Sereńko 118:7 - সান্তালী বাইবেল

⁷ Ińren gokʼṛoyicʼ lekate Probhu Isor do iń secʼre menaea, onate ińren bạirikoakʼ bhagaokʼ iń ńela.

Sereńko 118:7 Iomraidhean Croise

1 Bõsbudạ 12:18

Okoe do tayomte “Pegel” dolkoren mukhiyại hoylen uni Amasae cetanre Probhu Isorren Jiu doe hecʼena. Ar unre uni doe menkeda, “E Dạud, ale do amren kangeale! E Jisạiren hopon, Ale do am secʼrege menakʼlea. Bhạlại hoyokʼtam ma, amakʼ bhạlạige baṛe hoyokʼma, onkoakʼ bhạlại hõ hoyokʼtakoma, okoe do amko goṛowam kan, ente amren Isor do ame goṛowam kana.” Unre Dạud do onkoe ataṅketʼkote acʼren bạiriko cetanren mukhiyạkoe benaoketʼkoa.”

Sereńko 112:8

Uniyakʼ mon do diṛhogete bae botorokʼ kana; sesre uni do acʼren bạirikoakʼ bhagaoe ńela.

Sereńko 54:4

Isorge iń doe goṛowạńa; ar Probhuge iń doe sapʼ dohoyińạ.

Sereńko 54:6

Iń do khaṛa montegeń teṅgenama; E Probhu Isor, amiń sarhaomea, ente am dom bhagegea.

Sereńko 54:7

Ińakʼ sanam muhin khon unige iń doe bańcao akadińạ; iń do apnarakʼ mẽtʼte ińren bạirikoakʼ bhagaoiń ńel akadea.

Sereńko 55:18

Okaṭakʼ lạṛhại iń upạrte calakʼkan tahẽkan onare iń upạrtenkoakʼ do maraṅ dol tahẽkana, onate uni doe chaḍao ạgukedińa ar nirạiteye dohoakadińạ.

Sereńko 59:10

Isor do acʼakʼ asambheṛ daya iạte iń ṭhene hijukʼa, ar ińren bạirikoakʼ bhagaoe ńel ocoyińạ.

Sereńko 59:11

E Probhu Isor, aleren ḍhal, ińren bạiriko alom gocʼ giḍikoa, ar baṅkhan ińren hoṛ do noako bako disạ dohoya. Am do bickom amakʼ daṛetem nonkakoa jemon hanḍe nanḍeko ạcur baṛae; ar amge baṛe onko do bhagaokom.

Sereńko 92:11

Ińren bạirikoakʼ bhagao do nij mẽtʼteń ńelakada; okoe iń upạrteko teṅgo akan onko bedhorom hoṛkoakʼ rakʼjoṅ iń do nijakʼ luturteń ańjom akada.

Jesaea 41:13

ente iń kangeạń Probhu, amren Isor do: iń do amakʼ jojom tiyiń sapʼ akatʼtama ariń metamkana, alom botorokʼa; iń do amiń goṛowama.