Sereńko 12:7 - সান্তালী বাইবেল

⁷ E Probhu Isor, amgem bańcao dohokoa; ar noa piṛhiren hoṛkoakʼ ti khon jaejug hạbicʼ amge onko mimitʼkom rukhiyạkoa.

Sereńko 12:7 Iomraidhean Croise

Sereńko 10:18

Am dom onka akada, jemon ṭũạr amar ar santaokʼkan hoṛko secʼem teṅgo daṛeakʼ. Jemon niạ dhạrtirenko bako botor ocodaṛeako.

Sereńko 119:140

Amakʼ katha do khạṭigea mente sạbud akana, onatege amren golam do onae dulạṛeda.

Sereńko 121:8

Probhu Isor do din hilokʼe horho jaṅgemea, ńit khon jaejug hạbicʼge.

Sereńko 145:20

Okoe Probhu Isorko dulạṛe uni do onko sanamkoe rukhiyạkoa, menkhan sanam bạṛicʼko uni doe ḍahao maraokoa.

Sereńko 16:1

E Isor, rukhiyạyińme, ente iń do amreń hirlạ akana.

Sereńko 18:31

Probhu eskar chaḍa ar okoe Isor menaea? Aboren Isor chaḍa cetʼ jãhãn aotan buru menakʼa?

Sereńko 19:9

Probhu Isorakʼ botor do sapha utạrgea, ona do jaejug hạbicʼ tahenkana. Probhu Isorakʼ ạnko do sạrigea, onare bedhoromakʼ do cetʼge bạnukʼ anaṅ.

Sereńko 37:28

Probhu Isor do dhorom bicạre dulạṛetʼa; ar acʼ botoraekanko do bae bạgi giḍikoa. Uni do jaejug hạbicʼe rukhiyạkoa, menkhan bạṛicʼ bõsrenko doe marao giḍikoa.

Sereńko 37:40

Probhu Isorge onko doe goṛowakoa are rukhiyạkoa; bạṛicʼkoakʼ ti khon unige onkoe bańcaokoa, ar unige onko doe rukhiyạkoa, ente onko do unirege asrayko hatao akada.

Jesaea 27:3

Iń Probhu Isorge ona doń ńel todarotetʼ kana; iń do jao okte onare dakʼ iń emakʼ kana. Ar okoehõ jemon ona aloko lokshantiń onate siń ńindạń horhoyeda.

Mathae 3:7

Ar ạḍi utạr Phạrusiko ar Sạdukiko hõ bạptisokʼ lạgitʼ acʼ ṭhen hijukʼkane ńelketʼkoa. Uni doe metatʼkoa, “Eya kạrinạṅgin hoponko, Isorakʼ daraekan sạjại khon ńir pharakokʼ lạgitʼ do okoeye cetaoketʼpea?

Dosar Biboron 33:3

“Sạrige uni do acʼren hoṛkoe dulạṛetʼkoa. Sonot goḍetko do acʼakʼ tire menakʼkoa, sanamkoge uniyakʼ umulreko taṛameda; ar uniyakʼ hukumko senakʼkana.

1 Patras 1:5

Ar purạ puri bańcao ạuripe ńam hạbicʼ Isorakʼ daṛete biswạs hotete ape dope horho jaṅge ocoakana. Ar mucạtʼ oktere sodorokʼ lạgitʼ ona bańcaokʼ reakʼ do tear dohoakana.

Jihudạwakʼ ciṭhi 1:1

Iń do Jisu Mạsiren golam ar Jakobren boeha Jihudạ kạnạń. Isor Baba okoekoe hoho are dulạṛ akatʼko ar Jisu Mạsi okoekoe rukhiyạ akatʼko onko ṭhen noa ciṭhi doń oletʼkana.

1 Samuel 2:9

Uni do acʼ bhuktiyae kanko jaṅga do bae tohotʼ ocokoa, ar bedhorom hoṛ do ńutreko ḍahao maraokʼa; ente okoe manwa hõ apnarakʼ daṛete do bae jitạu daṛeakʼa.