontor do keklesetʼ akantińạ.

Sereńko 31:11

Bạiriko ṭhen iń do henostageń hoyakana, bạ̃ṛtikaete ińren gateko ṭhen. Ar ńepel oprom hoṛko ṭhen do torasge; kulhireko ńelliń khan onko doko ńir pharakokʼkana.

Sereńko 69:20

Hirkhạ iạte ińakʼ mon do rạputʼ akana onate iń doń kạhil akana. Ińakʼ dukte jemon eṭakʼkoko dukokʼ ar onage iń doń khojkan tahẽkana, menkhan ona do bạń ńamleda. Jiwi raṛecʼko emdaṛeạń hoṛiń khojletʼkoa, menkhan onkan okoe hõ bạń ńamletʼkoa.

Sereńko 88:18

Ińren gateko ar ińren dulạṛiạko do, iń ṭhen khonem idiakatʼkoa; ar ńitokʼ do ńutkangeae ińren gate.

Sereńko 88:8

Ar am do ińren hoṛko iń ṭhen khonem idiakatʼkoa; ar onko ṭhen do hirkhạwạnicʼem hoyoco akadińạ. Iń doń esetʼ akana, ar bạń oḍok hecʼ daṛeakʼ kana;

Jirimiạ 18:22

Onko upạrte ackage hạ̃hạ̃nkom ạgukote onkoakʼ oṛakʼ khon rakʼko ańjomokʼma, ente iń sabeń lạgitʼ onko do ghaḍlakʼko la akada ar ińakʼ jaṅga lạgitʼ pạsiko oḍaoakada.

Jirimiạ 25:35

Gukʼpiko do dạṛ reakʼ upạige baṅ tahentakoa; gupikoren mukhiyạko hõ okatehõ bako sen daṛeakʼa.

Jirimiạ 30:17

menkhan enhõ iń do amakʼ hoṛmoń ruạṛkakʼa ar amakʼ ghaokoń bogeytama.’ ”

Jona 2:8

Okoe ạuṛiyakʼren boṅgako sewawako kan onko do amakʼ okaṭakʼ dayako ńamke ona do bako moneyakʼkana,

Mathae 26:56

Menkhan noa joto do hoyena jemon nạbiko reakʼ olakʼko purạukʼ.” Unre celako do Jisuko ńir bạgiyadea.

2Timothi 4:16

Pạhil dhaoiń bicạr ocolenre okoe hõ bako goṛowạdiń tahẽkana, bickom sanamgeko bạgi giḍiwạdiń tahẽkana; ona do alo baṛe lekhakʼtako ma.

1 Samuel 27:1

Dạud do mone monteye hudiskeda, “Iń do Sạulakʼ tirege mitʼdin gujukʼ hoyokʼtińạ, onate Philisṭikoakʼ disạmtege dạṛ pharakokʼ bhage hoyokʼ tińạ. Enḍekhan Israel disạmre uni do ar bae sendra baṛayińạ, ar iń hõ uniyakʼ ti khon rukhiyạń ńama.”