Sereńko 135:7 - সান্তালী বাইবেল

⁷ Unige pirthimi reakʼ mucạtʼ khon rimile rakapʼ ocoyeda; unige dakʼ lạgitʼ bijliye tear ocoyeda.

Sereńko 135:7 Iomraidhean Croise

1 Rapajko 18:1

Inạ ḍher din tayom, bae dakʼetʼ tahẽkan tesarakʼ bochorre Probhu Isor do Eliại metadea, “Do Ahab sãote ńapamokʼme. Ar iń do disạmre dakʼ iń kola.”

Jobakʼ 5:10

Uni do dhạrtire jạṛi dakʼe emokʼ kana ar jumire dakʼe koleda.

Sereńko 107:25

Mitʼ dhao uniyakʼ kathate maraṅ birbão hecʼena, onate maraṅ maraṅ ḍheoko rakapʼena.

Sereńko 148:8

E bijli ar arel, him ar kuṛhạ ar uniyakʼ hukum senakʼ birbão uni sarhaoepe.

Sereńko 78:26

Uni do serma khon puruạ reakʼ hoeye hoyocokeda; uni do acʼakʼ daṛete dạkhin reakʼ hoeye ạyur ạgukeda.

Jirimiạ 10:13

Uniyakʼ hukumte serma reakʼ dakʼ do chilkibilkikʼ kana; uni do dhạrti reakʼ ses simạna khon rimile rakapʼ ạguyetʼkana. Uni do dakʼ lạgitʼe bijli ocoyeda ar acʼakʼ murại khon hoe koe oḍok ạguiyeda.

Jirimiạ 14:22

Jạt jạtkoren ạuṛiyakʼren boṅga murhutʼko do cetʼ dakʼko ạgu daṛeakʼgea? Serma do cetʼ jạṛi dakʼe em daṛekea? E aleren Probhu Isor, eken amgem daṛeakʼa. Am cetanrege ale do asle dohoyeda, ente amge noakom kạmikana.

Jirimiạ 51:16

Uniyakʼ hukumte serma reakʼ dakʼ do chilkibilkikʼ kana; uni do dhạrti reakʼ ses simạna khon rimile rakapʼ ạguyetʼkana. Uni do dakʼ lạgitʼe bijli ocoyeda ar acʼakʼ murại khon hoeye oḍok ạguiyeda.

Jona 1:4

Unre Probhu Isor do jalapurire mitʼṭecʼ tạpis hoeye kolkeda. Ona iạte nonka botoranakʼ birbão hoe rakapʼena, jahaj do rạpudokʼ leka hoyena.

Sakariạ 10:1

Niron din reakʼ dakʼ lạgitʼ Probhu Isor metaepe; unige dakʼ reakʼ rimilkoe benaoeda. Uni do hoṛe dakʼako kana ar sanamkoakʼ khetre phosole omon ocoyeda.

Johan 3:8

Hoe do oka secʼ sanaye ontegeye hoeyeda ar ona reakʼ saḍetetʼem ańjoma, menkhan oka khon hijukʼ kana ar okate calakʼa ona do bam baḍaea. Sonot Jiu khon okoeyakʼ janam hoyakan onko do ṭhik onkageko hoyokʼa.”