Sereńko 141:2 - সান্তালী বাইবেল

² Ińakʼ koejoṅ do am samaṅre dhup leka bujhạukʼma, ińakʼ ti kin reakʼ ataṅ do ạyupʼ reakʼ samaṅokʼakʼ leka ente iń do am samaṅre hạjirgeń tahen kana.

Sereńko 141:2 Iomraidhean Croise

1 Rapajko 18:36

Ado ạyubokʼ okte Eliạ nạbi doe hecʼena are koekeda, “E Probhu, Abraham, Isahak ar Israelren Isor, teheń am do baḍae ocokom, Israelkoren Isor dom am kangea ar iń do amren guti kạnạń, ar amakʼ hukumtege noako doń kạmikana.

Esra 9:4

Bondi dosa khon ruạṛ hecʼakan noko hoṛkoakʼ bepạtiạr babotre okoe do Israelren Isorakʼ katha disạkateko thar tharaoen onko mimitʼko do iń ṭhen hecʼkateko jarwayena. Ar ạyupʼ reakʼ samaṅokʼ okte hạbicʼ iń do onḍegeń duṛupʼ hape akan tahẽkana.

Sereńko 134:2

Sonotakʼ ṭhạ̃i secʼ ti tultape ar Probhu Isor sarhao sereńaepe.

Sereńko 28:2

Goṛo ńam lạgitʼ amiń hohowamre ar amakʼ sonot ṭhạ̃i secʼ tiyiń rakabtińre ińakʼ nehõr joṅakʼ baṛe ańjomtińme.

Sereńko 5:3

E Probhu Isor, din hilokʼ setakʼre ińakʼ katham ańjometʼ kana setakʼre iń do am samaṅre ińakʼ koejoṅiń samaṅetʼ kana ar askateń ńel hohorkana.

Sereńko 63:4

Iń do jiwetʼ tahen bhor amiń sarhaomea; ar am ṭhen iń do ti tulkateń koejoṅa.

Exodus 29:39

Mitʼṭen do setakʼ jokhecʼ ar eṭagicʼ do ńuhumokʼ jokhecʼ samaṅkin hoyokʼa.

Exodus 35:15

dhudhup pinḍ ar ona reakʼ ḍaṅkin; ojogokʼakʼ sunum ar jut so reakʼ dhup; sekʼwa tạmbu duạr reakʼ orwal;

Kạhtukko 15:8

Bedhoromkoakʼ jotowakʼge Probhu Isor doe hirkhạwakʼa, menkhan khạṭi hoṛkoakʼ koejoṅte uni doe kusikʼkana.

Daniel 9:21

Iń do unreń koejoṅkan tahẽkana ar unre lahateakʼ dorsonre okoeyiń ńellede uni Gabriel goḍet do ạyupʼ reakʼ samaṅokʼ jokhecʼ iń ṭhen usạrateye uḍạu hecʼena.

Malaki 1:11

Purub khon pạchim hạbicʼ sanam jạtrenko talare ińakʼ ńutum do maraṅokʼa. Iń ńutumte sanam ṭhạ̃irege dhupko jeredokʼa ar samaṅokʼ lạgitʼ sapha jinisko ạgukʼa, ente sanam jạtrenko talare ińakʼ ńutum do maraṅokʼtińạ.

Numeri 16:35

Ar barsae mõṛẽgel hoṛ okoe do dhupko samaṅetʼ tahẽkan onko do Probhu ṭhen khon seṅgel oḍokente sanamkoe atar cabaketʼkoa.

Aposkạmi 3:1

Mitʼ din Patras ar Johan do tarasiń okte reakʼ koejoṅre mundiltekin rakapʼ calakʼkan tahẽkana.

1Timothi 2:8

Ińakʼ monejoṅakʼ do noage, herel hopon do sanam jaegare edre se jhogṛa baṅkate sapha monte sonot ti tulkate jemonko koejoṅ.

Johan sodor 5:8

Ar puthiye hataoketʼ khan onko ponea jiwiyanko ar bargel pon murubbiko do Bheḍa Hopon samaṅreko ombakʼena. Onko mimitʼkoakʼ tire do mimitʼ goṭecʼ peṛesaṅ ar mimitʼ goṭecʼ dhupte perecʼ sona reakʼ bạṭi tahẽkana. Ona dhupte perecʼ bạṭiko do Isorren hoṛkoakʼ koejoṅ kana.