Sereńko 12:3 - সান্তালী বাইবেল

^3-4 Okoeko men, “Alaṅ reakʼ jortege bon jitạukʼa; ar aboakʼ luṭi do abo secʼge menakʼa, aboren mạlik do okoeye hoekokʼa?” Onkoakʼ luṭi ar bạḍạite perecʼ alaṅ do Probhu Isorge jemone getʼ giḍikatako.

Sereńko 12:3 Iomraidhean Croise

Jobakʼ 32:22

Iń do jormoṭko hõ bạń baḍaea; ariń onkae khan ińren sisirjạuicʼ do usạrateye rakapʼ idiyińạ.

Sereńko 116:11

Iń doń botorlena, “Ente sanam manwageko eṛegea.”

Sereńko 140:12

Ińiń baḍaea Probhu Isor do dukokʼko secʼ menaea ar nacarkoakʼ do hok reakʼe bicạra.

Sereńko 17:10

Onko do goṛdho ontor reakʼ duạrko siń akada; ar onkoakʼ moca khon bạḍại reakʼ katha hõ oḍokokʼ kana.

Sereńko 55:22

Amakʼ sanam bojha do Probhu Isorge ladeaeme, unige am doe bondobosama; ar acʼ botoraeko do tis hõ bae ṭasak ocokoa.

Exodus 15:9

“Bạiri doe menkeda, ‘onkoń khudạukoa, ariń sapʼkoa, ar onkoakʼ jiniskoń hạṭińjoṅa; iń do onkoakʼ jiniskote apnar iń perejokʼa. Ar tarwaṛe sapʼkate onkoń khudạukoa.’

Kạhtukko 18:21

Moca reakʼ katharege jion ar moron do ṭehãḍokʼa; okoe lek lekan kathako roṛ onko do ona reakʼ joko ńama.

Kạhtukko 26:24

Kurudamkan hoṛ do acʼakʼ luṭite heṛem heṛeme roṛama, menkhan ontorre do phikire dohoyeda.

Jesaea 10:10

Onko boṅga murhutʼkote perecʼ rajosṭiko do ińakʼ tirege paṛao akana; onkoren murhutʼko do Jerusalem ar Samariạren murhutʼ khon ḍherko bhagegea.

Jesaea 59:4

Okoe hõ hok reakʼ do bako mamblakʼ kana, okoe hõ dhorom salakʼ do bako okalotikʼ kana. Onko do ạuṛiyakʼregeko bhorsa joṅkana ar eṛe kathako roṛeda; onko do kukhire dusṭạmiko omon ocoyeda ar bạṛicʼakʼko jamaneda.

Jirimiạ 12:6

Amren boehako, metakʼme am bõsren hoṛ do bepạtiạrko hoyakana; onko hõ am tayomreko lagao akana. Am reaṅ bhageakʼ kathako roṛlere hõ onko do alom pạtiạuakoa.

Jirimiạ 9:8

Onkoakʼ alaṅ do gogocʼakʼ sar leka; ona do phạsiạra kathageko roṛa. Onko do mocate aḍepaserenko tulucʼ sebel sebel kathako galmaraoa menkhan ontorre do uni upạrte jhãmpako oḍaoeda.

Jeheskel 28:2

“E manwa hopon, am do Turren cakʼlaoyicʼ metaeme, Probhu Isor do noa kathae meneda, amakʼ ontor do gorbote perecʼ akana, ar am dom menakada, iń doń deb kana, iń do jalapuri talare Isorakʼ duṛupʼakʼreń duṛupʼ akana; menkhan am do ekenem manwa kana, deb dom baṅkana, enhõ am do debota tulnim hudisokʼ kana.

Jeheskel 28:9

Amren gogocʼko samaṅre unre cetʼem mena, ‘iń doń isor kana?’ Menkhan okoe ame ghạlme, uniyakʼ tire am dom manwa kana, debota do baṅa.

Jeheskel 29:3

Probhu Isor doe menetʼkana, ‘E Misorren Pharao raj, iń do am secʼren doń baṅkana. Am do apnarakʼ gaḍareye giticʼkan uni maraṅ utạricʼ tayan kanam. Am dom menetʼ kana, nil gaḍa do amakʼ kangea ar apnar lạgitʼge ona dom benao akawana.

Daniel 7:25

Maraṅ Isor upạrte uni do kathae roṛa ar uniren hoṛkoe santaokoa. Uni do niṭakatʼ dinko hạbicʼ ar ạn-ạriko bodol reakʼe kurumuṭuya. Isor do onko hoṛko pe bochor tala hạbicʼ uniyakʼ tireye jimạkoa.

Daniel 7:8

Iń do tinre ona dereńkoń kheyalkeda unre mitʼṭecʼ huḍiń dereń do onako talare janam rakapʼena; ona samaṅre lahateakʼ dereńko tala khon pea dereń do or totʼ giḍi ocoyena. Noa dereńko do manwawakʼ mẽtʼ leka tahẽkana ar mitʼṭecʼ moca hõ tahẽkana one uni do gorbokʼ salakʼe roṛetʼkan tahẽkan.

Malaki 3:13

Probhu Isor do arhõe meneda, “Ape do iń upạrte keṭecʼ keṭecʼ kathape roṛeda, menkhan apepe meneda, ‘am upạrte do cetʼle menakada?’

2 Patras 2:18

Onko do ạuṛi sạuṛi ar lạṭu lạtu kathako roṛa ar manwakoakʼ jel reakʼ bạṛicʼ sanako rakapʼ ocoyetʼte nonkan hoṛko bhul horteko idiyetʼkoa, okoe do bạṛicʼko talare menakʼko khonko oḍok hijukʼkan.

Jihudạwakʼ ciṭhi 1:16

Noko hoṛ do jaogeko karacʼ kurujokʼa, ar akoakʼ bhạgko dusiya ar ontor reakʼ bạṛicʼ sana lekako calakʼa. Onko do akoteko sarhaokʼa ar lab joṅ lạgitʼ hoṛko heṛemakoa.

Johan sodor 13:5

Uni janwar do sarhaokʼ lạgitʼ ar Isor henostawae lạgitʼ daṛeye emocoyena. Ar pongel bar cando hạbicʼ acʼakʼ ektiạri jemone khaṭao daṛeakʼ ona lạgitʼ hukume em ocoyena.

1 Samuel 2:3

Ape do ạḍại bạḍại katha alope roṛa, ar bạḍại reakʼ katha do moca khon alope oḍoka; ente Probhu Isor doe nonkanicʼ Isor kana okoe do jotowakʼe baḍaekan, unige kạmi reakʼe tulạyetʼ kana.