Sereńko 12:1 - সান্তালী বাইবেল

¹ E Probhu Isor, bańcaoińme, am botoramko do ar bạnukʼkoa; ar pạtiạran hoṛko do manwa tala khonko ocokʼ akana.

Sereńko 12:1 Iomraidhean Croise

Genesis 6:12

Isor do dhạrti secʼe beṅgetʼkeda ar goṭage kharap caba akane ńelkeda, ente dhạrtiren manwakoakʼ sobhab do sea akan tahẽkana.

1 Bõsbudạ 15:21

Latar rạṛte peṛesaṅ bakʼnamkoakʼ bhar do Motithiạ, Elipholehu, Mikneo, Obed-Idom, Jiyiyel ar Asosiyer cetanre dohoyena.

Sereńko 3:7

E Probhu Isor, dela hijukʼme; E ińren Isor, bańcaoiń me. Am do ińren bạiriko jambereyem ghạletʼkoa ar bạṛicʼ hoṛkoakʼ ḍaṭa dom rạputʼ giḍikatako kana.

Sereńko 54:1

E Isor, amakʼ daṛete bańcaoińme; ar amakʼ maraṅ daṛete chinḍạukạtińme.

Sereńko 6:1

E Probhu Isor, edrete alom egerińạ; ar bekusi iạte hõ alom ḍanṭaoińạ.

Sereńko 6:4

E Probhu Isor, iń secʼ ạcurokʼme, ar rukhiyạyińme; amakʼ khạndri dulạṛ iạte, bańcaoińme.

Kạhtukko 20:6

Ḍhertetʼ hoṛge apanar do pạtiạran hoṛ menteko udugokʼa, menkhan pạtiạrạnicʼ hoṛ do okoeye ńam daṛekea?

Jesaea 1:9

Phạdkoren Probhu Isor do abo lạgitʼ adom adom hoṛko jiwetʼ bae doholeko khan enḍekhan aboakʼ dosa do Sodom ar Gomora leka hoykokʼa.

Jesaea 57:1

Dhorom hoṛko maraokʼkan ona secʼ do okoehõ bako moneyakʼ kana. Isor bhokto hoṛ doko idi ocokʼ kana, menkhan okoege bako bujhạu daṛeakʼ kana, bạṛicʼ hoṛkoakʼ ti khon rukhiyạ ńam lạgitʼge onko doko idi ocokʼ kana mente.

Jesaea 59:4

Okoe hõ hok reakʼ do bako mamblakʼ kana, okoe hõ dhorom salakʼ do bako okalotikʼ kana. Onko do ạuṛiyakʼregeko bhorsa joṅkana ar eṛe kathako roṛeda; onko do kukhire dusṭạmiko omon ocoyeda ar bạṛicʼakʼko jamaneda.

Jesaea 63:5

Iń doń beṅgetʼkeda, menkhan gokʼṛoko do celege bạń ńamletʼkoa; ar iń doń hahaṛayena, ar okoehõ bako goṛowạdińa. Ona iạte nijakʼ daṛetege babańcao reakʼ iń kạmikeda, ar ińakʼ edre doe khĩs ocokedińa.

Jirimiạ 5:1

Probhu Isore meneda, “Jerusalem reakʼ ḍaharkore onte note ńir baṛaepe ar beṛhaete beṅgetʼ ạcurpe. Onḍenakʼ nagraha reakʼ haṭ bajarkore khoj hataope. Ńelpe, nonkan jãhãepe ńamea se baṅa okoe do dhorom ar sạriyakʼreye dãṛãnkan enḍekhan iń do ona nagrahań ikạkakʼa.

Mathae 14:30

Menkhan hoe ńelteye botoren khan unumokʼe ehopʼena ar kikiạuateye menkeda, “E Probhu Isor, bańcaoiń me.”

Mathae 24:12

Ar bedhoromge ḍherokʼte ḍher hoṛkoakʼ dulạṛ do reaṛokʼtakoa.

Mathae 8:25

Unre celako do uni ṭhen hecʼkate beretʼ kedeteko metadea, “E Probhu Isor, bańcao bonme; gujukʼkana bon.”