Sereńko 13:2 - সান্তালী বাইবেল

² Ar tinạkʼ din iń do monreń hudisokʼa, ar din hilokʼ ińakʼ ontor do dukte perejokʼtińạ? Ar tinạkʼ din ińren bạiri do iń cetanre jitạu akane tahena?

Sereńko 13:2 Iomraidhean Croise

Nehemiạ 2:2

Ona iạte raj do ińe metadińạ, “Am ma bacom ruạkʼkan, enḍekhan mẽtʼãhã do cekate mulinge ńelokʼkantama? Noa do amakʼ ontor reakʼ kosṭo chaḍa ar cetʼhõ baṅkana.” Iń do noa katha ańjomkate ạḍiń botorena,

Ester 7:6

Estere menkeda, “Uni dusṭạmi bạiri do nui Hamange.” Unre Haman do raj ar rạni samaṅre ạḍiye botorena.

Jobakʼ 10:15

Ińiń dusige khan iń cetanre do muhin hecʼ paṛaoạńạ. Ar bin dusạniń hoylenre hõ bohokʼ do bạń rakapʼ daṛeạtińa, ente lajaoteń perecʼ akana ar kosṭoteń unum akana.

Sereńko 10:18

Am dom onka akada, jemon ṭũạr amar ar santaokʼkan hoṛko secʼem teṅgo daṛeakʼ. Jemon niạ dhạrtirenko bako botor ocodaṛeako.

Sereńko 116:3

Gujukʼ reakʼ baberte iń do toliń tahẽkana, ar patal puri reakʼ jaljalaokʼreń paṛaolena; iń do duk ar kosṭoreń tahẽkana.

Sereńko 31:18

Bạḍại ar hirkhạ salakʼ okoe do dhorom hoṛko upạrte bemanot kathako roṛ. Onkoakʼ eṛe luṭi do guṅgạkʼtako ma.

Sereńko 38:17

Iń doń bhindạṛokʼ kana; ińakʼ kosṭo reakʼ katha do jaoge monre jagao ạńkana.

Sereńko 42:4

Iń do rakʼ rakʼte tinreń andesalekʼ kana, unre disạ hecʼạń kana ḍher porobko manaoetʼkan hoṛko tulucʼ rạskạ ar sarhao sereńate iń do Isorakʼ oṛakʼteń calakʼkan tahẽkana.

Sereńko 6:4

E Probhu Isor, iń secʼ ạcurokʼme, ar rukhiyạyińme; amakʼ khạndri dulạṛ iạte, bańcaoińme.

Sereńko 7:2

Ar baṅkhan onko do dhạcri kul leka jiwiko cirạitińạ; arko kaṭra kuṭrạ cabayińạ, ar iń bańcaoiń lạgitʼ do celege bako tahena.

Sereńko 74:10

E Isor, bạiriko do ar tinạkʼ dinko landa dhudhutʼa? Jaejugge cetʼ onko do amakʼ ńutumko nindạutama?

Sereńko 74:18

E Probhu Isor, alom hiṛińa bạiri do amko landa dhutʼam kana, ar bebujko do amakʼ ńutumko nindạuetʼtama.

Sereńko 8:2

Bale gidrạko ar toa nunuko reakʼ moca khon am do daṛe reakʼ gaṛem hoyocoakada; amren bạiriko lạgitʼge noa dom onka akada, jemon amren bạiriko ar hala hạkʼlikan kom kiṛdhum daṛeako.

Sereńko 9:6

Ar bạiriko do jaejug lạgitʼko jarkharena; onkoakʼ nagrahako dom dhaṅdhaser akada; ar onkoakʼ ńutum sudhạ marao cabayentakoa.

Kạhtukko 15:13

Ontorre rạskạ tahẽlen khan mẽtʼãhã hõ kusige ńelokʼa, menkhan mon reakʼ bhabnate jiu do talga tạuạgokʼa.

Sosolhayic̕ 5:17

Uni do jiwetʼ jonomge ńutreye tahenkana ar edre are kạhĩsokʼ kana.

Jirimiạ 15:18

Cedakʼ ińakʼ haso do baṅ cabakʼkantińạ, cedakʼ ińakʼ ghao do baṅ besokʼkantińạ, cedakʼ ona do baṅ ocogokʼkana? Iń ṭhen do cetʼ eṛe ạtukʼkan dakʼ ar baṅ tahenkan jharna dakʼ lekagem hoyokʼa?

Jirimiạ 45:3

amem menakada, ‘hae! Probhu Isor ińakʼ duk cetanre arhõ hirdạnim emạń kana; iń do hae haeteń laṅga cabayena, jirạuge bạń ńameda.’

Jirimiạ 8:18

Ińakʼ duk do nunạkʼ ḍhera, ona reakʼ jiwi raṛecʼ do bạnukʼa; ińre ińakʼ ontor do ạḍi dukokʼkana.

Rak̕joṅ 1:5

Uni upạrtenko do uniren kisạ̃ṛko hoyakana; Uniren bạiriko do khạtirjomako tahenkana. Uniyakʼ ḍher ghạṭ iạte Probhu do dukreye paṛao ocoakadea. Uniren kạṭicʼ gidrạko do bondikate bạiriko laha lahateko senakana.

Rak̕joṅ 1:9

Uniyakʼ mạilạ do uniyakʼ kicricʼrege laṭkao akantaea; darakan din reakʼ do bae dạndilena. Uni doe sombotʼ bhindạṛ akana; jiwi raṛecʼtae lạgitʼ do celege bạnukʼkotaea. Uniye meneda, “E Probhu Isor, ińakʼ duk baṛe ńeltińme, ente bạiriko doko jitạu akana. ”

Rak̕joṅ 5:20

Am do cetʼ jaejug lạgitʼem hiṛiń akatʼlea? Nunạkʼ din khon cedakʼem bạgi giḍiakatʼlea?

Mathae 26:38

Uniye metatʼkoa, “Gujukʼ dạkhil jiwi lokʼkantińa. Ape do onḍege tahẽ hataṛokʼpe ar iń tulucʼ jagwar akae tahenpe.”

Luk 22:53

Iń do mundilre dinke din ape samaṅreń tahẽkana, menkhan unre ma bacope sapʼlediń. Menkhan ńitokʼ do apeakʼ okte kangea; ar ńut reakʼ ektiạri hõ ńelokʼkana.”

Johan 16:6

Iń do noakoń lại akawatʼpe iạte apeakʼ mon do dukte perecʼ akana.

Philipiko lạgitʼ Pạul apostolakʼ ciṭhi 2:27

Sạrige uni do gujukʼ dạkhilgeye ruạ kạhillena, menkhan Isor do uniye mãyã akawadea ar eken uni eskargeye daya akawadea ona do baṅ, uni do iń hõe daya akawạdińa jemon duk cetan duk aloń ńam.

1 Samuel 18:29

unre Dạud cetanre botor do arhõ ḍherentaea. Ar ạuriye gujukʼ hạbicʼ Dạud do uniren bạiriye hoyena.

1 Samuel 24:19

Jãhãe hoṛ acʼren bạiri cetanre ạt ńamkate uniyakʼ begor loksante cetʼ uniye aṛagea? Teheń ạliń cetanre oka ben kạmiketʼ ona iạte Probhu Isorgeye bhạlại ben ma.