Sereńko 135:12 - সান্তালী বাইবেল

¹² Uni do onkoakʼ disạm acʼren hoṛ Israelko ạidạri lekateye danatʼkoa.

Sereńko 135:12 Iomraidhean Croise

Sereńko 78:55

Onko samaṅ khon porjạtren koe laga ńirketʼkoa, ar onkoakʼ jaega jumi soṅkate sompotti lekate onkoe hạṭińatʼkoa; onkoakʼ oṛakʼ duạrre Israel bõsrenkoe girobas ocoketʼkoa.

Numeri 33:54

Ape do loṭarikate judạ judạ bõsrenkoakʼ jaegape ṭhik dohoakoa. Ar bõsren hoṛkoakʼ lekha ḍher hoylen khan ḍher jaega ar kom hoylen khan do kom jaegape emakoa. Loṭarikate oka bõsrenko lạgitʼ jaega okare rakabokʼ ona bõsrenko do ona jaegage emako hoyokʼa. Gusṭiren judạ judạ bõsko do gusṭiko talarege jaegako ńama.

Dosar Biboron 29:8

Ar unkinakʼ disạm hatkate sompotti lekate Rubenrenko, Gadrenko ar Manase khũṭren adha hoṛko do ona bon em akatʼkoa.

Josuạ 11:23

Probhu Isor Mose okae hukumade tahẽkan onkage Josuạ do goṭa disạme dokholana ar gusṭikoakʼ sompotti lekate ona do Israelko talareye hạṭińatʼkoa. Unre disạmre lạṛhại do thirakan tahẽkana.

Josuạ 12:7

Lebanon lodam reakʼ Bakʼal-Gal khon Seyir buru secʼ rakapʼ calao akan Halak buru hạbicʼ jordan gaḍa pạchim secʼren rajko do Josuạ ar Israelko ṭhenko bhagao ocoakan tahẽkana. Josuạ do onkoakʼ jaegako sompotti lekate Israelkoren judạ judạ gusṭirenkoe hạṭińatʼkoa.