Sereńko 142:3 - সান্তালী বাইবেল

³ Ińre ińakʼ jiwi loraokʼkanre amge ińakʼ jion reakʼ horem baḍayetʼtińạ; ar ińakʼ calakʼ horre hoṛko do hape hapete pạsiko oḍaoeda.

Sereńko 142:3 Iomraidhean Croise

Jobakʼ 23:10

Menkhan iń oka horteń calakʼkan ona doe baḍaekana; are biḍạu aṭkarliń khan iń do khạṭi sona lekageń hoykokʼa.

Sereńko 1:6

ente Probhu Isor do dhorom hoṛkoakʼ hore moneyakʼa, menkhan bedhoromkoakʼ hor do maraokʼtakoa.

Sereńko 102:1

E Probhu Isor, am do ińakʼ koejoṅ ańjomtińme; ińem goṛowạń khon ińakʼ noa rakʼjoṅakʼge am ṭhen baṛe seṭerokʼma.

Sereńko 102:4

Setoṅ reakʼ tạpiste rohoṛ akan ghãs leka ińakʼ ontor do rohoṛ akana; iń do jom hõń hiṛińeda.

Sereńko 140:5

Bạḍại hoṛko do iń lạgitʼ pạsi baberko oḍao akada; onko do hor aṛere jhạliko aṭetʼ akada ar iń lạgitʼ jhampako dohoakada.

Sereńko 141:9

Onko do iń lạgitʼ okaṭakʼ jhạliko oḍao akatʼ ona khon rukhiyạyińme; ar bedhoromkoko oḍao akatʼ pạsi khon hõ bańcaoińme.

Sereńko 143:4

Onate iń doń lorao akana; ińre ińakʼ ontor do keklesetʼ akantińạ.

Sereńko 17:3

Am do ińakʼ ontorrem bolo akana ar ńindạ dom biḍạu akadińạ; arem biḍạu aṭkar edeńkana menkhan cetʼge bam ńam akada. Ińiń ṭhik akada jãhãn kại reakʼ kathare ińakʼ moca do ar bạń beohara.

Sereńko 22:14

Iń do dakʼ lekań dul giḍi ocoakana, ińakʼ sanam jaṅ reakʼ joṛaoko do chaḍao akantińạ, ińakʼ ontor do mom leka hoyakante iń bhitrirege cher lambao idikʼkana.

Sereńko 31:4

Iń lạgitʼ danaṅre oḍao akatʼ jhạli khon am do rukhiyạyińme, ente am kangeam ińren aotan gaṛ do.

Sereńko 56:6

Onko do mitʼ ṭhenko jarwakʼa, ar iń lạgitʼko tãṛãgokʼa; ar gojeń reakʼ ạt ńam lạgitʼ onko do ińakʼ daṛanko tạnkhiyetʼa.

Sereńko 61:2

Ińakʼ mon loraolen tińre hõ ar dhạrti reakʼ mucạtʼ simạkoreń tahenre hõ iń do onḍe khon hõ amiń hohowama. Ar nonkan usul aotan burure ạyur rakabińme okaṭakʼ do iń khon ḍher pharakre menakʼ.

Sereńko 62:9

Somajren huḍińko do bhap leka, ar napṛakʼko do eṛeakʼge; tulạre onko do jotoge hoe khon hõko rawalokʼa.

Sereńko 77:3

Iń do tinre Isorakʼ kathań hudisokʼkan tahẽkan unre dukteń khadbadaokʼkan tahẽkana; ar hudis hudiste iń doń loraokʼkan tahẽkana. (Sela)

Jirimiạ 18:22

Onko upạrte ackage hạ̃hạ̃nkom ạgukote onkoakʼ oṛakʼ khon rakʼko ańjomokʼma, ente iń sabeń lạgitʼ onko do ghaḍlakʼko la akada ar ińakʼ jaṅga lạgitʼ pạsiko oḍaoakada.

Rak̕joṅ 2:19

Beretʼme, ar ńindạ reakʼ mimitʼ oktere ragme; Probhu Isor samaṅre amakʼ mon do dakʼ leka dul oḍoktam. Amren gidrạko okoe do reṅgecʼte kulhi reakʼ dobạṭiạkore acetko giticʼ akan, onkoakʼ jiwi bańcao lạgitʼ uni ńutumte amakʼ ti tultam.

Mathae 22:15

Unre Phạrusiko doko calaoena ar Jisu acʼakʼ kathate cekateko jhạliyea ona reakʼ sopolhako dhurạuena.