Sereńko 135:1 - সান্তালী বাইবেল

^1-2 Probhu Isorakʼ sarhao hoyokʼtae ma. Probhu Isor gun manao joharaepe; E Probhu Isorren golamko, ar okoe do Probhu Isorakʼ oṛakʼrepe kạmikan, ar okoe do Isorakʼ bakher racarepe kạmikan ape do Probhu Isor sarhao sereńaepe.

Sereńko 135:1 Iomraidhean Croise

1 Bõsbudạ 6:17

Gersonren hoponkinakʼ ńutum do Libni ar Simiyi.

Nehemiạ 9:5

Tayomte Liwiko mod khon Jesua, Kadmiyel, Bani, Hasabneya, Serebia, Hodia, Sebania, ar Petahia tekoko menkeda, “Ape do teṅgokate aboren Probhu Isor sarhaoepe, okoe do jug khon jaejug hạbicʼ menae.” Ona tayom onko do niạ menkate koejoṅko ehopʼena, “E Probhu Isor, amakʼ ńutum do sarhao ar ṭhonokte perejokʼma; ale emakʼ sanamakʼ sarhao khon hõ am dom maraṅgea.

Sereńko 102:21

Onate eṭakʼ jạtren ar rajosṭiko tinre Probhu Isor sewawae lạgitʼ mitʼ ṭhenko jarwakʼa, unre Probhu Isorakʼ ńutum do Sionre porcarokʼa.

Sereńko 106:1

Probhu Isorakʼge sarhao hoyokʼtae ma. Ape do Probhu Isor gunmanao joharaepe, ente uni doe bhagegea; ar uniyakʼ daya do jaejug hạbicʼ tahenkana.

Sereńko 107:15

Manwako lạgitʼ Probhu Isorakʼ hahaṛa kạmiko iạte ar uniyakʼ asambheṛ dulạṛ iạte onko do uniko sarhaoema.

Sereńko 107:8

Manwako lạgitʼ Probhu Isorakʼ hahaṛa kạmiko iạte ar uniyakʼ asambheṛ dulạṛ iạte onko do uniko sarhaokedea.

Sereńko 111:1

Probhu Isorakʼge sarhao hoyokʼtae ma. Iń do ińakʼ goṭa jiwite gun maniń joharae kana, gun manao johariń emaea Isor botoraekanko talare, gun manao johariń emaea jarwa akan hoṛko talare.

Sereńko 112:1

Probhu Isorakʼ sarhao hoyokʼtae ma. Okoe Probhu Isore botoraekan ar uniyakʼ hukum iạteye rạskạkʼkan uni doe bhạgangea.

Sereńko 134:1

E Probhu Isorren golamko, okoe do Probhu Isorakʼ oṛakʼre ńindạ jokhecʼ unipe sapʼsorae kan, ape jotoge Probhu Isorakʼ sarhao sereńpe.

Sereńko 148:13

Onko jotoge Probhu Isorko sarhaoema, ente eken unigeye maraṅa; Ot ar serma cetanre uniyakʼ mạhima menakʼa.

Sereńko 150:6

Sahẽtʼetʼkan sanam jiwiyanko do Probhu Isorko sarhaoema. Probhu Isorakʼge sarhao hoyokʼtae ma.

Sereńko 7:17

Probhu Isor do dhorom reakʼe bicạra, onate iń do uniń sarhaoea; ar iń do maraṅ Probhu Isorakʼ iń õṛhẽ sereńa.