Sereńko 14:4 - সান্তালী বাইবেল

⁴ Bạṛicʼakʼko kạmikanko do cetʼ nunạkʼgeko bebujgea? Hoṛko cetʼleka jomakʼko jometʼkan onkage onko do ińren hoṛko jometʼkoa; onko do Probhu Isor hõ bako hohoae kana.

Sereńko 14:4 Iomraidhean Croise

Jobakʼ 21:15

Uni sanam daṛeanicʼ doe celekante, unile sewawaea? Uni ṭhenle koe lekhan ale do cetʼ lab hoyokʼtaea?

Jobakʼ 27:10

Onko do cetʼ sanam daṛeanicʼ iạteko rạskạkʼa? Onko do cetʼ jaoge Isorko hohoaekana?

Sereńko 27:2

Bạṛicʼ hoṛ do ińakʼ jelko joma mente tinreko hecʼ sorokʼa unre iń upạrtenko ar ińren bạiriko doko tohotʼ gurokʼa.

Sereńko 79:6

Okoe bako manaome onko jạtrenko cetanre am do amakʼ edre upʼakome, ar onako rajosṭi cetanrehõ onkaeme okoe do amakʼ ńutum bako dohaeyakʼkan;

Sereńko 82:5

Disạm cakʼlaokoakʼ do bud ar ạkil bạnukʼtakoa, onko do ńutreko dãṛãnkana; ar dhạrti soṅsar reakʼ rehetʼko dalmalaoeda.

Kạhtukko 30:14

Onkoakʼ ḍaṭa do tarwaṛe leka ar jambe do churi leka, jemon onko do dhạrtiren reṅgecʼ orecʼko ar nacarko manwa tala khonko marao daṛeako.

Jesaea 27:11

Ona reakʼ ḍạrko rohoṛlen khan ona do rạputʼ giḍikʼa ar maejiuko do hecʼkate seṅgelre onako khadlea. Noko do mitʼṭen lelha jạtren kanako, onate okoe onkoe benao akatʼko onko cetanre uni do jãhãnakʼ bae mãyãkʼa; onkoren sisirjạuicʼ hõ onkore bae dayakʼa.

Jesaea 29:14

Onate iń do arhõ hahaṛawakʼ kạmikote noko hoṛ doń ṭhak utạrkoa; onate ạkilankoakʼ ạkil do maraokʼtakoa ar budankoakʼ bud hõ danaṅokʼa.”

Jesaea 45:20

“Jarwakʼpe ar hijukʼpe, ma hecʼ sorokʼpe, E ape boṅgan hoṛ jạtren paskao akanko. Onko do cetʼ hõ bako baḍaea, one okoe do akoakʼ kaṭ reakʼ goṛhon muṭhạnko gokʼ baṛayetʼ. Onko do nonkan debota ṭhenko koejoṅa okoe do bae bańcao daṛeako.

Jesaea 5:13

Onate buj bạnukʼtako iạte ińren hoṛko do eṭakʼ disạmre bondi akanko tahena. Onkoren manotan hoṛ do reṅgecʼteko gujukʼa, ar onkoren eṭakʼko hoṛ do tetaṅteko chaṭ chaṭaokʼa.

Jesaea 64:6

Ale sanamkoge besapha hoṛko lekale hoyakana ar aleakʼ sanam dhorom kạmi do mạilạ kicricʼ leka hoyakantalea. Ale sanamkoge sakam lekale tolmocʼ akana, aleakʼ kại do hoe lekageye oṭaṅ idiyetʼlea.

Jesaea 64:7

Am do okoe hõ bako hohowam kana se nehõram lạgitʼ am ṭhen do okoe hõ bako hijukʼkana, ente ale dom dea giḍiakatʼlea ar aleakʼ ghạṭko iạte jarkharokʼ lạgitʼem aṛakʼ akatʼlea.

Jirimiạ 10:25

Okoe jạtrenko bako aṅgocme, ar okoe bako hohowam, onko cetanre amakʼ edre baṛe dulme. Onko do Jakobko jom akadea, ar uniyakʼ disạmko marao giḍiakada,

Hosea 7:7

Ar jotokoge culhạ lekako dhipạuena ar akoren disạm cakʼlaoko do seṅgel lekako jeretʼ cabaketʼkoa. Onkoren rapaj do sanamgeko gocʼena; ar onko do okoege bako hohowạdińa.

Amos 8:4

Ape okoe do laṅgaṭkope lebetʼ gańjaoetʼko ar reṅgecʼ orecʼkope caba utạrletʼko, ape baṛe ańjompe.

Romiko lạgitʼ Pạul Apostolakʼ ciṭhi 1:28

Nonkate manwa do Isor bako manaoedete Isor hõ kại monreye soprotkatʼkoa, ar onatege manwa do be ṭhikakʼko kạmikana.

Galathiko lạgitʼ Pạul Apostolakʼ ciṭhi 5:15

Menkhan ape apepe jhogṛakʼ arpe hipiskạ kan khan men sontorokʼpe! Arpe nonkae khan ape do apetegepe maraokʼa.