Sereńko 12:2 - সান্তালী বাইবেল

² Manwa do manwa ṭhen eṛeko roṛetʼkana; onko do luṭite kathako roṛa ar ontor do eṛete perecʼgetakoa.

Sereńko 12:2 Iomraidhean Croise

1 Bõsbudạ 12:33

Sebulon gusṭiren do mõṛẽgel hajar gạkhuṛ lạṛhại phạdko tahẽkana. Onko do joto lekan khanḍa bhanḍawanteko lạṛhại daṛeakʼkan tahẽkana. Onko do ạḍi pạtiạr salakʼ Dạudko goṛowade tahẽkana.

Sereńko 10:7

Uniyakʼ moca do sarap, ṭhok ar jorjulumte perecʼgea; uniyakʼ alaṅre do behok ar bạṛicʼakʼ reakʼ katha menakʼa.

Sereńko 116:11

Iń doń botorlena, “Ente sanam manwageko eṛegea.”

Sereńko 144:11

Rukhiyạyińme, ar eṭakʼ jạtrenkoakʼ ti khon bańcaoińme; onkoakʼ moca do phạsiạrate perecʼgea; onko do jojom ti tulkate ạuṛiyakʼko kiriạkʼa.

Sereńko 144:8

Onkoakʼ moca do phạsiạrate perecʼgea; onko do jojom ti tulkate ạuṛiyakʼko kiriạkʼa.

Sereńko 28:3

Okoeko phạsiạrage, ar okoe do bạṛicʼakʼko kạmikan ar okoe jotoko tulucʼ bhageko roṛetʼkan menkhan ontorre bạṛicʼakʼ menakʼtako, onko sãote sạjạiyiń lạgitʼ do alom or seledińạ.

Sereńko 38:12

Okoe do iń gojeńko menjoṅkan onko do iń lạgitʼ pạsiko oḍao akada; okoe iń hạneńko menjoṅkan onko do maraoiń reakʼ botorko udukʼạń kana; goṭa din onko do ṭhokayiń reakʼ phundiko aṭaoeda.

Sereńko 41:6

Onkoren jãhãege iń ńeńelko hecʼlenre onko do iń tulucʼ bạṛicʼakʼko roṛa; ar iń upạrte nindạu reakʼ kathako jogaṛa ar bahrere senkate onako lại baṛaea.

Sereńko 5:9

Ińren bạirikoakʼ oka katha hõ pạtiạuanakʼ do baṅkana, onkoakʼ ontorre do eken nosṭo reakʼ monejoṅakʼge menakʼa, onkoakʼ moca do oṭakʼ akatʼ topa lekana, onko do alaṅte cĩkạ̃ṛ cĩkạ̃ṛ kathako roṛa.

Sereńko 55:21

Uniyakʼ moca reakʼ katha do makhon khon hõ cĩkạṛgea, menkhan uniyakʼ ontorre do lạṛhại menakʼa; uniyakʼ kathako do hoṛmore ojokʼ akatʼ sunum khon hõ noromgea, menkhan onako do khap khon or bocʼ akatʼ tarwaṛe lekage.

Sereńko 59:12

Onkoakʼ moca reakʼ kại ar luṭi reakʼ kathare okaṭakʼ ạsis ar eṛeteakʼ menakʼ, onate onkoakʼ bạḍại iạteko sabokʼma.

Sereńko 62:4

Uniyakʼ cetan hudạ khon latarte pheḍege onkoakʼ motlob do; ar eṛe kathage onkoakʼ rạskạteakʼ do. Mocatege onko do bhorko emokʼa ar ontorte doko sarapakoa. (Sela)

Kạhtukko 20:19

Nisṛạukan hoṛ do okoakʼ kathae sodora; onate bạ̃ṛti katha roroṛ hoṛ tulucʼ do alom gatekʼa.

Kạhtukko 20:6

Ḍhertetʼ hoṛge apanar do pạtiạran hoṛ menteko udugokʼa, menkhan pạtiạrạnicʼ hoṛ do okoeye ńam daṛekea?

Kạhtukko 29:5

Okoe hoṛ aḍepaserenkoe lạhum sạhumko uni do acʼakʼ jaṅga lạgitʼ jhạligeye oḍaoeda.

Jirimiạ 7:28

Onate onkom metakoa, ‘ape do onko jạtrenko kanape, okoe do Probhu Isorakʼ sana leka bako senlen ar uniye sudhrạuletʼkore hõ bako hetaoatʼtaea. Sạriyakʼ do cabayena; ar ona do onkoakʼ moca khon getʼ gidiyena.’ ”

Jirimiạ 9:8

Onkoakʼ alaṅ do gogocʼakʼ sar leka; ona do phạsiạra kathageko roṛa. Onko do mocate aḍepaserenko tulucʼ sebel sebel kathako galmaraoa menkhan ontorre do uni upạrte jhãmpako oḍaoeda.

Jeheskel 12:24

Israelren hoṛko talare eṛe dorson ar kusi ocokʼ reakʼ gona-poṛa do ar baṅ tahena.

Mikạ 7:2

Disạm khon Isor botorae kan hoṛ doko meṭao ocoakana; dhoromicʼ do mitʼ hoṛ hõ bạnugicʼan. Sanamkoge mãyãm joroy lạgitʼko tãṛãkʼ akana; onko jotoge akoakʼ pạsire jhạlikoko khojkana.

Romiko lạgitʼ Pạul Apostolakʼ ciṭhi 16:18

ente nonkanko hoṛ do aboren Probhu Mạsiren golam hoyokʼ baṅkate apnar lacʼgeko moneyakʼkana. Onko do sebel ar luhum suhum kathate sojhe monan hoṛko bulạuetʼkoa.

1 Thessalonikikko 2:5

Baḍaegeape heṛem heṛem kathako do tishõ bale roṛakada, ar lalocakʼko okokate bulạuakʼ jãhãn katha hõ bale roṛakada, Isorge onaren goha do.

Jakob 1:8

Uni doe bar monan hoṛkana ar joto kạmirege bae ṭarhaokʼa.