Sereńko 14:1 - সান্তালী বাইবেল

¹ Bebuj hoṛ doko mena Isor do bạnugicʼan. Onkoakʼ sobhab do bạṛicʼgea ar kạmiko hõ hirkhạgetakoa. Bhageye kạmikan hoṛ do okoe hõ bạnukʼkoa.

Sereńko 14:1 Iomraidhean Croise

Genesis 6:5

Probhu Isor do dhạrtiren manwakoakʼ dusṭạmi ḍher idikʼkantako, ar ontor reakʼ hudis bundisko bạṛicʼgetako onakoe ńelkeda.

Jobakʼ 15:16

enḍekhan manwa, okoe do bạṛicʼ are kharapge ar ghạṭko dakʼ lekae ńũiyetʼ, uni do khạṭi bae hoedaṛeakʼa.

Jobakʼ 22:13

Enhõm meneda, ‘Isor do cetʼ jãhãnakʼe baḍaea? Niạ ńutre Isor do cekateye bicạra?

Sereńko 10:4

Bedhorom hoṛ do ṭheṭamute Probhu Isore neṅghao edeya; uniyakʼ bạṛicʼ monsubạre noa hudisge menakʼa Isor mente ar okoe hõ bạnukʼkoa.

Sereńko 107:17

Lelha hoṛ do akoakʼ pap reakʼ hor iạte, ar akoakʼ ghạṭ iạteko sasetokʼkana.

Sereńko 53:1

Bebuj hoṛ doko mena Isor do bạnuiya. onkoakʼ sobhab do bạṛicʼgetakoa, ar kạmiko hõ hirkhạgetakoa; bhage kạmikan hoṛ do okoe hõ bạnukʼkoa.

Sereńko 73:3

Ńelkedạń, bedhoromko do ạḍi sukre menakʼkoa, ar onko bạḍại hoṛko ńelte ińakʼ mẽtʼ do jolokʼkan tiń tahẽkana;

Sereńko 92:6

Orlo hoṛ do ona bae baḍae daṛeakʼa; ar bebuj hoṛ hõ ona do bae bujhạu daṛeakʼa.

Kạhtukko 1:22

“E lelha hoṛko, ape do ar tinạkʼ din apeakʼ lelhatetʼpe dulạṛa? landa dhudhutʼko do ar tinạkʼ din onare rạskạko ńama? Ar bebujko hõ ar tinạkʼ din ạkilko kurudakʼa?

Kạhtukko 1:7

Probhu Isor botorae do ạkil reakʼ etohopʼ kana, menkhan lelha hoṛ do ạkil ar sikhạunako nihạ̃tetʼ kana.

Kạhtukko 13:19

Mon reakʼ sana purạulen khan ontor tirpitokʼa, menkhan bạṛicʼ khon sahaṛokʼ do bebuj lạgitʼ hirkhạwakʼ kana.

Kạhtukko 27:22

Bebuj hoṛ do anaj sãote ukhuṛre toktem huṛuṅ gunḍạlere hõ, enhõ uniyakʼ lelhatetʼ do bae aṛagea.

Sosolhayic̕ 7:20

Dhạrtire nonkan dhorom hoṛge bạnukʼkoa okoe jao okte bhageakʼe kạmikan, ar tishõ bae kạiyetʼ.

Jesaea 1:4

Hae! Onko do kạite perecʼ mitʼṭen jạtrenkoge, dusi reakʼ bojhate perecʼ hoṛge, behoketʼren bõskoge, bạṛicʼakʼ kạmiyetʼkan hoponkoge. Onko do Probhu Isorko bạgi giḍi akadaea ar Israelren uni sonoticʼko nihạ̃t akadea arko dea giḍi akadea.

Jirimiạ 5:12

Onko do Probhu Isor reaṅ eṛeakʼgeko roṛeda. Onko doko meneda, “Uni do cetatgeye baṅkana. Aboakʼ jãhãn loksan do baṅ hoyokʼ tabona; abo do tishõ lạṛhại ar akal do babon ńela.

Jirimiạ 6:28

Onko do jotoge huhulko kanako; onko do okta cintại lạgitʼko dãṛãbaṛaea. Onko do pitạl ar mẽṛhẽtʼ lekan kanako; ar jotogeko kharap caba akana.

Mathae 12:34

E bińren bõsko! Apepe bạṛicʼgere hõ cekate bhageakʼ kathakope roṛ daṛeakʼ kana? Ente ontorre oka sareṛokʼ, onage moca doe roṛa.

Mathae 15:19

Ente ontor khonge bạṛicʼ cintạ, khũn, laṭghaṭ, kombṛo, eṛe goha, ar opomanko do oḍok hijukʼa.

Luk 12:20

Menkhan Isor do uniye metadea, ‘E bebuj, teheń ńindạge am dom gujukʼa. Enḍekhan onem doho jarwa akatʼ dhon do okoeyakʼ hoyokʼa?’ ”

Ephesiko lạgitʼ Pạul Apostolakʼ ciṭhi 2:12

Disạipe, lahate ape do Mạsi khon begargepe tahẽkana; jạtrenko lekate Israelkoakʼ oka ạidạri menakʼ ona ạidạri khon bahrerepe tahẽkana; Isor do Israel jạtrenko lạgitʼ okae gokʼ dohoakatʼ tahẽkan ona sãote apeakʼ jãhãn bondobos baṅ tahẽkana; ar noa dhạrtire ape do Isor chaḍagepe tahẽkana.

Titus lạgitʼ Pạul Apostolakʼ ciṭhi 1:16

Onko do Isorko baḍaeyede kana menteko lạiyogokʼ kana, menkhan akoakʼ kạmi hotete uni doko baṅekana. Onko do hirkhạ ocokʼko ar bebataoko kanako ar sanam bhage kạmi lạgitʼ doko okạjuạgea.

Titus lạgitʼ Pạul Apostolakʼ ciṭhi 3:3

Abo hõ pạhil do bebujko, bebataoko, bulạu ocokʼko, ạḍi lekanakʼ bạṛicʼ sana ar hạ̃s rạskạre golam akanko bon tahẽkana. Abo do dusṭạmi ar hiskạte din bon khemoetʼ tahẽkana. Ar eṭakʼko bon hirkhạwako kan tahẽkana.

Johan sodor 21:8

Menkhan botorokʼko, bepạtiạrko, hirkhạwakoko, gogocʼko, loṭghuṭiko, jạdu udukʼko, boṅga muṭhạn sekʼwako ar joto lekan eṛekoakʼ mucạtʼ dosa do seṅgel ar gondhok reakʼ dõreaorege.” Ar noa kangea dosar gujukʼ do.”

1 Samuel 25:25

Ińren mạlik do uni kharap hoṛakʼ, metakʼme Nabalakʼ katha jemon aloe sapʼ dohokakʼ. Ente uniyakʼ ńutum cetʼleka onkage uni do. Uniyakʼ ńutum reakʼ mane do, keṭecʼ hoṭokʼ, ar unire do onage menakʼa. Ińren mạlik acʼren hoṛkoe kolletʼko onko sãote iń amren kạ̃ṛmĩ do bạń ńapamlena.